Ester 2:15 - An Bibel Kernewek 20234 (Kernewek Kemmyn)

¹⁵ Pan dheuth torn Ester, myrgh Abihayl ewnter Mordekay neb a's kemmersa avel y vyrgh ev, mayth ella bys y'n myghtern, ny wovynnas hi travyth orth Hegay spadhesik an myghtern ha gwithyas an benynes, saw an pyth a brofyas ev. Hag Ester a gavas gras yn golok oll an re a viri warnedhi.

Ester 2:15 Iomraidhean Croise

Ester 2:14

Y'n gorthugher yth e hi, ha ternos vyttin dehweles a wre dhe nessa chi an benynes, yn gwith Shaashgaz, spadhesik an myghtern, gwithyas an iswragedh. Ny dho hi arta bys y'n myghtern marnas an myghtern a ve hwansek dhedhi ha hi dhe vos gelwys dre hanow.

Ester 2:16

Ytho Ester a veu hembrenkys bys y'n myghtern Ahasuerus yn y ji ryel y'n degves mis, yw an mis Tebeth, yn seythves blydhen y reyn.

Ester 2:3

ha settyes an myghtern soedhogyon yn oll ranndiryow y wlaskor, may kuntellons war-barth oll an gwyrghesow yowynk ha teg bys yn Shushan an bennsita, dhe ji an benynes, yn gwith Hegay, spadhesik an myghtern, gwithyas an benynes; ha'ga oynmentys bedhens res dhedha;

Ester 8:1

Y'n jydh na, myghtern Ahasuerus a ros chi Haman, eskar an Yedhewon, dhe Ester an vyghternes. Ha Mordekay a dheuth a-dherag an myghtern; rag Ester a dherivsa fatell veu ev neskar dhedhi.

Ester 9:29

Ena Ester an vyghternes, myrgh Abihayl, ha Mordekay an Yedhow, a skrifas gans awtorita leun owth afydhya an nessa lyther ma a-dro dhe Purim.

Lavarow Koth 15:33

Dyskans furneth yw own an Arloedh, hag uvelder a dheu a-rag enor.

An Gan a Ganow 6:9

Onan yw ow holommenn, ow benyn berfydh; an unn vyrgh yw hi dh'y mamm, heb namm dhe neb a's omdhuk. Myrghes a's gwelas ha keslowenhe gensi, myghternesow hag iswragedh a's gormolas.

An Gan a Ganow 8:10

Fos ov vy, hag ow diwvronn yw kepar ha touryow; yndella yth ov vy, yn y dhewlagas, kepar hag onan neb a gyv kres.

Oberow 7:10

hag ev a'n sawyas mes a'y boenvos oll, ha ri dhodho favour ha furneth dherag Faro myghtern Ejyp, neb a'n ordenas governour dres Ejyp ha dres y goskordh oll.