Ester 2:12 - An Bibel Kernewek 20234 (Kernewek Kemmyn)

¹² Lemmyn pan veu devedhys torn pub moren mayth ella bys y'n myghtern Ahasuerus, y feu res dhedhi bos dyghtys herwydh an lagha rag an benynes dewdhek mis, rag yndella yth esa kollenwys dydhyow aga thekheans, hwegh mis gans oyl myrr, ha hwegh mis gans ethennow hweg ha gans oynmentys an benynes.

Ester 2:12 Iomraidhean Croise

Ester 2:11

Ha Mordekay a gerdhi pub dydh a-rag klos chi an benynes, rag godhvos fatell o gans Ester, ha'n pyth a hwarva dhedhi.

Ester 2:13

Yndella pub moren a dho dhe'n myghtern: pynagoll a vynna y feu res dhedhi rag mos gensi yn-mes a ji an benynes bys yn chi an myghtern.

Ester 2:3

ha settyes an myghtern soedhogyon yn oll ranndiryow y wlaskor, may kuntellons war-barth oll an gwyrghesow yowynk ha teg bys yn Shushan an bennsita, dhe ji an benynes, yn gwith Hegay, spadhesik an myghtern, gwithyas an benynes; ha'ga oynmentys bedhens res dhedha;

Ester 2:9

An voren a'n plesyas, ha hi a gavas favour anodho; hag ev a ros dhedhi a verr spas hy oynmentys, gans hy rannow a voes, ha seyth maghteth dhewisys, dhe vos res dhedhi dhiworth chi an myghtern; hag ev a's gorras hi ha'y maghtethyon y'n gwella tyller yn chi an benynes.

Lavarow Koth 7:17

My re velyshas ow gweli gans myrr, aloes ha sinnamon.

An Gan a Ganow 3:6

Piw yw hemma usi ow tos yn-bann a'n gwylvos, kepar ha kolovenyow a vog, yn mysk ethennow a vyrr ha frankynkys, a bub polter sawrek a'n marchont?

Ysay 3:24

Yn le spisys y fydh fler, hag yn le grogys pann y fydh kordenn, yn le gols plethys y fydh bloghter, yn le dillas teg y fydh yskar, ha kreyth leskys yn le tekter.

Ysay 57:9

Ty a vyajyas dhe Molek gans oyl hag ynkressya dha velysethow. Ty a dhannvonas dha gannasow pell ha dannvon yn-nans bys yn ifarn.