Ester 1:6 - An Bibel Kernewek 20234 (Kernewek Kemmyn)

⁶ Yth esa kroglennow a goton wynn ha pann glasrudh, kelmys gans kerdyn a lien fin ha purpur orth kylghyow a arghans ha kolovenyow a varbel. Yth esa growedhvaow a owr hag arghans war leur a veyn gwyrdh, marbel, askell ha meyn glaswyrdh.

Ester 1:6 Iomraidhean Croise

Ester 7:8

Hware an myghtern a dhehwelis dhiworth lowarth an palys bys yn hel an kevewi; hag yth esa Haman ow koedha war an gweli-dydh le mayth esa Ester. Ytho yn-medh an myghtern, ‘A vynn ev hwath defola an vyghternes, ha hi genev y'm chi ow honan?’ Kettell asas an ger ganow an myghtern, i a gudhas fas Haman.

Ester 8:15

Ena Mordekay eth yn-mes dhiworth golok an myghtern, yn gwisk ryel, glas ha gwynn y liw, ha dhodho kurun vras a owr ha goen a lien fin ha purpur: ha'n sita Shushan a arma hag a lowenhi.

Eksodus 26:1

Ha, ty a wra an tabernakel gans deg kroglenn a sendal plethys ha pann glas ha purpur ha kogh; gans cherubim, ober gweythor kweth, ty a's gwra.

Ezekiel 23:41

Ty a esedhas war weli splann, gans moes pareusys a-ragdho may settsys warnedhi ow ynkys ha'm olew.

Amos 2:8

War dhillas kemmerys yn goestel i a wrowedh ryb pub alter; ha gwin a'n re neb re beu spalys a evons yn chi aga Duw.

Amos 3:12

Yndellma y lever an Arloedh: Dell dhelirv an bugel mes a anow an lew diw arr po tamm skovarn, yn kettella delivrys vydh mebyon Ysrael eus trigys yn Samaria, gans tamm a weli ha gans gweli-dydh a dhamask.

Amos 6:4

An re usi a'ga growedh war weliow a dhans olifans hag owth omystynna yn lows war aga gweliow-dydh; ow tybri hordhes yowynk dhiworth an flokk, ha leughi yn-mes a'n stall;

1 Samuel 28:23

Mes ev a skonyas, ha leverel, ‘Ny vynnav dybri.’ Mes y wesyon, war-barth gans an venyn, a ynnias warnodho; hag ev a woslowas orth aga lev. Ytho ev a sevis a-dhiwar an dor hag esedha war an gweli.