Ester 1:3 - An Bibel Kernewek 20234 (Kernewek Kemmyn)

³ yn tressa blydhen y reyn, ev a wrug kevewi rag y bennsevigyon ha'y wesyon oll; hag yth esa a-ragdho nerth Persia ha Media, ugheloryon ha gwahalyethow an rannvroyow.

Ester 1:3 Iomraidhean Croise

Jenesis 40:20

Y'n tressa dydh, penn-bloedh Faro, ev a wrug kevewi rag oll y wesyon hag ughelhe penn chyf an hanaforyon ha penn chyf an beboryon yn mysk y wesyon,

1 Myghternedh 3:15

Ena Solomon a dhifunas; hunros o. Ev a dheuth dhe Yerusalem le may sevis a-rag argh kevambos an Arloedh. Ev a offrynnas offrynnow leskys hag offrynnow kres, ha provia gwledh rag oll y wesyon.

Ezra 1:2

‘Yndellma y lever Kyrus myghtern Persia: An Arloedh Duw nev, re ros dhymm oll ruvanethow an norvys; hag ev re erghis dhymm drehevel dhodho chi yn Yerusalem, usi yn Yuda.

Ester 1:14

hag yth esa yn y ogas Karshena, Shethar, Admatha, Tarshish, Meres, Marsena, ha Memukan, an seyth pennsevik a Persia ha Media, a weli fas an myghtern, hag o esedhys yn kynsa renk an wlaskor):

Ester 1:4

Ev a dhiskwedhas rychys y wlaskor gloryus hag enor y veuredh bryntin lies dydh, kans dydh ha peswar-ugens.

Ester 2:18

Ena an myghtern a wrug kevewi meur rag oll y bennsevigyon ha'y wesyon, an kevewi a Ester; hag ev a wrontyas powes dhiworth tollow dhe'n rannvroyow, hag a brovias rohow gans helder ryel.

Ester 3:7

Y'n kynsa mis, yw an mis Nisan, y'n dewdhegves blydhen a vyghtern Ahasuerus, tewlel Pur a wrussons, henn yw an prenn, a-dherag Haman dhe dhewis an jydh ha'n mis, ha'n prenn a goedhas war drydhegves dydh an dewdhegves mis, yw an mis Adar.

Ysay 21:2

Gwelesigeth asper yw disklerys dhymm; an traytour a drayt, an gwastyer a wast. Yskynn, Elam, gwra esedhva, Media; my a wrug dhe oll hy hanasow hedhi.

Yeremia 51:11

Lymmewgh an sethow! Lenwewgh an goenyow! An Arloedh re dhrehevis spyrys myghternedh an Medys, rag y dowl a-dro dhe Babylon yw hy distrui, rag henn yw dial an Arloedh, dial rag y dempel.

Daniel 5:1

Belshassar an myghtern a wrug kevewi bras rag mil a'y arlydhi, hag eva gwin a-rag an mil.

Daniel 5:28

peres, dha ruvaneth yw rynnys ha res dhe'n Medys ha dhe'n Persianys.’

Daniel 6:1

Da o gans Darius settya war an ruvaneth hwegh-ugens gwahalyeth, rag may fens der an ruvaneth oll,

Daniel 8:20

An hordh dewgornek a welsys yw myghternedh Media ha Persia.

Mark 6:21

Ha pan o devedhys dydh gwiw, Herod a wrug gwledh yn y benn-bloedh dh'y dus vras, dh'y benn-gaptenyon ha dhe welhevin Galile;