Eksodus 9:24 - An Bibel Kernewek 20234 (Kernewek Kemmyn)

²⁴ yth esa keser, ha tan owth omdhiskwedhes yn mysk an keser, keser pur vras, a'n par na veu gwelys bythkweth yn pow Ejyp oll a-ban dheuth ha bos kenedhel.

Eksodus 9:24 Iomraidhean Croise

Job 38:23

a withis vy rag termyn trobel, rag dydhyow a vatel ha bresel?

Salmow 105:32

Ev a ros dhedha keser rag glaw, ha tan ow flammya yn aga thir.

Salmow 18:13

An Arloedh ynwedh a darennas y'n nevow, ha'n Ughella a ros y lev, keser ha kolennow tan.

Eksodus 10:6

Hag i a wra lenwel dha jiow ha chiow oll dha servysi hag Ejyp oll; dell na welas na dha dasow na dha dasow-wynn, a'n jydh may teudhons war an nor bys y'n jydh hedhyw.” ’ Ena ev a dreylyas ha mos a-dhiworth Faro.

Eksodus 9:18

Otta, a-vorow a-dro dhe'n prys ma, my a wra dhe goedha keser pur vras, a eghenn na veu gwelys bythkweth yn Ejyp a'n jydh y feu fondys bys lemmyn.

Eksodus 9:23

Ena Moyses a ystynnas y welenn war-tu ha nev; ha'n Arloedh a dhannvonas taran ha keser, ha tan a resas dhe'n nor. Ha'n Arloedh a lesas keser war bow Ejyp;

Eksodus 9:25

An keser a weskis peub hag esa y'n gwel dre bow Ejyp oll, ha den ha best; ha'n keser a weskis pub plans a'n gwel ha brewi pub gwydhenn a'n gwel.

Ysay 30:30

An Arloedh a wra dh'y lev meuredhek bos klewys, ha dhe strekys y vregh ow tiyskynna bos gwelys, gans konnar y sorr ha flamm a dan ow tevorya, gans kowas ha tewedh ha keserennow.

Ezekiel 1:4

My a viras, hag otta annawel ow tos dhiworth an gogledh, kommolenn vras, ha tan ow lughesi gans golow splann a-dro dhedhi, hag ow tos yn-mes anedhi neppyth kepar hag amber, dhiworth kres an tan.

Ezekiel 13:13

Rakhenna yndellma y lever an Arloedh Duw: My a wra dhe annawel hy folsa y'm sorr, ha glaw a liv yn-nans y'm konnar, hag y fydh keserennow yn sorrvann dh'y distrui.

Matthew 24:21

Rag y'n prys na y fydh anken tynn, a'n par na hwarva a-dhia dhalleth an norvys bys y'n jydh hedhyw, na nevra ny vydh.