Eksodus 9:16 - An Bibel Kernewek 20234 (Kernewek Kemmyn)

¹⁶ Mes rakhemma y'th hesis dhe vewa, dhe dhiskwedhes dhis ow galloes, may fo derivys ow hanow war oll an nor.

Eksodus 9:16 Iomraidhean Croise

2 Samuel 7:23

Piw yw haval dhe'th pobel, haval dhe Ysrael, kenedhel dhibarow y'n norvys, neb eth Duw dh'y dasprena avel pobel ragdho y honan, ha dhe wul hanow ragdho, ha dhe wul ragowgh traow bras hag euthyk, rag dha wlas, a-dherag dha bobel, a dhasprensys ragos dha honan dhiworth Ejyp, a-dhiworth an kenedhlow ha'ga duwow?

2 Myghternedh 19:35

Y'n nos na el an Arloedh eth yn-mes, ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

1 Kroniklys 16:24

Derivewgh y wolewder yn mysk an kenedhlow, y wriansow marthys yn mysk oll an poblow.

Nehemia 9:10

ha ri toknys hag anethow erbynn Faro hag erbynn oll y servysi, hag oll pobel y wlaskor; rag ty a wodhya i dhe dhyghtya agan tasow yn tont. Ytho ty a waynyas an ger-da a'th eus, par dell yw y'n jydh hedhyw.

Salmow 106:8

Byttegyns ev a's selwis a-barth y hanow, rag may hwrella dh'y wriansow nerthek bos aswonnys.

Salmow 64:9

Ha pub den oll a berth own, ha derivas gweythres Duw, ha prederi yn town a'y ober ev.

Salmow 76:10

Sorr mab-den a dreyl dhe'th wormola; remenant an sorr ty a wisk a-dro dhis avel grogys.

Eksodus 14:17

Ha my a galesha kolonn an Ejyptianys mayth ellons war aga lergh, ha my a gyv glori drefenn Faro hag oll y lu, y jarettow, ha'y varghogyon.

Eksodus 14:4

Ha my a wra kaleshe kolonn Faro, hag ev a wra aga siwya ha my a gyv glori drefenn Faro ha'y lu oll; ha'n Ejyptianys a woer my dhe vos an Arloedh.’ Hag yndella i a wrug.

Eksodus 18:11

Lemmyn my a woer bos an Arloedh brassa ages duwow oll, ow kul yndella erbynn seul a's dyghtyas yn howtyn.’

Eksodus 9:15

Rag erbynn lemmyn my a allsa ystynn ow dorn ha'th weskel ty ha'th pobel gans an pla, ha ty a via treghys a'n nor.

Eksodus 9:17

Hwath yth omughelhydh erbynn ow fobel, ha ny's gesydh dhe vones.

Lavarow Koth 16:4

An Arloedh re wrug pup-tra rag porpos, ynwedh an tebelwas rag dydh a derroes.

Yeremia 32:20

Ty re dhiskwedhas toknys ha marthusyon yn pow Ejyp, hwath bys y'n jydh ma, hag yn Ysrael, hag yn mysk mab-den oll, ha ty re wrug dhis hanow, kepar hag y'n jydh hedhyw.

Ezekiel 39:21

My a dhiskwedh ow glori yn mysk an kenedhlow, hag oll an kenedhlow a wel ow breus a wrugavy, ha'n leuv a worris warnedha.

Malaki 1:11

Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow.

Malaki 1:14

Mollothek yw an toeller a'n jeves gorow y'n gre ha dedhewi y ri, hag ena ev a sakrifi dhe'n Arloedh neppyth gans namm warnodho. Rag myghtern meur ov vy, yn-medh Arloedh an luyow, ha'm hanow yw ownys yn mysk an kenedhlow.

Niverow 14:21

mes yn hwir, dell vewav, ha dell vydh oll an nor lenwys gans golewder an Arloedh,

Romanyon 9:17

Rag an skryptor a lever dhe Faro, ‘My re'th sevis rag an keth tra ma may tiskwetthiv dhis ow galloes ynnos ha may fo dyllys ow hanow vy y'n norvys oll.’

Romanyon 9:22

Mes pandra mar kwrug Duw, gans bodh a dhiskwedhes y gonnar ha dyllo y alloes, perthi gans perthyans meur an lestri a gonnar gwrys gwiw rag distrui,

Yoshua 4:24

may hwodhve oll poblow an norvys bos krev leuv an Arloedh, ha may perthewgh own a'n Arloedh agas Duw bys vykken.’

1 Peder 2:19

Rag hemm yw grassyes: den dhe berthi galarow ha godhevyans gans kamm, yn omwodhvos a Dhuw.

1 Peder 2:8

ha, ‘Men a wra dhe dhen trebuchya, ha karrek a offens.’ I a goedh rag nyns yns i gostydh dhe'n ger. Henna a veu aga thenkys.

Lyther Yud 1:4

Rag entra yn unn slynkya yn-dann gel re wrug sertan re a veu seuladhydh apoyntys dhe'n dampnasyon ma, tus dhidhuw a dreyl gras agan Duw bys yn drokhwans ha nagha agan unn mester hag Arloedh, Yesu Krist.

1 Samuel 4:8

Go-ni! Piw a yll agan delivra a-dhiworth dorn an duwow galloesek ma? An re ma yw an duwow neb a weskis an Ejyptianys gans plagys y'n gwylvos.