Eksodus 8:32 - An Bibel Kernewek 20234 (Kernewek Kemmyn)

³² Mes Faro a galeshas y golonn an prys ma ynwedh, ha ny asas an bobel dhe vones.

Eksodus 8:32 Iomraidhean Croise

Eksodus 4:21

Ha'n Arloedh a leveris dhe Moyses, ‘Pan dhehwelydh dhe Ejyp, gwayt gul a-rag Faro an marthusyon oll hag a res vy yn dha dhorn, mes my a wra kaleshe y golonn ma na asso an bobel dhe vones.

Eksodus 8:15

Mes Faro pan welas bos hedh, ev a galeshas y golonn, ha ny vynna goslowes orta; dell lavarsa an Arloedh.

Eksodus 8:31

Ha Duw a wrug dell worhemmynnis Moyses, ha dilea an hesow a gelyon a Faro, a'y servysi hag a'y bobel; ny veu gesys nagonan.

Eksodus 8:8

Ena Faro a elwis Moyses hag Aron, ha leverel, ‘Pys an Arloedh may kemmerro an kwilkynyow ahanav hag a'm pobel; ha my a wra gasa an bobel dhe vones ha sakrifia dhe'n Arloedh.’

Eksodus 9:7

Ha Faro a dhannvonas, hag otta, nyns o marow nagonan a warthek Ysrael. Mes kolonn Faro o kaleshes ha ny asas an bobel dhe vones.

Ysay 63:17

Prag re'gan gwrussys dhe wandra dhiworth dha fordhow, A Arloedh, ha kaleshe agan kolonn ma na borthen own ahanas? Dehwel a-barth dha servysi, loethow dha eretons.

Romanyon 2:5

Mes dre dha golonn gales hag anedrek yth esos ow kreuni konnar ragos dha honan y'n jydh a gonnar may fo diskwedhys ynno breus gwiryon Duw.

1 Samuel 6:6

Prag y hwrewgh kaleshe agas kolonn kepar dell wrug an Ejyptianys ha Faro kaleshe aga holonn? Wosa ev dhe wul ges anedha, a ny assons an bobel dhe vones, hag i a dhibarthas?