Eksodus 7:5 - An Bibel Kernewek 20234 (Kernewek Kemmyn)

⁵ Ha'n Ejyptianys a woer my dhe vos an Arloedh pan ystynnav ow dorn war Ejyp ha kyrghes mebyon Ysrael yn-mes anedha.’

Eksodus 7:5 Iomraidhean Croise

Salmow 138:7

Kyn kerdhav yn kres anken, ty a with ow bewnans; ty a ystynn dha leuv erbynn sorr ow eskerens, ha'th leuv dhyghow a'm saw.

Salmow 9:16

Aswonnys yw an Arloedh, ev re wrug breus; an tebelwas yw maglennys gans ober y dhiwleuv y honan. Higgayon. Sela.

Eksodus 10:2

ha may leverri yn klewans dha vab ha mab dha vab fatell wrug vy kammdhyghtya an Ejyptianys ha pana toknys a wrug vy yntredha; may hwodhvi my dhe vos an Arloedh.’

Eksodus 10:7

Ha servysi Faro a leveris dhodho, ‘Pygemmys prys y fydh an den ma antell dhyn? Gas an dus dhe vones may serfyons an Arloedh aga Duw; a ny gonvedhydh na hwath bos Ejyp distruys?’

Eksodus 14:18

Ha'n Ejyptianys a woer my dhe vos an Arloedh, pan gavav gordhyans drefenn Faro, y jarettow, ha'y varghogyon.’

Eksodus 14:4

Ha my a wra kaleshe kolonn Faro, hag ev a wra aga siwya ha my a gyv glori drefenn Faro ha'y lu oll; ha'n Ejyptianys a woer my dhe vos an Arloedh.’ Hag yndella i a wrug.

Eksodus 18:8

Ena Moyses a leveris dh'y hwegron pup-tra a wrussa an Arloedh dhe Faro ha dhe Ejyp a-barth Ysrael, oll an anken re dhothya warnedha war an hyns ha fatell y's liv'sa an Arloedh.

Eksodus 3:20

Ytho my a ystynn ow dorn ha gweskel Ejyp gans ow marthusyon oll a wrav ynno; wosa henna ev a as dhedha mones.

Eksodus 6:1

Mes an Arloedh a leveris dhe Moyses, ‘Lemmyn ty a wel an pyth a wrav dhe Faro; rag ev a's dannvon, krev an dhorn, ha krev an dhorn ev a's gorr yn-mes a'y dir.’

Eksodus 6:6

Lavar ytho dhe vebyon Ysrael, “My yw an Arloedh hag a wra agas dri a-dhann veghyow an Ejyptianys ha'gas livra a'ga hethneth ha'gas dasprena gans bregh ystynnys ha dre vreusow meur,

Eksodus 7:17

Yndellma y lever an Arloedh: Dre hemma ty a wodhvydh my dhe vos an Arloedh: otta, gweskel a wrav an dowr usi y'n Nil gans an welenn usi yn ow dorn, hag y fydh treylys yn goes,

Eksodus 8:10

Hag y leveris, ‘A-vorow.’ Moyses a leveris, ‘Bedhes par dell leverydh, may hwodhvi nag eus nagonan avel an Arloedh agan Duw.

Eksodus 8:19

Ha'n hudoryon a leveris dhe Faro, ‘Hemm yw bys Duw.’ Mes kolonn Faro o kaleshes, ha ny vynna koela orta; dell lavarsa an Arloedh.

Eksodus 8:22

Mes y'n jydh na my a wra settya pow Goshen a-denewen, le may ma ow fobel trigys, ma na vo ena hesow kelyon; may hwodhvi my dhe vos an Arloedh yn mysk an nor.

Ezekiel 25:17

My a dal warnedha dial bras gans kessydhyans konneryek. Ena i a woer my dhe vos an Arloedh, pan dalav ow dial warnedha.

Ezekiel 28:22

ha lavar, Yndellma y lever an Arloedh Duw: Otta, yth esov er dha bynn, A Sidon, ha my a vydh enorys a-berth ynnos. I a woer my dhe vos an Arloedh pan wrav breusow ynni, ha my a vydh sanshes ynni.

Ezekiel 32:15

Pan wrav dhe bow Ejyp bos ynyal, ha pan vydh an tir destryppys a'y lanwes, pan waskav oll an re usi trigys ynni, ena i a woer my dhe vos an Arloedh.

Ezekiel 36:23

My a sansha ow hanow meur, re beu disakrys yn mysk an kenedhlow, hag a wrussowgh y disakra yn aga mysk. Ena an kenedhlow a woer my dhe vos an Arloedh, yn-medh an Arloedh Duw, pan vydhav sanshes dredhowgh a-rag aga dewlagas.

Ezekiel 39:22

Ha chi Ysrael a woer, my dhe vos an Arloedh aga Duw, a'n jydh na hag yn-rag.

Ezekiel 39:7

My a wra dhe'm hanow sans bos aswonnys yn mysk ow fobel Ysrael; ha ny asav ow hanow sans dhe vos defolys na fella; ha'n kenedhlow a woer my dhe vos an Arloedh, an Sans yn Ysrael.