Eksodus 7:3 - An Bibel Kernewek 20234 (Kernewek Kemmyn)

³ Ha my a wra kaleshe kolonn Faro, ha liesplekhe ow thoknys hag anethow yn pow Ejyp,

Eksodus 7:3 Iomraidhean Croise

Nehemia 9:10

ha ri toknys hag anethow erbynn Faro hag erbynn oll y servysi, hag oll pobel y wlaskor; rag ty a wodhya i dhe dhyghtya agan tasow yn tont. Ytho ty a waynyas an ger-da a'th eus, par dell yw y'n jydh hedhyw.

Salmow 135:9

Ev a dhannvonas toknys ha marthusyon y'n kres ahanas, A Ejyp, erbynn Faro hag erbynn oll y wesyon.

Salmow 78:12

Taklow marthys a wrug ev yn golok agan tasow yn pow Ejyp, yn gwel Soan.

Eksodus 11:10

Moyses hag Aron a wrug oll an marthusyon ma a-rag Faro; ha'n Arloedh a galeshas kolonn Faro, ha ny asas mebyon Ysrael dhe vones yn-mes a'y dir.

Eksodus 11:9

Ena an Arloedh a leveris dhe Moyses, ‘Ny wra Faro koela orthis: may fo liesplekhes ow anethow yn pow Ejyp.’

Eksodus 14:4

Ha my a wra kaleshe kolonn Faro, hag ev a wra aga siwya ha my a gyv glori drefenn Faro ha'y lu oll; ha'n Ejyptianys a woer my dhe vos an Arloedh.’ Hag yndella i a wrug.

Eksodus 3:20

Ytho my a ystynn ow dorn ha gweskel Ejyp gans ow marthusyon oll a wrav ynno; wosa henna ev a as dhedha mones.

Eksodus 4:21

Ha'n Arloedh a leveris dhe Moyses, ‘Pan dhehwelydh dhe Ejyp, gwayt gul a-rag Faro an marthusyon oll hag a res vy yn dha dhorn, mes my a wra kaleshe y golonn ma na asso an bobel dhe vones.

Eksodus 4:29

Ena yth eth Moyses hag Aron ha kuntell oll an henavogyon a vebyon Ysrael,

Eksodus 4:7

Ena Duw a leveris, ‘Daskorr dha dhorn dhe'th askra.’ Ytho, ev a dhaskorras y dhorn dh'y askra; ha pan y's tennas yn-mes, otta, y feu kepar ha remenant y gig.

Eksodus 7:13

Hwath kolonn Faro o kaleshes ha ny vynna goslowes orta; dell lavarsa an Arloedh.

Eksodus 9:16

Mes rakhemma y'th hesis dhe vewa, dhe dhiskwedhes dhis ow galloes, may fo derivys ow hanow war oll an nor.

Lavarow Koth 21:1

Kolonn an myghtern yw gover a dhowr yn leuv an Arloedh; ev a's treyl py le pynag y fynno.

Ysay 51:9

Difun, difun, omwisk yn nerth, A vregh an Arloedh. Difun kepar hag y'n dydhyow koth, henedhow an termyn pell, A ny veu ty hag a droghas Rahab yn temmigow, hag a wanas an dhragon?

Mika 7:15

Avel y'n dydhyow pan dheuthys yn-mes a brow Ejyp, my a dhiskwedh dhis taklow marthys.

Yowann 4:48

Ytho yn-medh Yesu dhodho, ‘Marnas hwi a wel toknys ha marthusyon, ny grysowgh.’

Oberow 2:22

‘Gwer Ysrael, klewewgh an geryow ma: Yesu a Nazareth, gour kommendys dhywgh gans Duw, gans oberow galloesek ha marthusyon hag toknys hag a wrug Duw dredho yn agas mysk, dell wodhowgh hwi agas honan,

Oberow 7:36

An gour ma a's hembronkas yn-mes, ow kul marthusyon hag toknys yn pow Ejyp, hag orth an Mor Rudh, hag y'n gwylvos dres dew-ugens blydhen.

Romanyon 15:19

dre alloes toknys ha marthusyon, dre alloes Spyrys Duw, bys may hyllyn kowlwul pregoth aweyl Yesu Krist dhiworth Yerusalem hag yn kylgh bys yn Illyrikum,

Romanyon 9:18

Ytho ev a gemmer mersi war geniver a blekkyo dhodho hag ev a galesha kolonn keniver a blekkyo dhodho.

Dewteronomi 4:34

Po a assayas neb duw dhe dhos ha kemmeres dhodho kenedhel dhiworth kenedhel arall dre brovow, der toknys, ha der anethow, ha dre vresel, dre leuv grev ha bregh ystynnys, der euth bras kepar ha pup-tra a wrug dhywgh an Arloedh agas Duw yn Ejyp a-wel dhis?

Dewteronomi 7:19

an provow bras a welas dha dhewlagas, an toknys ha'n marthusyon, ha'n dhorn grev ha'n vregh ystynnys, ma'th tros an Arloedh dha Dhuw dhe-ves dredha. Yndella an Arloedh dha Dhuw a wra dhe oll an poblow esos ow perthi own anedha.