Eksodus 7:19 - An Bibel Kernewek 20234 (Kernewek Kemmyn)

¹⁹ An Arloedh a leveris dhe Moyses, ‘Lavar dhe Aron, “Kemmer dha welenn hag ystynn dha dhorn dres dowrow Ejyp, dres aga avonyow, aga dowrgleudhyow, aga follow kors hag oll aga follow dowr, may teffons ha bos goes; hag y fydh goes dre bow Ejyp oll, hag yn lestri a brenn hag yn lestri a ven.” ’

Eksodus 7:19 Iomraidhean Croise

Jenesis 1:10

Duw a elwis an dor sygh Tir, ha kuntellva an dowrow ev a elwis Moryow. Ha Duw a welas henna dhe vos da.

2 Myghternedh 4:29

Ena ev a leveris dhe Gehazi, ‘Grogys dha dhiwglun, ha kemmer ow lorgh yn dha dhorn, ha ke. Mar metydh orth nebonan, na'n salus, ha mar kwra nebonan dha salusi, na worthyp dhodho; ha gorr ow lorgh war fas an flogh.’

Eksodus 10:12

Ena an Arloedh a leveris dhe Moyses, ‘Ystynn dha dhorn dres pow Ejyp rag an lokustes, may teffons war bow Ejyp, ha dybri pub plans y'n tir, peub a veu gesys gans an keser.’

Eksodus 10:21

Ena an Arloedh a leveris dhe Moyses, ‘Ystynn dha dhorn war-tu ha nev may fo tewlder dres pow Ejyp, tewlder a vo tavadow.’

Eksodus 14:16

Drehav dha welenn, hag ystynn dha dhorn dres an mor ha'y ranna, may hallo mebyon Ysrael mos war dhor sygh yn mysk an mor.

Eksodus 14:21

Ena Moyses a ystynnas y dhorn dres an mor; ha'n Arloedh a herdhyas an mor war-dhelergh dre wyns krev a'n howldrevel oll an nos, ha gul dhe'n mor bos dor sygh, ha'n dowrow a veu rynnys.

Eksodus 14:26

Ena an Arloedh a leveris dhe Moyses, ‘Ystynn dha dhorn dres an mor may teffo an dowr arta war an Ejyptianys, war aga charettow, ha war aga marghogyon.’

Eksodus 4:9

Ha mar ny grysons hwath an dhew sin ma, na koela orth dha lev, ty a wra kemmeres dowr an Nil ha'y skoellya war an dor sygh, ha'n dowr a gemmerydh dhiworth an Nil a vydh goes war an dor sygh.’

Eksodus 8:16

Ena an Arloedh a leveris dhe Moyses, ‘Lavar dhe Aron, “Ystynn dha welenn ha gweskel doust an dor may teffo ha bos gwibes dre bow Ejyp oll.” ’

Eksodus 9:33

Ytho Moyses eth yn-mes a'n sita dhiworth Faro, hag ystynn y dhiwdhorn dhe'n Arloedh; ha'n taran ha'n keser a hedhis, ha ny goedhas na fella an glaw war an nor.

Ysay 19:10

Hy gonisysi a vydh digolonnek, oll an re a ober rag arveth a vydh grevys.

Ysay 5:25

Rakhenna sorr an Arloedh a dhew erbynn y bobel, hag ev a ystynn y leuv er hy fynn ha'y gweskel. An menydhyow a gren, ha'ga horfow yw avel atal yn kres an stretys. Yn despit dhe oll hemma, ny dreyl y sorr dhe-ves, ha'y leuv yw hwath ystynnys.

Habakkuk 3:8

A wrug dha sorr dewi erbynn an avonyow, A Arloedh, yw dha goler erbynn an avonyow po dha gonnar erbynn an mor, may farghogydh war dha vergh, dha jarettow a selwyans?