Eksodus 7:17 - An Bibel Kernewek 20234 (Kernewek Kemmyn)

¹⁷ Yndellma y lever an Arloedh: Dre hemma ty a wodhvydh my dhe vos an Arloedh: otta, gweskel a wrav an dowr usi y'n Nil gans an welenn usi yn ow dorn, hag y fydh treylys yn goes,

Eksodus 7:17 Iomraidhean Croise

1 Myghternedh 20:28

Gour Duw a dheuth ha leverel dhe vyghtern Ysrael, ‘Yndellma y lever an Arloedh: Drefenn Aram dhe leverel, “An Arloedh yw Duw an menydhyow mes nyns yw Duw an nansow”, ytho my a re oll an routh veur ma y'th leuv, ha hwi a wodhvydh ow bos an Arloedh.’

2 Myghternedh 19:19

Lemmyn, A Arloedh agan Duw, my a'th pys, saw ni yn-mes a'y leuv, may hwodhvo oll gwlaskordhow an norvys ty dha honan, A Arloedh, dhe vos Duw.’

Salmow 105:29

Ev a dreylyas aga dowrow yn goes, hag a ladhas aga fuskes.

Salmow 78:44

Ev a dreylyas aga goverow dhe woes, ha'ga frosow, ma nag effens anedha.

Salmow 83:18

Ena i a wodhvydh ty dha honan neb yw dha hanow an Arloedh dhe vos an Ughella dres oll an nor.

Salmow 9:16

Aswonnys yw an Arloedh, ev re wrug breus; an tebelwas yw maglennys gans ober y dhiwleuv y honan. Higgayon. Sela.

Eksodus 1:22

ha Faro a worhemmynnis dhe oll y bobel, ow leverel, ‘Pub maw a vydh genys – tewlewgh ev y'n Nil, ha pub myrgh gwithewgh hi yn few.’

Eksodus 10:2

ha may leverri yn klewans dha vab ha mab dha vab fatell wrug vy kammdhyghtya an Ejyptianys ha pana toknys a wrug vy yntredha; may hwodhvi my dhe vos an Arloedh.’

Eksodus 4:9

Ha mar ny grysons hwath an dhew sin ma, na koela orth dha lev, ty a wra kemmeres dowr an Nil ha'y skoellya war an dor sygh, ha'n dowr a gemmerydh dhiworth an Nil a vydh goes war an dor sygh.’

Eksodus 5:2

Mes Faro a leveris, ‘Piw yw an Arloedh may koelliv orth y lev ha gasa Ysrael dhe vones? Ny aswonnav an Arloedh, ha dhe voy ny asav Ysrael dhe vones.’

Eksodus 6:7

ha'gas kemmeres avel ow fobel, ha my a vydh agas Duw; ha hwi a woer my dhe vos an Arloedh agas Duw re'gas dros a-dhann veghyow an Ejyptianys.

Eksodus 7:20

Moyses hag Aron a wrug dell worhemmynnis an Arloedh; a-wel dhe Faro hag a-wel dh'y servysi, ev a dhrehevis an welenn ha gweskel an dowr esa y'n Nil, hag oll an dowr esa y'n Nil a dreylyas yn goes.

Eksodus 7:5

Ha'n Ejyptianys a woer my dhe vos an Arloedh pan ystynnav ow dorn war Ejyp ha kyrghes mebyon Ysrael yn-mes anedha.’

Ezekiel 25:17

My a dal warnedha dial bras gans kessydhyans konneryek. Ena i a woer my dhe vos an Arloedh, pan dalav ow dial warnedha.

Ezekiel 29:9

Pow Ejyp a vydh ynyalder ha difeyth. Ena i a woer my dhe vos an Arloedh. Rag ty dhe leverel, ‘An avon yw dhymm, ha my a's gwrug’,

Ezekiel 30:19

My a wra breusow yn Ejyp, hag i a woer my dhe vos an Arloedh.

Ezekiel 30:8

Ena i a woer my dhe vos an Arloedh, pan worrav tan yn Ejyp, hag oll hy gweresoryon a vydh terrys.

Ezekiel 32:15

Pan wrav dhe bow Ejyp bos ynyal, ha pan vydh an tir destryppys a'y lanwes, pan waskav oll an re usi trigys ynni, ena i a woer my dhe vos an Arloedh.

Ezekiel 32:6

My a worlyp an dor gans dha woes ow resek bys y'n menydhyow, ha'n goverow a vydh leun ahanas.

Ezekiel 38:23

My a dhiskwedh ow meuredh ha'm sansoleth a-rag dewlagas lies kenedhel. Ena i a woer my dhe vos an Arloedh.

Ezekiel 39:28

Ena i a woer my dhe vos an Arloedh aga Duw, rag my dh'aga dannvon yn divroedh yn mysk an kenedhlow; hag ena my a's kuntellas yn aga thir aga honan, heb gasa nagonan anedha ena.

Daniel 4:17

Der ordenans an woelysi yw an vreus, ha dre gows an syns yw an ervirans, rag may konvettho an re vew bos an Ughella rewler yn gwlaskor mab-den; hag ev a's re dhe'n neb a vynn, hag a sett warnedhi an isella a dus.”

Daniel 4:32

hag i a'th fes pell dhiworth tus, ha'th annedh a vydh gans an bestes gwyls, hag i a'th wra dhe dhybri gwels avel oghen; warnas y tremen seyth seson bys pan wodhvydhydh bos an Ughella rewler yn gwlaskor mab-den, hag ev a's re dhe neb a vynno.’

Daniel 4:37

Lemmyn yth esov vy, Nebukadnessar, ow praysya, owth ughelhe hag owth enora Myghtern nev, rag gwiryon yw oll y weythresow hag ewn y hynsyow, hag y hwoer iselhe an re a gerdh yn goeth.

Daniel 5:21

Ev a veu herdhys pell a vab-den, ha'y vrys a veu gwrys avel best, ha'y annedh o gans an asenes gwyls; i a ros dhodho gwels dhe dhybri avel oghen, ha glyb o y gorf gans gluth a nev, bys pan gonvedhas bos an Duw Ughella ow rewlya gwlaskor mab-den, hag a sett warnodho neb a vynn.

Daniel 5:23

mes ty a omughelhas erbynn Arloedh an nevow. Lestri y ji re beu dres a-ragos, ha ty ha'th arlydhi, dha wragedh, ha'th iswragedh re evas gwin dhiworta; ha ty re wormolas an duwow a arghans hag owr, brons, horn, prenn ha men, neb na welons na klewes na godhvos; mes an Duw mayth usi dha anall yn y dhorn, hag oll dha hynsyow, ny wrussys y enora.

Diskwedhyans 11:6

Gans an re ma, yma galloes dhe dhegea an ebron, ma na goettho glaw yn dydhyow aga frofoesans, hag yma gansa galloes war dhowrow dh'aga threylya dhe woes, ha gweskel an dor gans pub pla mar venowgh dell vynnons.

Diskwedhyans 8:8

Ha'n nessa el a hwythas, hag y feu tewlys y'n mor kepar ha pan ve menydh meur ow leski gans tan; ha'n tressa rann a'n mor eth ha bos goes;