Eksodus 7:16 - An Bibel Kernewek 20234 (Kernewek Kemmyn)

¹⁶ Ha ty a lever dhodho, “An Arloedh, Duw an Ebrowyon, a'm dannvonas dhis, ow leverel: Gas ow fobel dhe vones, ma'm serfyons y'n gwylvos; hag otta, ny wrussys holya y worhemmynn.

Eksodus 7:16 Iomraidhean Croise

Eksodus 10:3

Ytho Moyses hag Aron eth a-ji dhe Faro, ha leverel dhodho, ‘Yndellma y lever an Arloedh, Duw an Ebrowyon, “Pygemmys prys y neghydh omuvelhe a-ragov? Gas ow fobel dhe vones ma'm serfyons.

Eksodus 13:15

Rag pan naghas Faro gorth agan gasa dhe vones, an Arloedh a ladhas pub kynsa-genys yn pow Ejyp, ha kynsa-genys mab-den ha kynsa-genys an gwarthek. Rakhenna y sakrifiav dhe'n Arloedh oll an re worow a iger an brys; mes pub kynsa-genys a'm mebyon y tasprenav.”

Eksodus 14:5

Pan veu derivys dhe vyghtern Ejyp bos fiys an bobel, brys Faro ha'y servysi a veu treylys a-dro dhe'n bobel, hag yn-medhons, ‘Pyth yw hemma a wrussyn, ow livra mebyon Ysrael a'gan servya?’

Eksodus 3:12

Ev a leveris, ‘Yn sur, my a vydh genes; ha hemma a vydh tokyn dhis my dhe'th tannvon: pan dhresys an bobel yn-mes a Ejyp, ty a wra servya Duw war an menydh ma.’

Eksodus 3:13

Ena Moyses a leveris dhe Dhuw, ‘Mar tov dhe vebyon Ysrael ha leverel dhedha “Duw agas tasow re'm dannvonas dhywgh”, hag i a wovynn orthiv, “Pyth yw y hanow?” pandr'a lavarav dhedha?’

Eksodus 3:18

Hag i a wra goslowes orth dha lev ha ty ha henavogyon Ysrael a wra mos dhe vyghtern Ejyp ha leverel dhodho, “An Arloedh, Duw an Ebrowyon, re vetyas genen; ha lemmyn, ni a'th pys, gas ni dhe vones yn vyaj a dri dydh y'n gwylvos mayth offrynnyn dhe'n Arloedh agan Duw.”

Eksodus 4:22

Ha ty a lever dhe Faro, “Yndellma y lever an Arloedh: Ow hynsa-genys yw Ysrael;

Eksodus 4:23

ha my a lever dhis, Gas ow mab dhe vones ma'm serfyo; mar neghydh y asa dhe vones, otta, my a ladh dha vab kynsa-genys.” ’

Eksodus 7:4

mes ny wra Faro koela orthowgh. Ena my a wra gorra ow dorn war Ejyp ha kyrghes ow luyow, ow fobel, mebyon Ysrael, yn-mes a bow Ejyp dre vreusow meur.

Eksodus 8:1

Ha'n Arloedh a leveris dhe Moyses, ‘Ke bys yn Faro ha leverel dhodho, “Yndellma y lever an Arloedh: Gas ow fobel dhe vones ma'm serfyons.

Eksodus 8:20

Ena an Arloedh a leveris dhe Moyses, ‘Sav a-varr myttinweyth ha sav a-rag Faro, hag ev ow mos yn-mes dhe'n dowr, ha lavar dhodho, “Yndellma y lever an Arloedh: Gas ow fobel dhe vones ma'm serfyons.

Eksodus 9:1

Ha'n Arloedh a leveris dhe Moyses, ‘Ke dhe Faro, ha leverel dhodho, “Yndellma y lever an Arloedh, Duw an Ebrowyon: Gas ow fobel dhe vones ma'm serfyons.

Eksodus 9:13

Ena an Arloedh a leveris dhe Moyses, ‘Sav myttin a-varr ha sevel a-rag Faro, ha leverel dhodho, “Yndellma y lever an Arloedh, Duw an Ebrowyon: Gas ow fobel dhe vones, ma'm serfyons.

Ysay 45:13

My a wrug dhodho difuna yn ewnder, ha my a wra oll y fordhow kompes. Ev a dhrehav ow sita, ha delivra ow divresow, a-der a wober nag a bewas, yn-medh Arloedh an luyow.

Yeremia 50:33

Yndellma y lever Arloedh an luyow: Mebyon Ysrael ha mebyon Yuda o arweskys war-barth; hag oll a's kemmeras yn kethneth a's synsis fast ha nagha gasa dhedha mos.