Eksodus 7:11 - An Bibel Kernewek 20234 (Kernewek Kemmyn)

¹¹ Ena Faro a elwis an dus fur ha'n bystrioryon; hag i ynwedh, hudoryon Ejyp, a wrug an keth tra der aga artow kevrinek.

Eksodus 7:11 Iomraidhean Croise

Jenesis 41:8

Ha myttin, troblys veu y spyrys, hag ev a dhannvonas ha gelwel oll an goelyogyon a Ejyp hag oll hy thus fur, ha Faro a dherivas y hunros dhedha, mes nyns esa denvyth a wodhva aga styrya dhe Faro.

Eksodus 7:12

Peub a dewlis war-nans y welenn hag i a dheuth ha bos serf. Mes gwelenn Aron a lonkas aga gwelynni.

Eksodus 7:22

Mes hudoryon Ejyp a wrug an keth tra der aga husow; ytho kolonn Faro a besyas bos kaleshes, ha ny vynna ev goslowes orta; dell lavarsa an Arloedh.

Eksodus 8:18

An hudoryon a assayas der aga husow dhe dhri gwibes yn-rag, mes ny allsons. Ytho yth esa gwibes war dhen ha best.

Eksodus 8:3

kwilkynyow a wra hesya y'n avon hag i a wra dos bys y'th chi, a-ji dhe'th chambour ha war dha weli, hag a-ji dhe ji dha servysi ha'th pobel, hag a-ji dhe'th fornow ha'th newyow-toesa;

Eksodus 8:7

Mes an hudoryon a wrug an keth tra der aga husow ha dri kwilkynyow war bow Ejyp.

Daniel 2:2

Ena an myghtern a erghis may fe gelwys an hudoryon, an worhenysi, an bystrioryon, ha'n Kaldeanys, rag displegya dhe'n myghtern y hunrosow. Ytho y teuthons a-ji ha sevel a-dherag an myghtern.

Daniel 2:27

Daniel a worthybis a-rag an myghtern ow leverel: ‘Nyns eus tus fur, na gorhenysi, na hudoryon, na koelyogyon neb a woer diskwedhes dhe'n myghtern an kevrin re beu govynnys gans an myghtern,

Daniel 4:6

Rag hemma my a wrug ordenans may fe dres a-ragov oll an dus fur a Babylon, rag may tiskwetthens dhymm styr an hunros.

Daniel 5:11

yma y'th ruvaneth gour hag ynno spyrys an duwow sans. Yn dydhyow dha das y feu kevys ynno golow, skians ha furneth, avel furneth an duwow. Myghtern Nebukadnessar, dha das, a'n gwrug penn an hudoryon, an worhenysi, an Kaldeanys, ha'n goelyogyon;

Daniel 5:7

An myghtern a armas yn ughel rag dri an worhenysi, an Kaldeanys, ha'n goelyogyon. Ev a leveris dhe'n dus fur a Babylon, ‘Seul a rettyo an skrif ma, hag a dhiskwettho dhymm y styr, a vydh gwiskys yn purpur, gans kadon owr a-dro dh'y gonna, hag a vydh an tressa rewler y'n ruvaneth.’

Matthew 24:24

Rag fals Kristow ha fals profoesi a sev ow kul toknys bras ha marthusyon, rag toella, mara kyllir, an re dhewisys.

Galatianys 3:1

A hwi dus Galatia, dus foll! Piw re'gas husas, may feu diskwedhys dherag agas lagasow Yesu Krist dhe vos krowsys?

Efesianys 4:14

ma na ven namoy fleghes, tewlys gans mordonnow ha degys a-dro gans pub gwyns a dhyskas, dre sotelneth tus, yn sleyghneth bys y'n felder a doell.

2 Thessalonianys 2:9

ha'y dhevedhyans a vydh herwydh oberyans Satnas, gans oll galloes ha toknys ha marthusyon fals,

2 Timothi 3:8

Kepar dell settyas Yannes ha Yambres orth Moyses, y'n keth vaner an re ma a sett orth an gwir, shyndys aga brys, anwiw a-dro dhe'n fydh.

2 Timothi 3:9

Mes nyns ons i yn-rag na fella, rag aga follneth a vydh diblans orth pub den, kepar dell o follneth an dhew na.

Diskwedhyans 19:20

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.

1 Samuel 6:2

an Filistysi a elwis an oferysi ha'n goelyogyon ha leverel, ‘Pandr'a wren gans argh an Arloedh? Leverewgh dhyn pandr'a dannvenyn gensi dh'y le.’