Eksodus 6:7 - An Bibel Kernewek 20234 (Kernewek Kemmyn)

⁷ ha'gas kemmeres avel ow fobel, ha my a vydh agas Duw; ha hwi a woer my dhe vos an Arloedh agas Duw re'gas dros a-dhann veghyow an Ejyptianys.

Eksodus 6:7 Iomraidhean Croise

Jenesis 26:3

Trig y'n pow ma ha my a vydh genes ha'th venniga, rag dhiso jy ha dhe'th has my a vynn ri oll an powyow ma. My a gollenow an ti a dos dhe Abraham dha das.

Jenesis 28:13

Hag awotta, yth esa an Arloedh ow sevel a-ughti, hag yn-medh ev, ‘My yw an Arloedh, Duw Abraham dha das ha Duw Ysak. My a re an tir esos ow krowedha warnodho dhiso jy ha dhe'th has.

1 Myghternedh 20:28

Gour Duw a dheuth ha leverel dhe vyghtern Ysrael, ‘Yndellma y lever an Arloedh: Drefenn Aram dhe leverel, “An Arloedh yw Duw an menydhyow mes nyns yw Duw an nansow”, ytho my a re oll an routh veur ma y'th leuv, ha hwi a wodhvydh ow bos an Arloedh.’

1 Myghternedh 8:60

may hwodhvo poblow an bys bos an Arloedh Duw; nyns eus nahen.

Nehemia 1:10

Lemmyn an re ma yw dha servysi ha'th pobel, a dhasprensys dre dha nerth bras ha gans dha leuv grev.

Salmow 100:3

Godhvydhewgh an Arloedh dhe vos Duw; ev yw neb re'gan formyas, hag ev a'gan pew; yth on ni y bobel, ha deves y beurva.

Salmow 81:6

‘My a dhifresas y skoedh a'n begh; y dhiwleuv a veu delivrys dhiworth an ganstell.

Eksodus 13:14

Hag y'n termyn a dheu pan wovynn orthis dha vab, “Pyth yw styr hemma?” ty a lever dhodho, “Dre nerth an leuv an Arloedh a'gan dros yn-mes a Ejyp, yn-mes a ji an gethneth.

Eksodus 13:3

Ha Moyses a leveris dhe'n bobel, ‘Perthewgh kov a'n jydh ma, pan dheuthewgh yn-mes a Ejyp, yn-mes a'n chi a gethneth, rag an Arloedh a'gas dros a'n tyller ma gans leuv grev; bara goell ny vydh dybrys.

Eksodus 14:18

Ha'n Ejyptianys a woer my dhe vos an Arloedh, pan gavav gordhyans drefenn Faro, y jarettow, ha'y varghogyon.’

Eksodus 14:4

Ha my a wra kaleshe kolonn Faro, hag ev a wra aga siwya ha my a gyv glori drefenn Faro ha'y lu oll; ha'n Ejyptianys a woer my dhe vos an Arloedh.’ Hag yndella i a wrug.

Eksodus 15:16

own hag euth a goedh warnedha; drefenn meuredh dha vregh, i yw kosel avel men, erna dremenno dha bobel, A Arloedh, erna dremenno dha bobel re brensys.

Eksodus 15:2

An Arloedh yw ow nerth ha'm kan, hag ev res eth ha bos ow selwyans; hemm yw ow Duw ha'y wordhya a wrav, Duw ow thas, ha my a'n ughelha.

Eksodus 16:12

‘My re glewas krodhvolyow mebyon Ysrael; lavar dhedha, “Dhe dewlwolow hwi a wra dybri kig, hag y'n myttin hwi a vydh lenwys gans bara; ena hwi a wodhvydh my dhe vos an Arloedh agas Duw.” ’

Eksodus 16:6

Ytho Moyses hag Aron a leveris dhe vebyon Ysrael oll, ‘Dhe'n gorthugher hwi a wodhvydh y feu an Arloedh neb a'gas dros yn-mes a bow Ejyp,

Eksodus 2:11

Ha dell hwarva, y'n dydhyow na, Moyses o tevys hag yth eth dh'y vreder ha mires war aga beghyow, ha gweles gour ejyptek ow kweskel gour ebrow, onan a'y vreder.

Eksodus 6:6

Lavar ytho dhe vebyon Ysrael, “My yw an Arloedh hag a wra agas dri a-dhann veghyow an Ejyptianys ha'gas livra a'ga hethneth ha'gas dasprena gans bregh ystynnys ha dre vreusow meur,

Eksodus 7:17

Yndellma y lever an Arloedh: Dre hemma ty a wodhvydh my dhe vos an Arloedh: otta, gweskel a wrav an dowr usi y'n Nil gans an welenn usi yn ow dorn, hag y fydh treylys yn goes,

Ysay 41:20

rag may hwello tus ha godhvos, ynwedh prederi ha konvedhes, y hwrug dorn an Arloedh hemma ha'n Sans a Ysrael dh'y formya.

Ysay 49:23

Myghternedh a vydh dha dasvethow, ha'ga fennsevigesow a vydh dha vammvethow, i a ombleg dhis ha'ga fas dhe'n dor, ha lapya doust dha dreys. Ena ty a woer my dhe vos an Arloedh; an re a'm gorta, ny's tevydh meth.

Ysay 49:26

My a wra dhe'th waskoryon dybri aga hig aga honan, ha gans aga goes aga honan y fydhons medhow, par dell ve gans gwin. Ena pub kig oll a wodhvydh my dhe vos an Arloedh, dha Selwador ha'th Tasprenyas, an Galloesek a Yakob.

Ysay 51:15

Rag my yw an Arloedh, dha Dhuw, neb a ankres an mor, may tarenno an tonnow; Arloedh an luyow yw ow hanow.

Ysay 60:16

Dena leth an kenedhlow ty a wra, ha dena bronn myghternedh. Ena ty a woer my, an Arloedh, dhe vos dha Selwyas, ha'th Tasprenyas, an Galloesek a Yakob.

Ysay 63:8

Ev a leveris, ‘Sur ow fobel yns i, mebyon na wra falsuri’; ytho ev a dheuth ha bos Selwador dhedha

Yeremia 30:22

Ha hwi a vydh ow fobel, ha my a vydh agas Duw.

Yeremia 31:33

Mes hemma a vydh an kevambos a wrav gans chi Ysrael wosa an dydhyow na, yn-medh an Arloedh: My a worr ow lagha a-ji dhedha ha'y skrifa war aga holonn; ha my a vydh aga Duw, hag i a vydh ow fobel.

Ezekiel 20:19

My yw an Arloedh agas Duw; kerdhewgh y'm ordenansow, ha gwaytyewgh gul ow breusow.

Hosea 1:10

Hwath y fydh niver fleghes Ysrael avel tewes an mor, na yll bos musurys na niverys. Y'n tyller may feu leverys dhedha, ‘Nyns owgh hwi ow fobel’, y fydh leverys dhedha, ‘Mebyon an Duw bew.’

Levitikus 11:44

Rag my yw an Arloedh agas Duw. Ytho omsanshewgh, ha bedhewgh sans, rag sans ov vy. Ny wrewgh hwi omdhefola gans kreatur vytholl a hes, ow kreupya war an dor.

Levitikus 11:45

Rag my yw an Arloedh a'gas dros yn-mes a bow Ejyp, dhe vos agas Duw; ytho bedhewgh sans, rag sans ov vy.

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Niverow 15:41

My yw an Arloedh agas Duw, a's dros yn-mes a bow Ejyp, dhe vos dha Dhuw: my yw an Arloedh agas Duw.

Matthew 22:32

“My yw Duw Abraham ha Duw Ysak ha Duw Yakob”? Nyns yw ev Duw an re varow saw a'n re vew.’

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

Dewteronomi 14:2

Rag pobel sans os dhe'n Arloedh dha Dhuw, ha'n Arloedh re'th tewisas dhe vos dhodho pobel arbennik dhodho y honan yn-mes a'n poblow oll usi war enep an norvys.

Dewteronomi 26:18

Ha'n Arloedh re dhiskleryas hedhyw ty dhe vos dhodho pobel arbennik dhodho y honan kepar dell gewsis dhis, ha ty dhe witha oll y worhemmynnow;

Dewteronomi 29:12

rag mayth entrowgh yn kevambos an Arloedh dha Dhuw hag yn y volleth usi an Arloedh dha Dhuw ow kul genes hedhyw,

Dewteronomi 29:13

rag ma'th fastyo hedhyw avel y bobel, hag ev dhe vos Duw dhis, kepar dell gewsis dhis, ha kepar dell dos dhe'th tasow, dhe Abraham, dhe Ysak, ha dhe Yakob.

Dewteronomi 29:5

Dres dew-ugens blydhen my re'gas hembronkas y'n gwylvos; ny gothhas agas dillas warnowgh, ha ny gothhas dha sandal war dha droes.

Dewteronomi 4:20

An Arloedh a'gas kemmeras ha'gas dros yn-mes a'n fornes-horn, yn-mes a Ejyp, dhe vos dhodho pobel y eretons, kepar hag y'n jydh hedhyw.

Dewteronomi 7:6

Rag ty yw pobel sans dhe'n Arloedh dha Dhuw. An Arloedh dha Dhuw re'th tewisas dhe vos dhodho pobel arbennik dhodho y honan, yn-mes a oll an poblow war enep an norvys.

Ebrowyon 11:16

Mes lemmyn bro well a hwansons, henn yw, onan nevek. Ytho, Duw ny'n jeves meth bos gelwys aga Duw, rag ev re dharbaris dhedha sita.

1 Peder 2:10

Ny vewgh hwi pobel seulabrys, mes lemmyn pobel Duw owgh hwi. Ny dhegemmersowgh piteth, mes lemmyn piteth re dhegemmersowgh.

Diskwedhyans 21:3

Ha my a glewas lev bras yn-mes a'n tron ow leverel, ‘Otta, yma tabernakel Duw gans mab-den, hag ev a drig gansa, hag i a vydh y bobel, ha Duw y honan a vydh gansa.

Diskwedhyans 21:7

Neb a feth a wra erita an taklow ma; ha my a vydh y Dhuw, hag ev a vydh ow mab.