Eksodus 6:3 - An Bibel Kernewek 20234 (Kernewek Kemmyn)

³ ha my a omdhiskwedhas dhe Abraham, dhe Ysak ha dhe Yakob avel Duw Ollgalloesek, mes der ow hanow vy, an Arloedh, nyns en vy aswonnys dhedha.

Eksodus 6:3 Iomraidhean Croise

Jenesis 13:18

Ena Abram a gavas gwiryow peuri ha dos ha triga ryb derow Mamre usi yn Hebron ha drehevel alter dhe'n Arloedh y'n tyller na.

Jenesis 17:1

Ha pan o Abram nownsek bloedh ha peswar-ugens, an Arloedh a omdhiskwedhas dhe Abram ha leverel dhodho, ‘Duw Ollgalloesek ov vy. Kerdh a-dheragov, ha bydh divlam.

Jenesis 22:14

Hag Abraham a elwis hanow an tyller na ‘An Arloedh a brovi’; dell yw leverys bys y'n jydh hedhyw, ‘War venydh an Arloedh y fydh proviys.’

Jenesis 28:3

Ha re'th vennikko Duw Ollgalloesek ha gul dhywgh doen frut hag ynkressya ha dos ha bos kemmynieth a boblow,

Jenesis 35:11

Hag yn-medh Duw dhodho, ‘My yw Duw Ollgalloesek; degewgh frut ha kressewgh; kenedhel ha kemmynieth a genedhlow a dheu dhiworthis, ha myghternedh a dheu yn-mes a'th tiwglun.

Jenesis 48:3

Hag yn-medh Yakob dhe Yosep, ‘Duw Ollgalloesek re omdhiskwedhas dhymm yn Luz, yn pow Kanan, ha'm benniga,

Salmow 68:4

Kenewgh dhe Dhuw, kenewgh gormola dh'y hanow ev; drehevewgh kan dhe neb a varghok war an nevow; an Arloedh yw y hanow; bedhewgh heudhik a-dheragdho.

Salmow 83:18

Ena i a wodhvydh ty dha honan neb yw dha hanow an Arloedh dhe vos an Ughella dres oll an nor.

Eksodus 15:3

An Arloedh yw breselyas; an Arloedh yw y hanow.

Eksodus 23:21

Koelewgh orto ha goslowes orth y lev, na rebellewgh er y bynn, rag ny wra gava agas treuspass, drefenn bos ow hanow ynno.

Eksodus 3:14

Duw a leveris dhe Moyses, ‘my yw neb yth ov vy.’ Hag y leveris, ‘Lavar hemma dhe vebyon Ysrael, “my yw re'm dannvonas dhywgh.” ’

Ysay 42:8

My yw an Arloedh, henn yw ow hanow, ow glori ny'n rov dhe gen dhuw, nag ow gormola dhe imajys gravys.

Ysay 44:6

Yndellma y lever an Arloedh, Myghtern Ysrael, ha'y Dhasprenyas, Arloedh an luyow: My yw an kynsa ha my yw an diwettha, hag a-der my nyns eus duw.

Yeremia 16:21

‘Ytho, otta, an unn prys ma my a wra dhedha aswonn, my a wra dhedha aswonn ow leuv ha'm nerth; hag i a wra godhvos bos ow hanow an Arloedh.’

Yeremia 33:2

Yndellma y lever an Arloedh a wrug an nor, an Arloedh a'n formyas dh'y fastya – an Arloedh yw y hanow:

Ezekiel 20:5

ha lavar dhedha, Yndellma y lever an Arloedh Duw: Y'n jydh may tewisis vy Ysrael my a dos gans leuv drehevys dhe has chi Yakob, hag omdhiskwedhes dhedha yn pow Ejyp. My a dhrehevis ow leuv dhedha ha ti, ow leverel, My yw an Arloedh agas Duw.

Ezekiel 37:13

Ha hwi a woer my dhe vos an Arloedh, pan igorav agas bedhow, ha pan y'gas drehavav mes a'gas bedhow, ow fobel.

Ezekiel 37:6

Ha my a worr warnowgh giow, ha gul kig dhe devi warnowgh, ha'gas kudha gans kneus; ha my a worr ynnowgh anall ha hwi a vew. Ena hwi a woer my dhe vos an Arloedh.’

Yowann 8:58

Yn-medh Yesu dhedha, ‘Yn hwir, yn hwir y lavarav dhywgh, kyns Abraham dhe vos, yth esov vy.’

Diskwedhyans 1:4

Yowann dhe'n seyth eglos yn Asia: Gras dhywgh hwi ha kres dhiworth neb yw, hag o, hag a dheu ha dhiworth an seyth spyrys usi a-dherag y dron,

Ruth 1:20

Hag yn-medh hi dhedha, ‘Na'm gelwewgh Naomi, gelwewgh vy Mara, rag an Ollgalloesek re'm dyghtyas yn pur hwerow.