Eksodus 6:26 - An Bibel Kernewek 20234 (Kernewek Kemmyn)

²⁶ An re ma yw an Aron ha Moyses a gewsis an Arloedh dhedha, ‘Drewgh mebyon Ysrael yn-mes a Ejyp herwydh aga luyow.’

Eksodus 6:26 Iomraidhean Croise

Jenesis 2:1

Yndella kowlwrys veu an nevow hag oll an lu anedha.

1 Kroniklys 6:3

Mebyon Amram: Aron, Moyses, ha'ga hwoer, Miryam. Mebyon Aron: Nadab, Abihu, Eleazar hag Ithamar.

Salmow 77:20

Ty a hembronk dha bobel avel deves dre leuv Moyses hag Aron.

Salmow 99:6

Moyses hag Aron yn mysk y oferysi, ha Samuel yn mysk an re a elow war y hanow. I a elwis war an Arloedh hag ev a worthybis dhedha.

Eksodus 12:17

Ha hwi a wra goelya goel an bara heb goell, rag an keth jydh ma my a dhros agas luyow yn-mes a bow Ejyp: rakhenna hwi a wra goelya an jydh ma, der agas henedhow, avel ordenans bys vykken.

Eksodus 12:41

Ha dhe benn an peswar kans ha deg blydhen warn ugens, y'n jydh na poran, oll luyow an Arloedh eth yn-mes a bow Ejyp.

Eksodus 12:51

Ha dhe'n keth jydh na an Arloedh a dhros mebyon Ysrael yn-mes a bow Ejyp herwydh aga luyow.

Eksodus 13:18

Mes Duw a hembronkas an bobel a-dro dre fordh an gwylvos troha'n Mor Rudh. Ha mebyon Ysrael eth yn-mes a bow Ejyp pareusys arayys rag kas.

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Eksodus 32:1

Pan welas an bobel Moyses dhe hokya a dhiyskynna a'n menydh, an bobel a omguntellas war-barth gans Aron ha leverel dhodho, ‘Yn-bann, gwra dhyn ni duwow a wra mones a-ragon; rag an Moyses ma, an gour a'gan dros yn-mes a bow Ejyp, ny wodhon an pyth eus hwarvedhys dhodho.’

Eksodus 32:11

Mes Moyses a bysis an Arloedh y Dhuw, ha leverel, ‘A Arloedh, prag y lesk toemm dha sorr erbynn dha bobel, a's dresys yn-mes a bow Ejyp gans galloes meur ha dorn grev?

Eksodus 32:7

Ha'n Arloedh a leveris dhe Moyses, ‘Diyskynn; rag dha bobel, hag a dhresys yn-mes a bow Ejyp, re omdhefolas;

Eksodus 6:13

Ha'n Arloedh a gewsis dhe Moyses hag Aron, orth aga gorhemmynna a-barth mebyon Ysrael hag a-barth Faro myghtern Ejyp, dhe dhri mebyon Ysrael yn-mes a bow Ejyp.

Eksodus 6:20

Hag Amram a gemmeras avel gwreg Yokebed, y vodrep, ha hi a dhug dhodho Aron ha Moyses: ha blydhynyow bewnans Amram o kans seytek bloedh warn ugens.

Eksodus 6:7

ha'gas kemmeres avel ow fobel, ha my a vydh agas Duw; ha hwi a woer my dhe vos an Arloedh agas Duw re'gas dros a-dhann veghyow an Ejyptianys.

Eksodus 7:4

mes ny wra Faro koela orthowgh. Ena my a wra gorra ow dorn war Ejyp ha kyrghes ow luyow, ow fobel, mebyon Ysrael, yn-mes a bow Ejyp dre vreusow meur.

Mika 6:4

Pan y'th tres yn-mes a bow Ejyp, ha'th tasprena a ji an gethneth, ha dannvon a-dheragos Moyses, Aron ha Miryam.

Niverow 33:1

An re ma yw kerdhow mebyon Ysrael, pan ethons yn-mes a bow Ejyp herwydh aga luyow yn-dann leuv Moyses hag Aron.

Yoshua 24:5

Ena my a dhannvonas Moyses hag Aron, ha my a weskis Ejyp gans an pyth a wrugavy ena; hag a-wosa my a'gas hembronkas yn-mes.

1 Samuel 12:6

Ha Samuel a leveris dhe'n bobel, ‘An Arloedh yw neb a apoyntyas Moyses hag Aron ha dri agas tasow yn-bann yn-mes a bow Ejyp.

1 Samuel 12:8

Pan veu Yakob devedhys yn Ejyp ha'gas tasow a armas dhe'n Arloedh, ena an Arloedh a dhannvonas Moyses hag Aron, neb a dhros agas tasow yn-mes a Ejyp, ha'ga settya y'n tyller ma.