Eksodus 6:20 - An Bibel Kernewek 20234 (Kernewek Kemmyn)

²⁰ Hag Amram a gemmeras avel gwreg Yokebed, y vodrep, ha hi a dhug dhodho Aron ha Moyses: ha blydhynyow bewnans Amram o kans seytek bloedh warn ugens.

Eksodus 6:20 Iomraidhean Croise

1 Kroniklys 23:13

Mebyon Amram: Aron ha Moyses. Aron a veu diberthys gans y vebyon bys vykken dhe sakra an taklow moyha sans, dhe leski offrynnow a-rag an Arloedh, dhe venystra dhodho ha dhe leverel bennathow yn y hanow bys vykken.

Eksodus 6:16

Ha'n re ma yw henwyn mebyon Levi, war-lergh aga henedhow: Gershon, ha Kohath, ha Merari: ha blydhynyow bewnans Levi o kans ha seytek bloedh warn ugens.

Eksodus 6:18

Ha mebyon Kohath yw: Amram, hag Yshar, ha Hebron, hag Uzziel: ha blydhynyow bewnans Kohath o kans ha trydhek bloedh warn ugens.

Niverow 26:58

An re ma yw teyluyow Levi: teylu an Libnysi, teylu an Hebronysi, teylu an Mahlysi, teylu an Mushysi, teylu an Koraghysi. Ha Kohath o tas Amram.

Niverow 26:59

Hanow gwreg Amram o Yokebed myrgh Levi, a veu genys dhe Levi yn Ejyp; ha hi a dhineythis dhe Amram Aron ha Moyses ha Miryam aga hwoer.

Niverow 3:1

An re ma yw henedhow Aron ha Moyses y'n termyn may kewsis an Arloedh gans Moyses war venydh Sinay.

Yoshua 21:4

An kynsa koelbrenn a dheuth yn-mes rag teyluyow an Kohathysi. Ytho an Levysi mebyon Aron an oferyas a dhegemmeras trydhek sita dewisys gans koelbrenn dhiworth loeth Yuda, ha dhiworth loeth an Simeonysi, ha dhiworth loeth Benyamin.