Eksodus 6:2 - An Bibel Kernewek 20234 (Kernewek Kemmyn)

² Ha Duw a leveris dhe Moyses, ‘My yw an Arloedh;

Eksodus 6:2 Iomraidhean Croise

Jenesis 15:7

Hag ev a leveris dhodho, ‘My yw an Arloedh a'th tros mes a Ur an Kaldeanys dhe ri dhis an pow ma dh'y gavoes yn perghennogeth.’

Eksodus 12:12

Rag my a wra tremena dres pow Ejyp an nos na, ha my a wra gweskel pub kynsa-genys yn pow Ejyp, ha den ha best; ha war dhuwow Ejyp my a wra breus: my yw an Arloedh.

Eksodus 14:18

Ha'n Ejyptianys a woer my dhe vos an Arloedh, pan gavav gordhyans drefenn Faro, y jarettow, ha'y varghogyon.’

Eksodus 15:3

An Arloedh yw breselyas; an Arloedh yw y hanow.

Eksodus 17:1

An kuntelles oll a vebyon Ysrael eth yn-rag a wylvos Sin yn kerdhow berr, herwydh gorhemmynn an Arloedh, ha kampya yn Refidim; mes nyns esa dowr dhe'n bobel dh'y eva.

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Eksodus 3:14

Duw a leveris dhe Moyses, ‘my yw neb yth ov vy.’ Hag y leveris, ‘Lavar hemma dhe vebyon Ysrael, “my yw re'm dannvonas dhywgh.” ’

Eksodus 3:15

Duw a leveris ynwedh dhe Moyses, ‘Lavar hemma dhe vebyon Ysrael, “An Arloedh, Duw agas tasow, Duw Abraham, Duw Ysak, ha Duw Yakob, re'm dannvonas dhywgh”: hemm yw ow hanow bys vykken, hag yndellma my a vydh kovhes dres henedhow oll.

Eksodus 6:29

an Arloedh a leveris dhe Moyses, ‘My yw an Arloedh; lavar dhe Faro myghtern Ejyp pup-tra a lavarav dhis.’

Eksodus 6:6

Lavar ytho dhe vebyon Ysrael, “My yw an Arloedh hag a wra agas dri a-dhann veghyow an Ejyptianys ha'gas livra a'ga hethneth ha'gas dasprena gans bregh ystynnys ha dre vreusow meur,

Eksodus 6:8

Ha my a'gas dre bys yn tir hag a des y ri dhe Abraham, dhe Ysak ha dhe Yakob; my a'n re dhywgh yn perghennogeth. My yw an Arloedh.” ’

Ysay 42:8

My yw an Arloedh, henn yw ow hanow, ow glori ny'n rov dhe gen dhuw, nag ow gormola dhe imajys gravys.

Ysay 43:11

My, my yw an Arloedh, hag a-der my nyns eus selwyas.

Ysay 43:15

My yw an Arloedh, agas Sans, formyer Ysrael, agas myghtern.

Ysay 44:6

Yndellma y lever an Arloedh, Myghtern Ysrael, ha'y Dhasprenyas, Arloedh an luyow: My yw an kynsa ha my yw an diwettha, hag a-der my nyns eus duw.

Yeremia 9:24

Mes gesewgh an re a vost dhe vostya yn hemma, ev dhe'm konvedhes hag aswonn, ow bos an Arloedh; a wra tregeredh, gwirvreus, hag ewnder war an nor: rag y'n traow ma my a lowenha, yn-medh an Arloedh.

Ezekiel 20:5

ha lavar dhedha, Yndellma y lever an Arloedh Duw: Y'n jydh may tewisis vy Ysrael my a dos gans leuv drehevys dhe has chi Yakob, hag omdhiskwedhes dhedha yn pow Ejyp. My a dhrehevis ow leuv dhedha ha ti, ow leverel, My yw an Arloedh agas Duw.

Malaki 3:6

Rag my yw an Arloedh, ny wrav vy chanjya, ha hwi fleghes Yakob, nyns owgh hwi devedhys dhe dhiwedh.