Biblia Todo Logo
Bìoball air-loidhne

- Sanasan -




Eksodus 5:21 - An Bibel Kernewek 20234 (Kernewek Kemmyn)

21 hag y lavarsons dhedha, ‘An Arloedh re virro warnowgh ha breusi, drefenn hwi re wrug dhyn bos kasadow yn dewlagas Faro ha'y servysi, ha gorra kledha yn aga dorn dh'agan ladha.’

Faic an caibideil Dèan lethbhreac




Eksodus 5:21
19 Iomraidhean Croise  

Hag yn-medh Saray dhe Abram, ‘Re wrello an drog gwrys er ow fynn koedha warnas tejy. My a ros ow maghteth a-bervedh y'th askra ha pan welas hi y hwrug hi konsevya, dispresys veuv yn hy dewlagas. Re bo an Arloedh breusyas yntra my ha ty.’


Re bo Duw Abraham ha Duw Nahor, Duw aga thas, breus yntredhon’; ha Yakob a dos re Own y das Ysak.


Hag yn-medh Yakob dhe Simeon ha Levi, ‘Hwi re dhros anfeusi warnav, ow kul dhymm flerya yn mysk trigoryon an pow, yn mysk an Kananysi ha'n Perizzysi. Boghes yw niver ow thus vy, hag i a vydh kuntellys war-barth er ow fynn ha'm diswul; ha my ha'm chi a vydh distruys.’


Pan welas an Ammonysi i dhe vos kasadow dherag Davydh, an Ammonysi a dhannvonas hag arveth Aramysi Beth-rehob hag Aramysi Soba, ugens mil droesek, ha dhiworth myghtern Maaka mil wour, ha dhiworth governour Tob, dewdhek mil wour.


Pan wodhva an Ammonysi, i dhe vos kasadow dhe Davydh, Hanun ha'n Ammonysi a dhannvonas mil dalent a arghans dhe wobrena charettow ha marghogyon dhiworth Aram Naharaym, dhiworth Aram Maaka, ha dhiworth Soba.


hag i a leveris dhe Moyses, ‘Drefenn nag eus bedhow yn Ejyp yth yw, ty dh'agan gorra dhe verwel y'n gwylvos? Pandr'a wrussys dhyn, orth agan dri yn-mes a Ejyp?


Ha'n bobel a grodhvolas war Moyses, ow leverel, ‘Pandr'a evyn?’


Ha'n kuntelles oll a vebyon Ysrael a grodhvolas war Moyses hag Aron y'n gwylvos,


Ha'n bobel a grysis; ha pan glewsons an Arloedh dhe wul vri a vebyon Ysrael ha gweles aga galar, i a omblegyas ha gordhya.


I a dhyerbynnas Moyses hag Aron esa orth aga gortos dell dheuthons a-dhiworth Faro;


Moyses a gewsis yndellma dhe vebyon Ysrael; mes ny goelsons orth Moyses drefenn galar aga spyrys ha'ga gonis fell.


Kelyon marow a wra dhe unyent an perfumyer flerya; boghes follneth yw poesa es meur a furneth.


Profoesans a-dro dhe vestes an Negeb. Dre dir a ahwer hag angoes, a lewes hag a lew owth usa, a nader ha sarf askellek, i a dheg aga rychys war skoedh asenes, ha'ga thresoryow war geyn kowrvergh, dhe bobel nag yw dhe les.


Ha my a bellha dhiworthowgh lu an kledhbarth, ha'y fesya yn syghtir ha difeyth, gans y fas troha mor an est, ha'y dhelergh troha mor an howlsedhes; ha'y fler a wra drehevel, ha'y flerynsi a dheu yn-bann. Rag ev re wrug taklow bras.


nagonan re welas ow golewder ha'm toknys hag a wrug vy yn Ejyp hag y'n gwylvos, ha hwath a'm gorras dhe'n prov an deg treveth ma ha ny glewas ow lev,


Prag y hwra an Arloedh agan dri y'n tir ma, dhe goedha der an kledha? Agan gwragedh ha'gan re vyghan a vydh preydh; a ny via gwell dehweles dhe Ejyp?’


Pan glewas oll Ysrael Sowl dhe fetha savla-gwithysi an Filistysi, hag ynwedh Ysrael dhe dhos ha bos kasadow dhe'n Filistysi, an bobel a veu gelwys yn-mes dhe junya gans Sowl yn Gilgal.


Hag Akish a drestyas yn Davydh, ha tybi, ‘Ev re wrug y honan kasadow glan yn mysk y bobel Ysrael; rakhenna ev a vydh ow gwas bys vykken.’


Lean sinn:

Sanasan


Sanasan