Eksodus 5:2 - An Bibel Kernewek 20234 (Kernewek Kemmyn)

² Mes Faro a leveris, ‘Piw yw an Arloedh may koelliv orth y lev ha gasa Ysrael dhe vones? Ny aswonnav an Arloedh, ha dhe voy ny asav Ysrael dhe vones.’

Eksodus 5:2 Iomraidhean Croise

2 Myghternedh 18:35

Piw yn mysk oll duwow an powyow re dhelivras aga fowyow mes a'm leuv, may hyll an Arloedh delivra Yerusalem mes a'm leuv?” ’

2 Kroniklys 32:14

Piw yn mysk oll duwow an kenedhlow a wrug ow thasow aga howldhiswul, a ylli sawya y bobel a'm leuv? Pyseul dhe le y hyll agas Duw agas sawya a'm leuv?

2 Kroniklys 32:15

Lemmyn ytho na esewgh Hezekia dh'agas toella na'gas kammledya yndella. Na drestyewgh ynno, rag ny allas duw vytholl a genedhel bynag na ruvaneth bynag sawya y bobel a'm leuv na a leuv ow thasow. Pyseul dhe le y hwra agas Duw a'gas sawya hwi yn-mes a'm leuv!’

2 Kroniklys 32:19

I a gewsis a-dro dhe Dhuw Yerusalem par dell ve ev par dhe dhuwow pobel an norvys, ober diwleuv dhenel.

Nehemia 9:10

ha ri toknys hag anethow erbynn Faro hag erbynn oll y servysi, hag oll pobel y wlaskor; rag ty a wodhya i dhe dhyghtya agan tasow yn tont. Ytho ty a waynyas an ger-da a'th eus, par dell yw y'n jydh hedhyw.

Job 15:25

rag ev re ystynnas y leuv erbynn Duw, ha krevhe y honan erbynn an Ollgalloesek,

Job 15:26

ow poenya er y bynn gans y benn yn rag, gans skoes tew y vothow.

Job 21:15

Pyth yw an Ollgalloesek may koedh dhyn y servya? ha py budh a vydh dhyn mar pysyn dhodho?”

Salmow 10:4

An tebelwas yn y valghder ny'n hwila; oll y dybyansow yw, ‘Nyns eus Duw.’

Salmow 12:4

an re a lever, ‘Gans agan taves y tryghyn ni, agan gweusyow yw dhyn ni; piw yw arloedh warnan ni?’

Salmow 12:5

‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

Salmow 14:1

An den anfur re leveris yn y golonn, ‘Nyns eus Duw.’ Legrys yns i, hag i re wrug obereth kasadow, nyns eus denvyth a wrello dader.

Eksodus 3:19

My a woer na wra myghtern Ejyp agas gasa dhe vones marnas dre leuv grev.

Eksodus 7:17

Yndellma y lever an Arloedh: Dre hemma ty a wodhvydh my dhe vos an Arloedh: otta, gweskel a wrav an dowr usi y'n Nil gans an welenn usi yn ow dorn, hag y fydh treylys yn goes,

Lavarow Koth 30:9

poken lenwys vydhav hag y'th naghav hag y lavarav, ‘Piw yw an Arloedh?’ Po y fydhav boghosek ha ladra, ha disakra hanow ow Duw.

Yeremia 42:13

Mes mar leverowgh, “Ny vynnyn triga y'n tir ma”, ow pos diwostydh dhe lev an Arloedh agas Duw

Yeremia 48:26

Gwrewgh dhodho bos medhow, drefenn ev dhe omvoghhe erbynn an Arloedh; gesewgh Moab dhe omlagenna yn y hwyj y honan; hag ev ynwedh a vydh ges.

Daniel 3:15

Lemmyn, mars owgh hwi parys orth an keth prys na pan glewowgh an korn, an pib, an gyttrens, an krowd, an sowtri, an pibow-sagh ha pub sort a venestrouthi, dhe goedha dhe'n leur ha gul gologhas dhe'n delow a wrug vy, da yw hemma: mes mar ny wrewgh gologhas, y fydhowgh tewlys an keth eur na yn kres fornes a dan ow flammya; ha py par duw ywa a'gas delirv mes a'm dorn?’

Yowann 16:3

Ha hemma a wrons rag ny aswonnsons naneyl an Tas na my.

Romanyon 1:28

Ha drefenn nag o da gansa aswonnvos Duw, Duw a's gasas dhe dhrog vrys ha dhe fara divlas.

2 Thessalonianys 1:8

yn tan ow flammya, ow kul dial war an re na aswonn Duw ha'n re nag yw gostydh dhe aweyl agan Arloedh Yesu.

Breusysi 2:10

Hag oll an henedh na a veu kuntellys dh'aga thasow ynwedh, hag ena ken henedh a devis war aga lergh, neb na aswonni an Arloedh na'n ober gwrys ganso a-barth Ysrael.

1 Samuel 2:12

Lemmyn mebyon Eli o mebyon Belial; ny aswonnens an Arloedh.

1 Samuel 25:10

Mes Nabal a worthybis dhe wesyon Davydh ha leverel, ‘Piw yw Davydh? Piw yw mab Yesse? Yma lies gwas y'n dydhyow ma a boen dhe-ves dhiworth aga mestrysi.