Eksodus 4:21 - An Bibel Kernewek 20234 (Kernewek Kemmyn)

²¹ Ha'n Arloedh a leveris dhe Moyses, ‘Pan dhehwelydh dhe Ejyp, gwayt gul a-rag Faro an marthusyon oll hag a res vy yn dha dhorn, mes my a wra kaleshe y golonn ma na asso an bobel dhe vones.

Eksodus 4:21 Iomraidhean Croise

Jenesis 6:3

Hag yn-medh an Arloedh, ‘Ny drig ow spyrys vy pup-prys gans mab-den, rag kig yw ev, ha'y dhydhyow a vydh hwegh-ugens blydhen.’

1 Myghternedh 22:22

“Fatell?” an Arloedh a wovynnas orto. Ev a worthybis, “Yth av yn-mes, ha my a vydh spyrys gowek yn ganow oll y brofoesi.” Ena an Arloedh a leveris, “Ty a'n dyn, ha ty a sewen; ke yn-rag ha'y wul.”

Salmow 105:25

Ev a dreylyas aga holonn may kassens y bobel, ha dyghtya y wesyon yn fals.

Salmow 78:43

Fatell wrussa ev y doknys yn Ejyp, ha'y varthusyon yn gwel Soan.

Eksodus 10:1

Ena an Arloedh a leveris dhe Moyses, ‘Ke bys yn Faro; rag my re galeshas y golonn ha kolonn y servysi may tiskwetthiv ow thoknys ma yntredha,

Eksodus 10:20

Mes an Arloedh a galeshas kolonn Faro, ha ny asas fleghes Ysrael dhe vones.

Eksodus 10:27

Mes an Arloedh a galeshas kolonn Faro, ha ny vynna aga gasa dhe vones.

Eksodus 11:10

Moyses hag Aron a wrug oll an marthusyon ma a-rag Faro; ha'n Arloedh a galeshas kolonn Faro, ha ny asas mebyon Ysrael dhe vones yn-mes a'y dir.

Eksodus 11:9

Ena an Arloedh a leveris dhe Moyses, ‘Ny wra Faro koela orthis: may fo liesplekhes ow anethow yn pow Ejyp.’

Eksodus 14:17

Ha my a galesha kolonn an Ejyptianys mayth ellons war aga lergh, ha my a gyv glori drefenn Faro hag oll y lu, y jarettow, ha'y varghogyon.

Eksodus 14:4

Ha my a wra kaleshe kolonn Faro, hag ev a wra aga siwya ha my a gyv glori drefenn Faro ha'y lu oll; ha'n Ejyptianys a woer my dhe vos an Arloedh.’ Hag yndella i a wrug.

Eksodus 14:8

Ha'n Arloedh a galeshas kolonn Faro myghtern Ejyp hag ev a siwyas mebyon Ysrael dell ethons yn-rag gans leuv ughel.

Eksodus 3:19

My a woer na wra myghtern Ejyp agas gasa dhe vones marnas dre leuv grev.

Eksodus 3:20

Ytho my a ystynn ow dorn ha gweskel Ejyp gans ow marthusyon oll a wrav ynno; wosa henna ev a as dhedha mones.

Eksodus 7:13

Hwath kolonn Faro o kaleshes ha ny vynna goslowes orta; dell lavarsa an Arloedh.

Eksodus 7:3

Ha my a wra kaleshe kolonn Faro, ha liesplekhe ow thoknys hag anethow yn pow Ejyp,

Eksodus 8:11

An kwilkynyow a wra diberth ahanas hag a'th chiow hag a'th servysi hag a'th pobel; ny vydhons gesys marnas y'n Nil.’

Eksodus 8:15

Mes Faro pan welas bos hedh, ev a galeshas y golonn, ha ny vynna goslowes orta; dell lavarsa an Arloedh.

Eksodus 8:32

Mes Faro a galeshas y golonn an prys ma ynwedh, ha ny asas an bobel dhe vones.

Eksodus 9:12

Mes an Arloedh a galeshas kolonn Faro, ha ny woslowas orta; dell gowssa an Arloedh dhe Moyses.

Eksodus 9:35

Ytho kolonn Faro a veu kaleshes, ha ny asas mebyon Ysrael dhe vones; dell gewssa an Arloedh dre Moyses.

Ysay 6:10

Gwra kolonn an bobel ma tew, ha gwra aga diwskovarn poes, ha sel aga dewlagas, ma na glewons der aga dewlagas ha gweles der aga diwskovarn ha konvedhes der aga holonn, hag i a dreyl ha bos sawys.’

Ysay 63:17

Prag re'gan gwrussys dhe wandra dhiworth dha fordhow, A Arloedh, ha kaleshe agan kolonn ma na borthen own ahanas? Dehwel a-barth dha servysi, loethow dha eretons.

Yowann 12:40

‘Ev re dhallhas aga dewlagas, hag ev re galeshas aga holonn, rag na hwrellons gweles gans aga dewlagas, na konvedhes gans aga holonn, na bos treylys, may hwrylliv aga sawya.’

Romanyon 1:28

Ha drefenn nag o da gansa aswonnvos Duw, Duw a's gasas dhe dhrog vrys ha dhe fara divlas.

Romanyon 9:18

Ytho ev a gemmer mersi war geniver a blekkyo dhodho hag ev a galesha kolonn keniver a blekkyo dhodho.

2 Korinthianys 2:16

dhe'n re ma odour a vernans dhe'n mernans, ha dhe'n re na odour a vewnans dhe vewnans. Piw yw da lowr rag an traow ma?

Dewteronomi 2:36

Dhiworth Aroer usi ryb amal nans Arnon, ha'n dre usi y'n nans, bys yn Gilead, nyns esa tre re grev ragon. An Arloedh agan Duw a ros pup-tra a-ragon.

Yoshua 11:20

Y feu an Arloedh y honan grevhas aga holonnow, may tothyens erbynn Ysrael yn kas, rag aga sakra dhe dhistruyans, ha ma na's teffa mersi, mes rag ma's distrua, dell worhemmynnis an Arloedh dhe Moyses.

1 Peder 2:8

ha, ‘Men a wra dhe dhen trebuchya, ha karrek a offens.’ I a goedh rag nyns yns i gostydh dhe'n ger. Henna a veu aga thenkys.