Eksodus 4:18 - An Bibel Kernewek 20234 (Kernewek Kemmyn)

¹⁸ Ha Moyses a dhehwelis dhe Yethro y hwegron, ha leverel dhodho, ‘Gas vy dhe vones, my a'th pys, dhe'm breder yn Ejyp rag gweles mars yns hwath yn few.’ Ha Yethro a leveris dhe Moyses, ‘Ke yn kres.’

Eksodus 4:18 Iomraidhean Croise

Jenesis 45:3

Hag yn-medh Yosep dh'y vreder, ‘My yw Yosep. Yw ow thas hwath yn few?’ Ha ny ylli y vreder gorthybi rag dyegrys ens a-dheragdho.

2 Myghternedh 5:10

Elisha a dhannvonas kannas dhodho, ow leverel, ‘Ke hag omwolghi y'n Yordan seythgweyth, ha dha gig a vydh asverys ha ty a vydh glan.’

2 Myghternedh 5:19

Ev a leveris dhodho, ‘Ke yn kres.’ Mes wosa ev dhe vos gyllys dhiworto pellder byghan,

Eksodus 2:21

Ha Moyses a assentyas triga gans an gour, neb a ros Sippora y vyrgh dhe Moyses,

Eksodus 3:1

Lemmyn yth esa Moyses ow pugelya gre y hwegron, Yethro, oferyas Midyan, hag ev a hembronkas y flokk dhe du an howlsedhes dhe'n gwylvos, ha dos dhe venydh Duw, dhe Horeb.

Luk 7:50

Hag ev a leveris dhe'n venyn, ‘Dha fydh re'th sawyas; ke yn kres.’

Oberow 15:36

Lemmyn wosa niver a dhydhyow Powl a leveris dhe Barnabas, ‘Dehwelyn ha mos dhe weles an vreder dres pub sita may pregewthsyn ger an Arloedh, rag gweles fatell yw gansa.’

Oberow 16:36

Ha'n jayler a dherivas an geryow ma dhe Powl, ‘An justisyow re dhannvonas may fowgh hwi delivrys. Lemmyn, ytho, dewgh yn-mes ha kewgh yn kres.’

1 Timothi 6:1

Gwres pub den usi yn-dann yew avel kethwas synsi y vester gwiw dhe bub enor, na vo despitys hanow Duw ha'y dhyskas.

Breusysi 18:6

An oferyas a worthybis, ‘Kewgh yn kres. Yma an negys a wrewgh a-rag an Arloedh.’

1 Samuel 1:17

Ena Eli a worthybis ha leverel, ‘Ke yn kres; ha re wrontyo Duw Ysrael dhis dha bysadow a wovynnsys orto.’