Eksodus 4:12 - An Bibel Kernewek 20234 (Kernewek Kemmyn)

¹² Ha lemmyn, ke, ha my, my a vydh gans dha anow ha dyski dhis an pyth a gewsydh.’

Eksodus 4:12 Iomraidhean Croise

Salmow 105:26

Ev a dhannvonas Moyses y was, hag Aron neb re dhewissa ev.

Salmow 143:10

Dysk dhymm gul dha vodh, rag ty yw ow Duw. Gwres dha Spyrys kuv ow hembronk yn tir kompes.

Salmow 32:9

Na vedhewgh kepar ha'n margh na'n mul, heb konvedhes, res yw dhedha bos synsys gans genva ha fronn, ma na dheffons ogas dhis.

Eksodus 3:12

Ev a leveris, ‘Yn sur, my a vydh genes; ha hemma a vydh tokyn dhis my dhe'th tannvon: pan dhresys an bobel yn-mes a Ejyp, ty a wra servya Duw war an menydh ma.’

Eksodus 4:13

Hag ev a leveris, ‘Ogh, ow Arloedh, dannvon, my a'th pys, neb ken den.’

Eksodus 4:15

Ha ty a gews orto ha gorra an geryow yn y anow; ha my, my a vydh gans dha anow ha gans y anow dhe dhyski dhywgh an pyth dhe wul.

Eksodus 4:16

Hag ev a gews ragos orth an bobel; ev a vydh ganow ragos, ha ty a vydh avel Duw ragdho.

Ysay 49:2

Ev a wrug ow ganow avel kledha lymm, yn skeus y dhorn ev a'm kudhas; ev a'm gwrug seth lymmys, yn goen y sethow ev a'm kelas.

Ysay 50:4

An Arloedh Duw re ros dhymm taves an re yw dyskys, rag may hwodhviv fatell sostenav gans ger an den skwith. Myttin ha myttin ev a dhifun, ev a wra dhe'm skovarn difun rag goslowes kepar ha'n re yw dyskys.

Yeremia 1:9

Ha'n Arloedh a ystynnas y leuv ha tochya ow ganow. Hag yn-medh an Arloedh dhymm, ‘Awotta, my re worras ow geryow y'th hanow.

Niverow 16:28

Ha Moyses a leveris, ‘Gans hemma hwi a wra godhvos an Arloedh dhe'm dannvon dhe wul oll an oberow ma, ha nyns o a'm govis vy.

Mark 13:11

Mes pan wrellons agas hembronk ha'gas daskorr, na brederewgh kyns a bandr'a gewsewgh, mes pypynag a vo res dhywgh y'n eur na, henna leverewgh; rag nyns yw hwi a gews, mes an Spyrys Sans.

Luk 11:1

Hag y hwarva ev dhe vos ow pysi yn neb tyller, ha pan hedhis, onan a'y dhyskyblon a leveris dhodho, ‘Arloedh, dysk dhyn pysi, kepar dell dhyskas Yowann y dhyskyblon ev.’

Yowann 14:26

Mes an Konforter, an Spyrys Sans neb a wra an Tas y dhannvon y'm hanow vy, ev a dhysk dhywgh pup-tra ha'gas kovha a bup-tra a leveris dhywgh.

Efesianys 6:19

ha ragov vy, may fo kows res dhymm, ha my owth igeri ow ganow, dhe dhyllo yn hardh mysteri an aweyl.

Dewteronomi 18:18

My a dhrehav ragdha yn-mes a'ga breder profoes yw haval dhis. My a worr ow geryow yn y anow, hag ev a gews dhedha pup-tra a worhemmynnav.