Eksodus 4:11 - An Bibel Kernewek 20234 (Kernewek Kemmyn)

¹¹ Ha'n Arloedh a leveris dhodho, ‘Piw a ordenas ganow dhe dhen po piw a ordenas an avlavar po an bodharek, po den a wel po den dall? A nyns yw my, an Arloedh?

Eksodus 4:11 Iomraidhean Croise

Jenesis 11:7

Dewgh, gwren ni diyskynna ha kemmyska aga yeth ma na wodhvons konvedhes an eyl yeth y gila.’

Jenesis 18:14

Eus travyth re gales rag an Arloedh? Y'n termyn apoyntys, my a dhehwel dhis, y'n vlydhen a dheu, hag y fydh dhe Sara mab.’

Salmow 146:8

an Arloedh a re golok dhe'n dhellyon. An Arloedh a dhrehav an re plegys dhe'n dor; an Arloedh a gar an re wiryon.

Salmow 51:15

A Arloedh, igor ow diwweus, ha'm ganow a dhiskwa dha wormola.

Salmow 94:9

Neb a blansas an skovarn, a ny glew? Ha neb a formyas an lagas, a ny wel?

Lavarow Koth 20:12

An skovarn ow klewes ha'n lagas ow kweles – an Arloedh re's gwrug, aga dew.

Ysay 42:7

rag igeri an dhewlagas dhall, dhe dhoen yn-mes an brisnoryon a'n vagh, dhiworth an prison an re a esedh yn tewlder.

Ysay 6:7

Ev a dochyas ow ganow, ha leverel, ‘Awotta, homma re dochyas dha dhiwweus ha treylys dhe-ves yw dha anewnder, ha gevys yw dha begh.’

Yeremia 1:6

Ha my a leveris, ‘Ogh Arloedh DUW, otta, ny wonn kewsel, rag yowynk ov.’

Yeremia 1:9

Ha'n Arloedh a ystynnas y leuv ha tochya ow ganow. Hag yn-medh an Arloedh dhymm, ‘Awotta, my re worras ow geryow y'th hanow.

Ezekiel 33:22

Leuv an Arloedh a veu warnav gorthugherweyth kyns dos an dianker; mes ev re igorsa ow ganow erbynn an termyn may teuth dhymm myttin; ytho ow ganow o igerys, ha nyns en vy avlavar na fella.

Amos 3:6

Eus korn hwythys yn sita, heb bos an bobel ownek? A vydh anfeusi yn sita, marnas an Arloedh a'n gwrug?

Matthew 11:5

dellyon a wel arta hag evredhyon a gerdh; klavorogyon yw glanhes, bodharyon a glew, ha tus varow yw drehevys, ha dhe voghosogyon an aweyl yw pregewthys;

Luk 1:20

Hag otta, avlavar vydhydh, heb galloes kewsel bys y'n jydh may hwrer an taklow ma, drefenn na gryssys dhe'm geryow, a vydh kowlwrys yn aga thermyn.’

Luk 1:64

Desempis igerys veu y anow, ha'y daves, hag ev a gewsi, ow kormel Duw.

Yowann 10:21

Yn-medh re erell, ‘Nyns yw an re ma an geryow a dhen ha dhodho dyowl. A yll dyowl igeri dewlagas an dhellyon?’