Eksodus 4:1 - An Bibel Kernewek 20234 (Kernewek Kemmyn)

¹ Ha Moyses a worthybis ow leverel, ‘Fatla mar ny'm krysons na goslowes orth ow lev, mes leverel, “Ny omdhiskwedhas an Arloedh dhis”?’

Eksodus 4:1 Iomraidhean Croise

1 Myghternedh 13:3

Ev a ros tokyn an keth jydh, ow leverel, ‘Homm yw an tokyn a gewsis an Arloedh: “An alter a vydh skwardys, ha'n lusu usi warnedhi a vydh diverys yn-mes.” ’

Eksodus 2:14

Hag yn-medh ev, ‘Piw a'th wrug penntern ha breusyas warnan? A wredh ow ladha par dell ledhsys an Ejyptyan?’ Hag own a'n jevo Moyses ow leverel, ‘Yn sur, an dra yw aswonnys.’

Eksodus 3:15

Duw a leveris ynwedh dhe Moyses, ‘Lavar hemma dhe vebyon Ysrael, “An Arloedh, Duw agas tasow, Duw Abraham, Duw Ysak, ha Duw Yakob, re'm dannvonas dhywgh”: hemm yw ow hanow bys vykken, hag yndellma my a vydh kovhes dres henedhow oll.

Eksodus 3:16

Ke dhe guntell war-barth henavogyon Ysrael ha leverel dhedha, “An Arloedh, Duw agas tasow, Duw Abraham, Ysak ha Yakob re omdhiskwedhas dhymm, ow leverel: My re viras warnowgh ha'n pyth a veu gwrys dhywgh yn Ejyp;

Eksodus 3:18

Hag i a wra goslowes orth dha lev ha ty ha henavogyon Ysrael a wra mos dhe vyghtern Ejyp ha leverel dhodho, “An Arloedh, Duw an Ebrowyon, re vetyas genen; ha lemmyn, ni a'th pys, gas ni dhe vones yn vyaj a dri dydh y'n gwylvos mayth offrynnyn dhe'n Arloedh agan Duw.”

Eksodus 4:10

Ha Moyses a leveris dhe'n Arloedh, ‘Ogh, ow Arloedh, nyns ov gour a eryow, na kyns es lemmyn, nag a-ban gewssys orth dha was, rag lent ov a anow ha lent a daves.’

Eksodus 4:30

Hag Aron a gewsis oll an geryow a gewsis an Arloedh dhe Moyses hag a wrug an toknys a-rag lagasow an bobel.

Eksodus 4:31

Ha'n bobel a grysis; ha pan glewsons an Arloedh dhe wul vri a vebyon Ysrael ha gweles aga galar, i a omblegyas ha gordhya.

Eksodus 6:12

Mes Moyses a leveris a-rag an Arloedh, ‘Otta, ny goelas mebyon Ysrael orthiv; fatell wra Faro goslowes orthiv ha my antrodreghys ow diwweus?’

Eksodus 6:30

Ha Moyses a leveris dhe'n Arloedh, ‘Otta, my yw antrodreghys ow diwweus; ytho fatell wra Faro koela orthiv?’

Yeremia 1:6

Ha my a leveris, ‘Ogh Arloedh DUW, otta, ny wonn kewsel, rag yowynk ov.’

Ezekiel 3:14

Ena an spyrys a'm drehevis hag a'm kemmeras, ha gyllys veuv yn hwerowder, yn sorr ow spyrys, ha leuv an Arloedh o krev warnav.

Oberow 7:25

Lemmyn ev a dybis y vreder dhe gonvedhes Duw dhe ri selwyans dhedha der y leuv; mes ny gonvedhsons.

Breusysi 6:17

Ena y leveris dhodho, ‘Mara'm bo favour genes, diskwa dhymm tokyn yth yw ty usi ow kewsel genev.