Eksodus 39:32 - An Bibel Kernewek 20234 (Kernewek Kemmyn)

³² Yndellma oll ober tabernakel tylda an kuntelles a veu gorfennys; ha mebyon Ysrael a wrug herwydh pup-tra a worhemmynnsa an Arloedh dhe Moyses; yndellma i a wrug.

Eksodus 39:32 Iomraidhean Croise

1 Myghternedh 6:38

Y'n unnegves blydhen, y'n mis Bul, hag yw an ethves mis, an chi a veu gorfennys yn oll y rannow, ha herwydh oll y dhesinyow. Ytho ev a spenas seyth blydhen orth y dhrehevel.

1 Myghternedh 7:40

Hiram a wrug ynwedh an pottow, an reuvow ha'n bollow. Ytho Hiram a worfennas oll an ober a wrug rag Solomon yn chi an Arloedh:

1 Kroniklys 28:19

‘Oll hemma,’ yn-medh Davydh, ‘my a'm beus yn skrif dhiworth leuv an Arloedh warnav, hag ev a ros dhymm konvedhes yn oll manylyon an towl.’

Eksodus 12:28

Ena mebyon Ysrael eth ha gul par dell worhemmynnsa Duw dhe Moyses hag Aron, yndella y hwrussons.

Eksodus 25:40

Ha gwayt aga gul war-lergh an patron ragdha, a veu diskwedhys dhis war an menydh.

Eksodus 31:7

tylda an kuntelles, hag argh an dustuni, ha'n dregeredhva usi warnedhi, ha mebel oll an tylda,

Eksodus 39:31

Hag i a golmas dhodho snod glas, dh'y fastya war an tulyfant war-vann; dell worhemmynnsa an Arloedh dhe Moyses.

Eksodus 39:33

Hag i a dhros an tabernakel dhe Moyses, an tylda ha'y dhaffar oll, y higennow, y framyow, y varrow, y golovenyow, ha'y grawyow;

Eksodus 40:1

An Arloedh a leveris dhe Moyses,

Eksodus 40:3

Ha ty a worr ynno argh an dustuni, ha ty a gudh an argh gans an vayl.

Eksodus 40:32

pan ethons a-ji dhe dylda an kuntelles, ha pan dhons nes dhe'n alter, i a omwolghas, dell worhemmynnsa an Arloedh dhe Moyses.

Niverow 3:31

Ha'ga charj yw an argh, an voes, an kantoler, an alteryow, lestri an sentri dredha may fenystro an oferysi, ha'n groglenn, dh'y wonis oll.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Dewteronomi 12:32

Gwaytyewgh gul pup-tra esov orth y worhemmynna dhywgh; na geworr dhodho, ha na gemmer dhiworto.

Ebrowyon 3:2

neb o len dhe neb a'n ordenas, kepar dell o Moyses len yn oll chi Duw.

Ebrowyon 8:5

I a serv yn ensampel ha skeus a'n sentri nevek; rag pan o Moyses parys dhe dhrehevel an tabernakel, gwarnys veu gans Duw, ow leverel, ‘Gwith may hwrylli pup-tra herwydh an patron a veu diskwedhys dhis war an menydh.’

1 Samuel 15:22

Hag yn-medh Samuel, ‘A gyv an Arloedh plesour meurra yn offrynnow leskys ha sakrifisow, ages yn obayans lev an Arloedh? Yn sur, obaya yw gwell ages sakrifia, ha goslowes ages blonek hordhes.