Eksodus 37:16 - An Bibel Kernewek 20234 (Kernewek Kemmyn)

¹⁶ Hag ev a wrug an lestri a owr pur a vedha war an voes, hy flatyow ha'y skudellow ha'y bollow ha'y hostrels gansa dhe dhiveri an offrynnow diwes.

Eksodus 37:16 Iomraidhean Croise

1 Myghternedh 7:50

an hanafow, an gwelsigow-porv, an bollow, an skudellow rag ynkys, ha'n padellow-tan, a owr pur; ha pannellow darasow an chi pervedhel, an tyller an moyha sans, ha rag darasow chi an tempel, a owr.

2 Myghternedh 12:13

Byttegyns ny wrussons devnydh a'n arghans dres yn chi an Arloedh dhe wul bollow a arghans, gwelsigow-porv, bollow-offrynn, hirgern, lestri a owr po lestri a arghans,

Eksodus 25:29

Ha ty a wra hy flatyow ha'y skudellow ha'y hostrels ha'y bollow dhe dhiveri offrynnow diwes; a owr pur ty a's gwra.

Eksodus 37:15

Ev a wrug an gwelynni a brenn shittim dhe dhoen an voes, ha'ga gorowra gans owr.

Eksodus 37:17

Ynwedh ev a wrug an kantoler a owr pur. Troes ha gwelenn an kantoler a veu gwrys a weyth mortholys; y hanafow, y dalbennow, ha'y vleujennow o unn rann ganso.

Niverow 7:13

ha'y offrynn o unn plat a arghans ha dhodho poes a gans shekel ha deg warn ugens, unn bolla a arghans a dheg shekel ha tri-ugens, war-lergh shekel an sentri, ha'n dhew anedha leun a vleus fin kemmyskys gans oyl rag offrynn greun;

2 Timothi 2:20

Yn chi bras nyns eus lestri unnsel yn owr hag arghans, mes yn prenn ha pri ynwedh, an re na rag enor ha'n re ma rag disenor.