Eksodus 34:6 - An Bibel Kernewek 20234 (Kernewek Kemmyn)

⁶ An Arloedh a dremenas a-ragdho ha gelwel, ‘An Arloedh, an Arloedh, Duw truedhek ha grassyes, lent ow serri ha leun a dregeredh ha lelder,

Eksodus 34:6 Iomraidhean Croise

Jenesis 24:27

ha leverel, ‘Benniges re bo an Arloedh, Duw ow arloedh Abraham, na wrug forsakya y dregeredh ha'y wiryonedh troha'm arloedh. An Arloedh re'm hembronkas yn ewn dhe ji breder ow arloedh.’

2 Samuel 24:14

Ha Davydh a leveris dhe Gad, ‘Yth esov yn ahwer meur; koedhyn yn leuv an Arloedh, rag y druedh yw bras; mes na'm gas dhe goedha yn leuv mab-den.’

1 Myghternedh 19:11

Ev a leveris, ‘Ke ha sevel war an menydh a-rag an Arloedh, rag yma an Arloedh ow tremena.’ Gwyns krev a dheuth, ow folsa menydhyow ha terri kerrek dhe demmyn a-rag an Arloedh, mes nyns esa an Arloedh y'n gwyns; ha wosa an gwyns yth esa dorgrys, mes nyns esa an Arloedh y'n dorgrys;

1 Myghternedh 8:30

Klew pledyans dha was ha'th pobel Ysrael pan bysons war-tu ha'n tyller ma; ha klew yn nev dha drigva; ha pan glewydh, gav.

2 Kroniklys 30:9

Rag mar tehwelowgh dhe'n Arloedh, agas breder ha'gas fleghes a gyv truedh gans an re a's divroas, hag i a dhehwel dhe'n tir ma. Rag an Arloedh agas Duw yw grassyes ha truedhek, ha ny dreyl y fas dhiworthowgh mar tehwelowgh dhodho.’

Nehemia 9:17

I a skonyas a woslowes, ha ny borthsons kov a'n marthusyon a wrussys yn aga mysk; mes i a dheuth ha bos kales aga hilbenn, hag y feu bodh aga brys dhe dhehweles dh'aga hethneth yn Ejyp. Mes ty yw Duw neb yw parys dhe ava, grassyes ha truedhek, lent ow serri, hag ow palshe yn tregeredh, ha ny wrussys aga forsakya.

Salmow 108:4

Rag dha dregeredh yw meur a-ugh an nevow, ha'th wiryonedh a dhrehedh dhe'n kommol.

Salmow 111:4

Ev a wrug dh'y oberow marthys bos kovhes; grassyes ha truedhek yw an Arloedh.

Salmow 111:8

Fastys yns i bys vykken ha bynnari, ha gwrys yn gwirder hag ewnder.

Salmow 112:4

Dhe'n re ewnhynsek y sev golow y'n tewlder; ev yw grassyes ha truedhek ha gwiryon.

Salmow 116:5

Grassyes yw an Arloedh, ha gwiryon; devri truedhek yw agan Duw.

Salmow 138:2

My a ombleg troha'th tempel sans, hag a wormel dha hanow, drefenn dha dregeredh ha'th wiryonedh, rag ty re veurhas dha hanow ha'th lavar a-ugh pup-tra.

Salmow 145:8

An Arloedh yw grassyes ha truedhek, lent ow serri ha meur y dregeredh.

Salmow 146:6

neb a formyas nev ha nor, an mor ha pup-tra eus ynno; neb a with gwiryonedh bynitha;

Salmow 31:19

Ass yw meur dha dhader, a dharbarydh dhe'n re a'th own, a wrussys rag an re a hwila skovva ynnos jy a-dherag mebyon den!

Salmow 57:10

Rag dha dregeredh yw meur bys y'n nevow, ha'th wirder bys y'n kommol.

Salmow 86:15

Mes ty, A Arloedh, yw Duw truedhek ha grassyes, lent ow serri, ha meur dha dregeredh ha'th wirder.

Salmow 86:5

Rag ty, A Arloedh, yw kuv ha parys dhe ava, meur dha dregeredh orth oll an re a elow warnas.

Salmow 91:4

Ev a'th kudh gans y bluv, hag yn-dann y eskelli y hwilydh skovva; y wirder yw dha skoes ha'th vokler.

Eksodus 20:5

Na ombleg a-ragdha na'ga servya; rag my an Arloedh dha Dhuw yw Duw avius, ow kessydhya kammweyth an tasow war an fleghes bys an tressa ha peswora henedh a'n re a'm kas,

Eksodus 22:27

rag henn yw y unn ballenn, yth yw kudhans rag y groghen; yn pandra ken y hwra ev koska? Ha mar kri warnav, my a wra klewes, rag ow bos grassyes.

Eksodus 33:19

Hag ev a leveris, ‘My a wra oll ow dader dhe dremena a-ragos, ha my a elow ow hanow, an Arloedh, a-ragos; ha grassyes vydhav dhe neb a vydhav grassyes dhodho, ha bos truedhek dhodho dhe neb yth ov truedhek.’

Lavarow Koth 3:3

Na as tregeredh ha gwirder dhe'th forsakya, kolm i a-dro dhe'th konna, skrif i war legh dha golonn.

Ekklesiastes 8:11

Pan nag eus breus gwrys a-dhesempis rag neb drogober, kennerthys yw kolonn mebyon den dhe wul drog.

Ysay 12:4

Y'n jydh na hwi a lever: Gormelewgh an Arloedh, gelwewgh war y hanow; gwrewgh y wriansow godhvedhys yn mysk an poblow, deklaryewgh y hanow dhe vos ughelhes.

Ysay 65:16

Piwpynag y'n tir a hwillo bennath warnodho y honan a'n hwila re'n Duw a wirder; ha piwpynag y'n tir a dollo ti a de ti re'n Duw a wirder; rag ankevys yw an kynsa troblow, ha kudhys dhiworth ow dewlagas.

Yeremia 32:18

Ty a dhiskwedh tregeredh dhe vilyow, hag attyli anewnder an tasow yn askra aga fleghes war aga lergh, an Duw meur ha galloesek, Arloedh an luyow yw y hanow,

Yeremia 9:24

Mes gesewgh an re a vost dhe vostya yn hemma, ev dhe'm konvedhes hag aswonn, ow bos an Arloedh; a wra tregeredh, gwirvreus, hag ewnder war an nor: rag y'n traow ma my a lowenha, yn-medh an Arloedh.

Kynvannow 3:23

Nowydhhes vydhons pub myttin, bras yw dha lelder.

Yoel 2:13

Skwardyewgh agas kolonn, a-der agas dillas, ha treylyewgh arta dhe'n Arloedh agas Duw, rag grassyes ha truedhek yw, lent ow serri, ha meur y dregeredh, hag ev a gemmer edrek a'n drog.

Yona 4:2

Hag ev a bysis dhe'n Arloedh ow leverel, ‘My a'th pys, A Arloedh, a nyns yw henna an keth tra a leveris vy pan esen hwath y'm pow? Rakhenna my a fias y'n dalleth dhe Tarshish; rag my a wodhva ty dhe vos Duw grassyes ha truedhek, lent ow serri, ha leun a dregeredh, ow kemmeres edrek a'n drog.

Mika 7:18

Py Duw yw haval dhis, ow kava droktra hag owth ankevi kammwrians an remenant a'y eretons? Ny with ev y sorr bynnari, drefenn bos mall ganso a dregeredh.

Mika 7:20

Ty a dhiskwa lenduri dhe Yakob ha tregeredh dhe Abraham, dell desys dh'agan tasow a-dhia'n dydhyow koth.

Nahum 1:3

An Arloedh yw lent ow serri, ha meur y nerth, ha'n Arloedh ny gas mann an debeles heb kessydhyans. Yma y fordh y'n korwyns hag y'n annawel, ha'n kommol yw doust y dreys.

Niverow 12:8

Ganso my a gews ganow orth ganow, yn tiblans, a-der yn kowsow tewl; hag ev a wel furv an Arloedh. Prag ytho na vewgh ownek dhe gewsel erbynn ow gwas Moyses?’

Yowann 1:17

rag an lagha a veu res dre Moyses; gras ha gwirder a dheuth dre Yesu Krist.

Romanyon 2:4

Po dispresya a wredh jy rychys y guvder ha'y wodhevyans ha'y berthyans? A ny wodhes jy kuvder Duw dhe'th hembronk dhe edrek?

Dewteronomi 32:3

Rag my a dhiskler hanow an Arloedh; askrifewgh meuredh dh'agan Duw.

Dewteronomi 4:31

(rag an Arloedh dha Dhuw yw Duw truedhek), ny wra ev kildenna dhiworthis na dha dhistrui, ha ny ankev kevambos dha dasow a dos dhedha.

Dewteronomi 5:10

mes ow tiskwedhes tregeredh dhe vilyow anedha a'm kar hag a with ow gorhemmynnow.

Jamys 5:11

Otta, ni a's gelow gwynnvys, an re a dhuryas; duryans Job re wrussowgh klewes anodho, ha porpos an Arloedh a welsowgh, bos an Arloedh pur druedhek ha pitethus.