Eksodus 33:9 - An Bibel Kernewek 20234 (Kernewek Kemmyn)

⁹ Pan entra Moyses an tylda, an goloven a gommol a dhiyskynna ha sevel orth daras an tylda, ha'n Arloedh a gewsi gans Moyses.

Eksodus 33:9 Iomraidhean Croise

Jenesis 17:22

Hag ev a astelas kewsel ganso, ha Duw eth yn-bann dhiworth Abraham.

Jenesis 18:33

Ha'n Arloedh eth yn-kerdh kettell wrussa astel kewsel dhe Abraham, hag Abraham eth arta dh'y dyller.

Salmow 99:7

Ev a gewsis orta y'n goloven a gommol; i a synsis y dhustuniow ha'n gorhemmynn a ros dhedha.

Eksodus 25:22

Ena my a wra metya genes, hag a-ugh an dregeredhva, ynter an dhew jerub usi war argh an dustuni, my a gews genes a-dro dhe bup-tra a worhemmynnav dhis rag mebyon Ysrael.

Eksodus 31:18

Ha wosa gorfenna kewsel ganso war venydh Sinay, ev a ros dhe Moyses diw leghenn an dustuni, leghennow a ven, skrifys gans bys Duw.

Eksodus 33:10

Ha pan weli an bobel an goloven a gommol ow sevel orth daras an tylda, oll an bobel a sevi ha gordhya, pub den orth treudhow y dylda.

Eksodus 33:11

Yndella y kewsi an Arloedh dhe Moyses, fas orth fas, dell gews den orth y goweth. Pan dreylyas Moyses arta dhe'n kamp, mes y venyster Yoshua mab Nun, gour yowynk, ny dhibarthas a'n tylda.

Eksodus 33:8

Ha pan e Moyses yn-mes dhe'n tylda, oll an bobel a sevi, ha pub den a sevi orth daras y dylda, ha mires war-lergh Moyses, bys pan alsa a-ji dhe'n tylda.

Eksodus 34:3

Ny dheu denvyth genes, ha na as denvyth dhe vos gwelys yn tyller vyth y'n menydh; na as flokkys na greow dhe beuri a-rag an menydh na.’

Eksodus 34:5

Ha'n Arloedh a dhiyskynnas y'n gommolenn ha sevel ganso ena, ha gelwel y hanow: an Arloedh.

Eksodus 34:9

Hag y leveris, ‘Mar kevis lemmyn gras y'th wolok, A Arloedh, my a'th pys, gwres an Arloedh mones yn agan mysk, kynth yw pobel kales hy hilbenn; ha gav agan kammweyth ha'gan pegh, ha kemmer ni rag dha eretons.’

Ezekiel 3:22

Yth esa leuv an Arloedh warnav eno; hag ev a leveris dhymm, Sav ha ke yn-mes dhe'n nans, hag eno my a gews genes.

Niverow 11:17

Ha my a dhiyskynn ha kewsel genes ena; ha my a gemmer nebes a'n spyrys eus warnas ha'y worra warnedha; hag i a dheg begh an bobel genes, ma na'n godheffi dha honan.

Niverow 7:89

Ha pan eth Moyses dhe dylda an kuntelles dhe gewsel gans an Arloedh, ev a glewas lev ow kewsel orto a-ugh an dregeredhva hag esa war argh an dustuni, yntra dew gerub; hag ev a gewsis orto.

Dewteronomi 31:14

Ena an Arloedh a leveris dhe Moyses, ‘Otta, an dydhyow a nes rag dha vernans. Galw Yoshua ha sevewgh orth tylda an kuntelles, ha my a re dhodho charj.’ Ytho Moyses ha Yoshua a sevis orth tylda an kuntelles.

Dewteronomi 31:15

Ha'n Arloedh a omdhiskwedhas y'n tylda yn koloven a gommol, ha'n goloven a gommol a sevis orth daras an tylda.