Eksodus 33:7 - An Bibel Kernewek 20234 (Kernewek Kemmyn)

⁷ Ha Moyses a gemmeri an tylda ha'y settya a-ves a'n kamp, pell a-ves a'n kamp; hag ev a'n henwi tylda an kuntelles. Ha pub huni a hwila an Arloedh a wre mones dhe dylda an kuntelles, esa a-ves a'n kamp.

Eksodus 33:7 Iomraidhean Croise

2 Samuel 21:1

Lemmyn yth esa divoetter yn dydhyow Davydh teyr blydhen, blydhen wosa blydhen; ytho Davydh a hwilas fas an Arloedh. Ha'n Arloedh a worthybis, ‘Yth yw drefenn Sowl, ha'y ji goesek, rag ev dhe worra an Gibeonysi dhe'n mernans.’

Salmow 10:1

Prag, A Arloedh, y sevydh a-bell? Prag yth omgelydh yn prysyow anken?

Salmow 27:8

Ow holonn re leveris ahanas, ‘Hwila y fas.’ Dha fas, A Arloedh, a hwilav vy.

Salmow 35:22

Ty re'n gwelas, A Arloedh; ytho na vydh tawesek, A Arloedh, na vydh pell dhiworthiv.

Eksodus 18:12

Ha Yethro, hwegron Moyses, a offrynnas offrynn leskys ha sakrifisow dhe Dhuw, hag Aron a dheuth gans oll an henavogyon a Ysrael dhe dhybri bara gans hwegron Moyses a-rag Duw.

Eksodus 18:7

Moyses eth yn-rag dhe dhyerbynna y hwegron hag omblegya a-ragdho hag amma dhodho; hag i a salusis an eyl y gila ha mos a-ji dhe'n tylda.

Eksodus 33:6

Ytho mebyon Ysrael a stryppyas dhe-ves aga thegennow, a venydh Horeb ha war-rag.

Eksodus 33:8

Ha pan e Moyses yn-mes dhe'n tylda, oll an bobel a sevi, ha pub den a sevi orth daras y dylda, ha mires war-lergh Moyses, bys pan alsa a-ji dhe'n tylda.

Lavarow Koth 15:29

Yma an Arloedh pell dhiworth an debeles, mes ev a glew pysadow an re wiryon.

Ysay 59:2

Mes agas kammweythresow re wrug diberth yntra hwi ha'gas Duw, ha'gas peghosow re gudhas y fas ragowgh, ma na wra ev klewes.

Hosea 9:12

Kyn hwrellons meythrin aga fleghes, my a gemmer pubonan dhe-ves, ma na vo denvyth gesys. Go-i pan dreylyav anedha!

Dewteronomi 4:29

Mes mar hwilydh alena an Arloedh dha Dhuw, ty a'n kyv, mar mynnowgh y gavoes gans oll dha golonn hag oll dha enev.

Ebrowyon 8:2

menyster y'n sentri ha'n gwir dabernakel, nag yw drehevys gans den mes gans an Arloedh.