Eksodus 33:5 - An Bibel Kernewek 20234 (Kernewek Kemmyn)

⁵ Rag an Arloedh re lavarsa dhe Moyses, ‘Lavar dhe vebyon Ysrael, “Ty yw pobel kales dha gilbenn; mar teffen unn pols y'n kres ahanas, my a'th kowlladhsa. Ytho, diwisk dha degynnow a-dhiworthis, may hwodheffiv an pyth dhe wul genes.” ’

Eksodus 33:5 Iomraidhean Croise

Jenesis 18:21

my a dheu yn-nans dhe weles mar kwrussons i yn tien war-lergh an arm re dheuth dhymmo; ha mar ny wrussons, my a'n goer.’

Jenesis 22:12

Hag yn-medh ev, ‘Na ystynn dha dhorn war an maw, na gul travyth dhodho, rag lemmyn my a woer ty dhe berthi own a Dhuw, a-ban na wruss'ta skonya a ri dhymm dha vab, dha unn vab.’

Job 34:20

I a verow yn pols, yn kres an nos; shakys yw an bobel hag i dremen dhe-ves, ha kemmerys dhe-ves yw an alloesogyon heb leuv densys.

Salmow 139:23

Hwither vy, A Dhuw, ha godhvydh ow holonn; prov vy, ha godhvydh ow frederow;

Salmow 73:19

Fatell ons i distruys yn unn lamm, skubys glan dhe-ves gans browaghow!

Eksodus 32:9

Ha'n Arloedh a leveris dhe Moyses, ‘My re welas an bobel ma, hag otta, yth yw pobel kales hy hilbenn;

Eksodus 33:6

Ytho mebyon Ysrael a stryppyas dhe-ves aga thegennow, a venydh Horeb ha war-rag.

Ysay 22:12

An Arloedh, Duw an luyow, a elwis y'n jydh na rag oelva ha rag kynvann, rag bloghter ha rag omwrogysa gans yskar.

Ysay 48:4

Drefenn my dhe wodhvos dha vos gorth, ha'th konna dhe vos giowenn a horn, ha'th tal dhe vos brest,

Kynvannow 4:6

Brassa yw kessydhyans myrgh ow fobel ages an kessydhyans rag pegh Sodom, a veu domhwelys yn unn lamm, kyn na veu leuv vyth gorrys warnedhi.

Yoel 2:12

Lemmyn ytho, yn-medh an Arloedh, treylyewgh dhymm gans oll agas kolonn, ha gans penys, ha gans oelva, ha gans kynvann.

Niverow 16:21

Diberthewgh dhiworth an kuntelles ma, ma'n kowlloskav yn unn lamm.

Oberow 7:51

‘A hwi kales agas kilbenn, hag antrodreghys yn agas kolonn hag yn agas diwskovarn, pup-prys y sevowgh erbynn an Spyrys Sans, kepar dell wre agas tasow, yndella hwi ynwedh a wra.

Dewteronomi 8:2

Ha ty a berth kov a oll an fordh a wrug an Arloedh dha Dhuw dhis kerdhes ynni an dew-ugens blydhen ma y'n gwylvos, rag ma'th uvelhaho ha'th previ, dhe wodhvos an pyth esa y'th kolonn, mar kwitthes y worhemmynnow po na witthes.