Eksodus 32:7 - An Bibel Kernewek 20234 (Kernewek Kemmyn)

⁷ Ha'n Arloedh a leveris dhe Moyses, ‘Diyskynn; rag dha bobel, hag a dhresys yn-mes a bow Ejyp, re omdhefolas;

Eksodus 32:7 Iomraidhean Croise

2 Kroniklys 27:2

Ev a wrug an pyth o ewn yn golok an Arloedh par dell re wrussa y das Uzzia, saw ny entras y'n tempel an Arloedh. Mes an bobel a besyas yn aga drogobereth.

Salmow 78:36

Byttegyns i a'n feklas gans aga ganow, hag a wowleveris dhodho gans aga thaves

Eksodus 19:24

Ha'n Arloedh a leveris dhodho, ‘Diyskynn, hag yskynn ow tri genes Aron; mes na as an oferysi ha'n bobel dhe stevya yn-bann dhe'n Arloedh ma na dartho er aga fynn.’

Eksodus 32:1

Pan welas an bobel Moyses dhe hokya a dhiyskynna a'n menydh, an bobel a omguntellas war-barth gans Aron ha leverel dhodho, ‘Yn-bann, gwra dhyn ni duwow a wra mones a-ragon; rag an Moyses ma, an gour a'gan dros yn-mes a bow Ejyp, ny wodhon an pyth eus hwarvedhys dhodho.’

Eksodus 32:11

Mes Moyses a bysis an Arloedh y Dhuw, ha leverel, ‘A Arloedh, prag y lesk toemm dha sorr erbynn dha bobel, a's dresys yn-mes a bow Ejyp gans galloes meur ha dorn grev?

Eksodus 32:4

Hag ev a dhegemmeras an owr a'ga diwla, ha'y weytha gans toul gravya, ha gwruthyl leugh teudh, hag i a leveris, ‘An re ma yw dha dhuwow, A Ysrael, a'th tros yn-mes a bow Ejyp.’

Eksodus 33:1

An Arloedh a leveris dhe Moyses, ‘Dibarth, ke alemma, ty ha'n bobel a wrussys dri yn-mes a bow Ejyp, dhe'n tir a ambosis dhe Abraham, Ysak ha Yakob, ow leverel, “Dhe'th tiyskynnysi my a'n re.”

Ysay 1:4

Go-i, kenedhel neb a begh, pobel yw poes gans anewnder, has drogoberoryon, mebyon legrys. I re asas an Arloedh, ha fia Sans Ysrael ow treylya war-dhelergh.

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Hosea 9:9

Galsons down yn podredhes, avel yn dydhyow Gibea. Ev a berth kov a'ga hammhynseth, ha kessydhya aga feghosow.

Dewteronomi 31:29

Rag my a woer, wosa ow mernans, hwi dhe omlegri yn sur, ha treylya dhiworth an fordh a worhemmynnis dhywgh; drog a wra agas metya y'n dydhyow diwettha, drefenn hwi dhe wul drog a-wel dhe'n Arloedh, dh'y serri der ober agas diwla.’

Dewteronomi 32:5

I re'n dyghtyas yn fals, nyns yns i y vebyon drefenn aga namm; yth yns i henedh gorth ha kamm.

Dewteronomi 4:16

ma na wryllowgh omlegri, ow kul dhywgh agas honan imaj gravys, an furv a figur vytholl, hevelep gorreydh na benynreydh,

Dewteronomi 9:12

Ena an Arloedh a leveris dhymm, ‘Sav, diyskynn uskis a'n tyller ma; rag dha bobel hag a dhresys yn-mes a Ejyp, re omdhefolas; i re dreylyas toeth da dhiworth an fordh a worhemmynnis dhedha; i re wrug ragdha aga honan imaj teudh.’

Dewteronomi 9:8

Orth Horeb hwi a sorras an Arloedh, ha'n Arloedh a veu serrys lowr orthowgh, dh'agas distrui.

Breusysi 2:19

Mes pan verwis breusyas, i a dreylya war-dhelergh ha bos moy tebel es aga thasow, owth holya duwow erell, orth aga servya ha plegya dhedha. Ny wrussons gasa aga gwriansow na'ga fordhow gorth.