Eksodus 32:4 - An Bibel Kernewek 20234 (Kernewek Kemmyn)

⁴ Hag ev a dhegemmeras an owr a'ga diwla, ha'y weytha gans toul gravya, ha gwruthyl leugh teudh, hag i a leveris, ‘An re ma yw dha dhuwow, A Ysrael, a'th tros yn-mes a bow Ejyp.’

Eksodus 32:4 Iomraidhean Croise

1 Myghternedh 12:28

Ytho an myghtern a gemmeras kusul, ha gul dew leugh a owr. Ev a leveris dhe'n bobel, ‘Hwi res eth dhe Yerusalem hir lowr. Ottomma agas duwow, A Ysrael, re'gas dros yn-mes a Ejyp.’

1 Myghternedh 12:32

Yeroboam a fondyas goel y'n pymthegves dydh a'n ethves mis kepar ha'n goel yn Yuda, hag ev a offrynnas sakrifisow war an alter; yndella ev a wrug ynwedh yn Bethel, ow sakrifia dhe'n leughi re wrussa. Hag ev a worras yn Bethel oferysi an tylleryow ughel re wrussa.

2 Myghternedh 10:20

Yehu a leveris, ‘Sakrewgh kuntelles solem rag Baal.’ Hag i a'n gelwis.

2 Myghternedh 10:29

Byttegyns ny dreylyas Yehu dhiworth peghosow Yeroboam mab Nebat a wrug dhe Ysrael pegha – an leughi owrek esa yn Bethel hag yn Dan.

2 Kroniklys 11:15

ha re apoyntsa y oferysi y honan rag an tylleryow ughel, ha rag an jevanow-gaver, ha rag an leughi re wrussa ev.

2 Kroniklys 13:8

‘Lemmyn hwi a dyb y hyllowgh sevel orth gwlaskor an Arloedh yn leuv mebyon Davydh, drefenn agas bos gyllys ha bos routh vras ha bos genowgh hwi an leughi a owr a wrug Yeroboam dhe vos duwow ragowgh.

Nehemia 9:18

Kyn hwrussens ragdha aga honan imaj teudh a leugh ha leverel, “Hemm yw dha dhuw neb a'th tros yn-bann yn-mes Ejyp”, hag y hwrussens blasfemiow bras,

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Eksodus 20:23

Ny wrewgh hwi duwow a arghans dhe vos genev; na ny wrewgh dh'agas honan duwow a owr.

Eksodus 20:4

Na wra dhis imaj gravys, na furv vytholl a dravyth eus y'n nev a-vann, nag y'n nor a-woeles, nag y'n dowr yn-dann an nor;

Eksodus 28:11

Par dell wra joweler gravya men, avel gravyans sel, yndella ty a wra gravya an dhew ven gans henwyn mebyon Ysrael; ty a wra aga gorra yn settyansow a blethweyth owr.

Eksodus 28:9

Ha ty a gemmer dew ven onyks ha gravya warnedha henwyn mebyon Ysrael,

Eksodus 32:1

Pan welas an bobel Moyses dhe hokya a dhiyskynna a'n menydh, an bobel a omguntellas war-barth gans Aron ha leverel dhodho, ‘Yn-bann, gwra dhyn ni duwow a wra mones a-ragon; rag an Moyses ma, an gour a'gan dros yn-mes a bow Ejyp, ny wodhon an pyth eus hwarvedhys dhodho.’

Eksodus 32:24

Ha my a leveris dhedha, “Neb a'n jeffo owr, gwres y denna anodho”; yndella i a'n ros dhymm, ha my a'n tewlis y'n tan, hag y teuth yn-mes an leugh ma.’

Eksodus 32:3

Ytho oll an bobel a dennas aga bysowyer owr esa yn aga diwskovarn, ha'ga dri dhe Aron.

Eksodus 32:35

Ha'n Arloedh a dhannvonas pla war an bobel rag i dhe wul an leugh a wrug Aron.

Eksodus 32:5

Pan welas Aron hemma, ev a dhrehevis alter a-dheragdho; hag Aron a wrug gwarnyans ow leverel, ‘A-vorow y fydh goel dhe'n Arloedh.’

Eksodus 32:7

Ha'n Arloedh a leveris dhe Moyses, ‘Diyskynn; rag dha bobel, hag a dhresys yn-mes a bow Ejyp, re omdhefolas;

Eksodus 32:8

i re dreylyas a-denewen yn uskis a'n fordh a worhemmynnis dhedha; i re wrug dhedha leugh teudh, ha'y wordhya ha sakrifia dhodho, ha leverel, “An re ma yw dha dhuwow, A Ysrael, a'th tros yn-mes a bow Ejyp.” ’

Ysay 30:22

Hwi a dhefol dha idolys gorherys gans arghans ha dha imajys gorowrys; ty a's tewl dhe-ves avel kweth avlan ha leverel dhedhi, ‘Ke dhe-ves!’

Ysay 46:6

An re a skoell owr yn hel dhiworth an pors, hag a boes arghans y'n mantolyow, i a arveth owrer neb a'n gwra duw; ena i a goedh dhe'n dor ha gordhya.

Ezekiel 23:8

Ny asas hy fornikasyon a-dhia hy thermyn yn Ejyp, rag yn hy yowynkneth yth esa gwer ow krowedh gensi; i a waska hy diwvronn wyrgh ha diveri aga lust warnedhi.

Hosea 10:5

Annedhysi Samaria a wra drem war leugh Beth-aven. Hy fobel a gyn warnodho, ha'y oferysi a oel war y wolewder, rag ev a vydh divres dhiworti.

Hosea 13:2

Lemmyn i a beghas hwath moy; i re wrug ragdha aga honan imajys teudh, delowyow gwrys a'ga arghans herwydh aga sleyghneth, i oll an ober a greftoryon. Leverir anedha, ‘Tus a wra sakrifis; i a amm dhe leughi!’

Oberow 17:29

A-ban on ni askorr Duw, ny goedh dhyn tybi bos an Duwsys kepar hag owr po arghans po men, imaj gwrys dre sleyghneth ha dysmygyans denel.

Oberow 7:41

Hag y'n dydhyow na i a formyas leugh hag offrynna sakrifis dhe'n idol ha lowenhe yn oberow aga diwla.

1 Korinthianys 10:7

Na vewgh gordhyoryon idolys, kepar ha rann anedha, dell yw skrifys, ‘An bobel a wrug esedha rag dybri hag eva ha sevel rag gwari.’

Dewteronomi 9:16

My a viras, hag otta, hwi re wrussa pegha erbynn an Arloedh agas Duw, ha gul ragowgh leugh teudh; y hwrussewgh treylya toeth da dhiworth an fordh a wrug an Arloedh gorhemmynna dhywgh.

Breusysi 8:24

Ena Gideon a leveris dhedha, ‘Gas vy dhe bysi dhiworthowgh, pub gour ahanowgh dhe ri dhymm bysow skovarn re gavas avel preydh.’ (Rag an eskerens a's tevo bysowyer skovarn a owr, drefenn i dhe vos Yshmaelysi.)

Breusysi 8:27

Gideon a wrug efod anodho hag a'n gorras yn y dre, yn Ofra; hag oll Ysrael a farya avel horys ena, hag ev o gyllys antell dhe Gideon ha dh'y deylu.