Eksodus 32:30 - An Bibel Kernewek 20234 (Kernewek Kemmyn)

³⁰ An vorow Moyses a leveris dhe'n bobel, ‘Hwi re beghas pegh meur. Ha lemmyn my a wra yskynna dhe'n Arloedh; martesen my a yll gul prenedh rag agas pegh.’

Eksodus 32:30 Iomraidhean Croise

2 Samuel 12:9

Prag y tispressys ger an Arloedh, dhe wul an drog yn y wolok? Ty re weskis Uria an Hittyas gans an kledha, ha kemmeres y wreg dhe vos dha wreg, ha'y ladha gans kledha an Ammonysi.

2 Samuel 16:12

Martesen an Arloedh a wel ow galar hag attyli dhymm gans da yn le y volleth hedhyw.’

2 Myghternedh 17:21

Rag ev a skwardyas Ysrael dhiworth chi Davydh; hag i a wrug dhe Yeroboam mab Nebat bos myghtern: ha Yeroboam a dhynyas Ysrael dhiworth holya an Arloedh, hag a wrug dhedha gul pegh bras.

Salmow 99:6

Moyses hag Aron yn mysk y oferysi, ha Samuel yn mysk an re a elow war y hanow. I a elwis war an Arloedh hag ev a worthybis dhedha.

Eksodus 32:29

Ha Moyses a leveris, ‘Hedhyw hwi re omsakras rag servis an Arloedh, peub orth kost y vab ha'y vroder, may hworro bennath warnowgh an jydh ma.’

Amos 5:15

Kesewgh droktra, ha kerewgh dader, ha fastyewgh gwirvreus y'n yet; martesen an Arloedh, Duw an luyow, a gemmer truedh a remenant Yosep.

Yona 3:9

Piw a woer, a wra Duw treylya ha kemmeres edrek, ha treylya dhiworth y sorr fers, ma na wryllyn ni mos dhe goll?’

Niverow 16:47

Ytho Aron a'n kemmeras dell leveris Moyses, ha poenya yn mysk an kuntellyans; hag otta, an pla re dhallathsa seulabrys yn mysk an bobel; hag ev a worras an ynkys, ha gul prenedh rag an bobel.

Niverow 25:13

hag y fydh dhodho, ha dh'y dhiyskynnysi war y lergh, kevambos a oferyaseth bys vykken, drefenn y vos avius rag y Dhuw, ha gul daspren rag mebyon Ysrael.” ’

Luk 15:18

My a sav yn-bann ha mos dhe'm tas ha leverel dhodho, ‘A das, my re beghas erbynn nev hag a-dheragos;

Luk 7:47

Rakhenna y lavarav dhis, yma gevys dhedhi hy feghosow pals, rag hi dhe gara meur; mes ev may ma boghes gevys dhodho, boghes ev a gar.’

Romanyon 9:3

Rag y'm bia bodh my ow honan dhe vos milliges ha diberthys dhiworth Krist rag ow breder, ow herens a-barth an kig.

Galatianys 3:13

Krist a'gan dasprenas dhiworth molleth an lagha hag ev gwrys molleth ragon, rag skrifys yw, ‘Milliges vydh peub yw kregys war brenn’,

2 Timothi 2:25

yn klorder ow tyski an re a sev er y bynn. Y hyll bos, Duw dhe ri edrek dhedha rag godhvos an gwir,

Jamys 5:16

Ytho, yesewgh agas peghosow an eyl dh'y gila, ha pysewgh an eyl rag y gila, may fewgh yaghhes. Pur nerthek yw an pysadow effeythus a dhen gwiryon.

1 Samuel 12:17

A nyns yw trevas an gwaneth hedhyw? My a elow dhe'n Arloedh, hag ev a dhannvon taran ha glaw; ha hwi a gonvedh ha gweles bos agas sherewynsi bras, re wrussowgh yn golok an Arloedh, dhe wovynn myghtern ragowgh.’

1 Samuel 12:19

Oll an bobel a leveris dhe Samuel, ‘Pys war an Arloedh dha Dhuw rag dha wesyon, rag na verwyn; rag ni re geworras dhe oll agan peghosow an drog ma, dhe wovynn myghtern ragon.’

1 Samuel 12:20

Ha Samuel a leveris dhe'n bobel, ‘Na berthewgh own; hwi re wrug oll an drog ma, mes na dreylyewgh a-denewen a-dhiworth holya an Arloedh, mes servyewgh an Arloedh gans oll agas kolonn;

1 Samuel 12:23

Ynwedh dhe'm parth vy, pell bedhes dhiworthiv my dhe begha erbynn an Arloedh dre hedhi pysi ragowgh; ha my a dhysk dhywgh an da ha'n fordh ewn.

1 Samuel 2:17

Yndella peghosow an wer yowynk o pur vras yn golok an Arloedh; rag an wer a dhyghtya gans bismer offrynn an Arloedh.