Eksodus 32:27 - An Bibel Kernewek 20234 (Kernewek Kemmyn)

²⁷ Hag y leveris dhedha, ‘Yndellma y lever an Arloedh, Duw Ysrael: “Pub den gorres y gledha war y glun. Kewgh ha dehweles a yet dhe yet der an kamp, ha ledhewgh pub den y vroder, ha pub den y goweth ha pub den y gentrevek.” ’

Eksodus 32:27 Iomraidhean Croise

2 Myghternedh 10:25

Kettell worfennas gul an offrynn leskys, Yehu a leveris dhe'n korfwithysi ha'n gaptenyon, ‘Kewgh a-ji ha'ga ladha; na skapyes denvyth.’ Hag i a's gweskis gans min an kledha; ha'n withysi ha'n gaptenyon a's tewlis yn-mes. Ena i eth yn sentri pervedhel tempel Baal.

Eksodus 32:26

ena Moyses a sevis dhe yet an kamp, ha leverel, ‘Piw eus gans an Arloedh? Des dhymm.’ Ha mebyon Levi oll a omguntellas dhodho.

Eksodus 32:28

Ha mebyon Levi a wrug herwydh ger Moyses hag y koedhas a'n bobel an jydh na neb tri mil wour.

Eksodus 32:29

Ha Moyses a leveris, ‘Hedhyw hwi re omsakras rag servis an Arloedh, peub orth kost y vab ha'y vroder, may hworro bennath warnowgh an jydh ma.’

Ezekiel 9:5

Dhe'n re erell y leveris, ha my ow klewes, ‘Tremenewgh dre'n sita war y lergh ha gweskewgh; na wres agas lagas kemmeres truedh, ha na gemmerewgh piteth.

Niverow 25:5

Ha Moyses a leveris dhe vreusysi Ysrael, ‘Peub ahanowgh gwra ladha y wer re omyewas dhe Baal-peor.’

Luk 14:26

‘Mar teu nebonan dhymm heb kasa y das ha'y vamm ha'y fleghes ha'y vreder ha'y hwerydh, hag ynwedh y vewnans y honan, ny yll bos ow dyskybel.

2 Korinthianys 5:16

Ytho, alemma rag, ny aswonnyn ni denvyth yn maner dhenel; yn tevri, mar aswonnsyn ni Krist yn maner dhenel, lemmyn ny'n aswonnyn yndella na fella.

Dewteronomi 13:10

Labydh ev gans meyn may farwo, drefenn ev dhe hwilas dha dhynya dhiworth an Arloedh dha Dhuw neb a's dros yn-mes a bow Ejyp, dhiworth an chi a gethneth.

Dewteronomi 13:6

Mara'th tynnyo yn-dann gel dha vroder, mab dha vamm, po dha vab, po dha vyrgh, po gwreg dha askra, po dha gothman yw kepar ha'th enev dha honan, ow leverel, ‘Deun ha servyn duwow erell’, na aswonnsys jy na'th tasow,