Eksodus 3:9 - An Bibel Kernewek 20234 (Kernewek Kemmyn)

⁹ Ha lemmyn, otta, kri mebyon Ysrael re dheuth dhymm, ha my re welas an arwask mayth arwask an Ejyptianys warnedha.

Eksodus 3:9 Iomraidhean Croise

Jenesis 16:11

Hag el an Arloedh a leveris dhedhi, ‘Awotta, gans flogh osta ha ty a dhineyth mab ha ty a'n henow Yshmael, a-ban glewas an Arloedh dha alar.

Jenesis 31:12

Hag yn-medh ev, “Drehav dha dhewlagas ha mir: oll an boghes usi owth yskynna war an flokk yw labol, brygh ha brithek. Rag my re welas pup-tra eus Laban ow kul dhis.

2 Myghternedh 13:4

Ha Yehoahaz a bledyas gans an Arloedh, ha'n Arloedh a woslowas orto; rag ev a welas arwask Ysrael, fatell y's arweski myghtern Aram.

2 Myghternedh 20:5

‘Treyl arta, ha leverel dhe Hezekia, rewler ow fobel, Yndella a lever an Arloedh, Duw dha das Davydh: My re glewas dha bysadow, my re welas dha dhagrow; otta, my a wra dha yaghhe; y'n tressa dydh ty a wra mos yn-bann dhe ji an Arloedh.

Nehemia 9:9

‘Ha ty a welas galar agan tasow yn Ejyp ha klewes aga kri ryb an Mor Rudh,

Salmow 12:5

‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

Salmow 9:14

rag may teriffiv oll dha wormola yn porthow myrgh Sion; my a lowenha y'th selwyans.

Eksodus 1:11

Ha warnedha i a ordenas mestrysi hwel rag aga arwaska gans beghyow poes, hag i a dhrehevis sitys-gwithva rag Faro, Pithom ha Rameses;

Eksodus 1:22

ha Faro a worhemmynnis dhe oll y bobel, ow leverel, ‘Pub maw a vydh genys – tewlewgh ev y'n Nil, ha pub myrgh gwithewgh hi yn few.’

Eksodus 1:8

Hag y sevis war Ejyp myghtern nowydh na aswonnsa Yosep,

Eksodus 2:23

Ha dell hwarva y'n termyn hir na, myghtern Ejyp a verwis, ha mebyon Ysrael a gynis drefenn an gethneth ha kria, ha'ga kri a yskynnas dhe Dhuw, drefenn aga hethneth;

Eksodus 2:25

Ha Duw a welas mebyon Ysrael, ha Duw a's aswonnis.

Eksodus 3:7

Ena an Arloedh a leveris, ‘My re welas galar ow fobel usi yn Ejyp ha klewes aga kri drefenn aga mestrysi kethneth; aswonn a wrav aga galarow;

Ekklesiastes 4:1

Ytho my a dreylyas arta dhe weles oll an arwask yw gwrys yn-dann an howl. Hag otta, dagrow an dus arweskys: ny's teves konforter; denvyth ny's delirv dhiworth nerth aga arwaskoryon; ny's teves konforter.

Ekklesiastes 5:8

Mar kwelydh arwask an boghosek ha ladrans a wirvreus hag ewnder yn rannvro, na borth marth a'n dra. Rag dres soedhek ughel yma soedhek ughella, ha dres an re ma yma tus ughella hwath.

Amos 4:1

Klewewgh an ger ma, hwi vughes Bashan neb usi war venydh Samaria, neb a wask an voghosogyon, owth arwaska an edhommogyon, neb a lever dh'aga gwer, ‘Doro, mayth yffyn!’

Dewteronomi 26:7

Ena ni a grias war an Arloedh, Duw agan tasow, ha'n Arloedh a glewas agan lev ha gweles agan galar, ha'gan trobel, ha'gan arwask.

1 Samuel 9:16

‘A-vorow a-dro dhe'n termyn ma my a dhannvon dhis gour mes a bow Benyamin, ha ty a wra y untya avel rewler war oll ow fobel Ysrael. Ev a saw ow fobel a-dhiworth dorn an Filistysi. My re viras war ow fobel, drefenn aga garm dhe dhos dhymm.’