Eksodus 3:8 - An Bibel Kernewek 20234 (Kernewek Kemmyn)

⁸ ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.

Eksodus 3:8 Iomraidhean Croise

Jenesis 11:5

Ha'n Arloedh a dhiyskynnas dhe weles an sita ha'n tour esa mebyon den orth aga drehevel.

Jenesis 11:7

Dewgh, gwren ni diyskynna ha kemmyska aga yeth ma na wodhvons konvedhes an eyl yeth y gila.’

Jenesis 15:13

Ena ev a leveris dhe Abram, ‘Godhvydh yn sur y fydh dha has alyons yn pow nag yw dhedha i, hag i a wra aga servya; hag i a wra aga arwaska peswar kans blydhen.

Jenesis 15:14

Ha'n genedhel ynwedh a wrons i servya, my a wra hy breusi; ha wosa henna i a dheu yn-mes gans rychys meur.

Jenesis 18:21

my a dheu yn-nans dhe weles mar kwrussons i yn tien war-lergh an arm re dheuth dhymmo; ha mar ny wrussons, my a'n goer.’

Jenesis 43:11

Hag yn-medh Ysrael aga thas dhedha, ‘Mars yw yndella, hemma gwrewgh: Kemmerewgh neppyth a wella askorr an tir yn agas seghyer, ha kemmerewgh ro yn-nans rag an gour, tamm balsam ha tamm mel, spisys ha myrr, pistachys hag alamandow.

Jenesis 46:4

Yth av vy yn-nans genes dhe Ejyp, ha my a wra dha dhri arta yn-bann. Ha Yosep a worr y leuv war dha dhewlagas.’

Jenesis 50:24

Hag yn-medh Yosep dh'y vreder, ‘Yth esov ow merwel. Duw sertan a wra agas visitya, ha'gas dri yn-bann mes a'n pow ma bys y'n pow a ambosas ev dre di dhe Abraham, dhe Ysak ha dhe Yakob.’

1 Kroniklys 1:15

an Hivysi, an Arkysi, ha'n Sinysi,

Nehemia 9:8

ha ty a gavas y golonn lel a-dheragos ha gul an kevambos ganso dhe ri dh'y has tir an Kananysi, an Hittysi, an Amorysi, an Perizzysi, an Yebusysi ha'n Girgashysi. Ty re geweras dha eryow, rag gwiryon os.

Salmow 12:5

‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

Salmow 12:6

Lavarow an Arloedh yw lavarow glan, avel arghans teudhys yn forn a bri, purhes seythgweyth.

Salmow 34:8

Gwrewgh tastya ha gweles an Arloedh dhe vos da; gwynnvys an den a hwila skovva ynno ev.

Salmow 91:15

Ev a elow warnav ha my a worthyp dhodho; yth esov ganso yn anken, my a'n delirv ha'y enora.

Eksodus 12:41

Ha dhe benn an peswar kans ha deg blydhen warn ugens, y'n jydh na poran, oll luyow an Arloedh eth yn-mes a bow Ejyp.

Eksodus 12:51

Ha dhe'n keth jydh na an Arloedh a dhros mebyon Ysrael yn-mes a bow Ejyp herwydh aga luyow.

Eksodus 13:5

Ha pan y'th trollo an Arloedh dhe bow an Kananysi, an Hittysi, an Amorysi, an Hivysi, ha'n Yebusysi, hag a ambosas dhe'th tasow dhe ri dhis, tir a dhinwa leth ha mel, ty a wra gwitha an deves ma y'n mis ma.

Eksodus 3:17

hag ambosa a wrav agas dri yn-bann yn-mes a galar Ejyp dhe bow an Kananysi, an Hittysi, an Amorysi, an Perizzysi, an Hivysi ha'n Yebusysi, tir a dhinwa leth ha mel.”

Eksodus 34:11

Gwith orth an pyth a worhemmynnav dhis hedhyw. Otta, my a worr yn-mes a-ragos an Amorysi, an Kananysi, an Hittysi, an Perizzysi, an Hivysi, ha'n Yebusysi.

Eksodus 5:23

Rag a-ban dheuth dhe Faro dhe gewsel y'th hanow, ev re wrug drog dhe'n bobel ma, ha ty, ny wrussys livra dha bobel kammenn.’

Ysay 36:17

bys pan dhov ha'gas kemmeres yn-mes dhe dir haval dh'agas tir agas honan, tir a ys ha gwin nowydh, tir a vara ha gwinlannow.

Ysay 64:1

Unnweyth a kwrelles skwardya an nevow ha dos yn-nans, ha'n menydhyow ow krysya a-ragos!

Yeremia 11:5

may kollenwiv an ti a des dh'agas tasow, ri dhedha tir a dhinwa leth ha mel, dell yw hedhyw. Ena my a worthybis, ‘Yndella re bo, A Arloedh.’

Yeremia 2:7

Ha my a'gas dros yn tir feyth, dhe dhybri an frut anodho ha'n dader anodho; mes pan entersowgh, hwi a dhefolas ow thir, ha gul ow eretons tra gasadow.

Yeremia 32:22

ha ty a ros dhedha an tir ma, hag a desys dh'aga thasow dhe ri dhedha, tir a dhinwa leth ha mel;

Ezekiel 20:6

Y'n jydh na my a dhrehevis ow leuv dhedha ha ti, my dh'aga dri yn-mes a bow Ejyp dhe dir a aspiis ragdha, a dhinwa leth ha mel, an tekka a'n tiryow oll.

Levitikus 20:24

Mes my re leveris dhywgh, Hwi a erit aga thir, ha my a'n rov dhywgh dhe berghenna, tir a dhinwa leth ha mel. An Arloedh agas Duw ov vy, re'gas dibarthas dhiworth an kenedhlow.

Amos 2:10

Ha my a'gas dros yn-mes a bow Ejyp, ha'gas hembronk dew-ugens blydhen y'n difeyth rag perghenna bro an Amorysi;

Niverow 13:18

ha mirewgh fatell yw an tir, ha mars yw an bobel trigys ena krev po gwann, mars yns boghes po lies,

Niverow 13:19

ha mars yw an tir mayth esons trigys da po drog, ha mars yw an sitys mayth esons trigys kampow po dinasow,

Niverow 13:27

Hag i a leveris dhodho, ‘Ni a dheuth dhe'n tir le ma'gan dannvensys; devri, ev a dhinwa leth ha mel, ha hemm yw y frut.

Yowann 3:13

Ha ny yskynnas denvyth bys yn nev marnas ev neb a dheuth yn-nans, Mab an den.

Yowann 6:38

Rag nyns ov vy devedhys yn-nans dhiworth nev dhe wul ow bolonjedh ow honan, marnas bolonjedh neb a'm dannvonas.

Dewteronomi 1:25

Hag i a gemmeras yn aga leuv neppyth a frut an tir, hag y'n drosons yn-nans dhyn ha dri dhe-dre dhyn ger ha leverel, ‘Da yw an tir usi an Arloedh agan Duw ow ri dhyn.’

Dewteronomi 1:7

Treylyewgh ha mos yn-kerdh ha dewgh dhe venydh an Amorysi, dhe oll aga hentrevogyon y'n Araba, y'n menydh hag y'n Shefela, hag y'n Negeb hag y'n arvor, tir an Kananysi, ha Lebanon, bys an avon veur, an avon Ewfrates.

Dewteronomi 27:3

Skrif warnedha oll geryow an lagha ma pan dreusydh, rag may tyffi dhe'n tir a wra an Arloedh dha Dhuw y ri dhis, tir a dhinwa leth ha mel, kepar dell gewsis Arloedh Duw dha dasow orthis.

Dewteronomi 28:11

An Arloedh a'th wra dhe seweni yn frut dha gorf, yn frut dha jatel, yn frut dha dir war an tir a dos an Arloedh dhe'th tasow y ri dhis.

Dewteronomi 6:3

Klew, Ysrael, ha gwayt aga gul, rag may fo yn ta dhis, ha rag may kressyowgh yn feur, kepar dell gewsis dhis an Arloedh Duw dha dasow, yn tir a dhinwa leth ha mel.

Dewteronomi 7:1

Pan wra an Arloedh dha Dhuw dha dhri bys y'n tir mayth esos ow tos ena dh'y erita, ha fesya lies kenedhel a-ragos, an Hittysi, an Girgashysi, an Amorysi, an Kananysi, an Perizzysi, an Hivysi, ha'n Yebusysi, seyth kenedhel brassa ha kreffa agesos,

Yoshua 5:6

Rag an Ysraelysi a gerdhas dewgens blydhen der an gwylvos, bys pan verwis oll henedh an vreselyoryon, an re gyllys yn-mes a Ejyp, na woslowsons orth lev an Arloedh. An Arloedh a dos dhedha na assa i dhe weles an tir re dosa dh'aga thasow dhe ri dhyn, tir a dhinwa leth ha mel.

Yoshua 9:1

Lemmyn pan glewas oll an vyghternedh esa a'n howlsedhes dhe'n Yordan y'n vro venydhyek hag y'n Shefela ha ryb oll arvor an Mor Bras war-tu ha Lebanon – an Hittysi, an Amorysi, an Kananysi, an Perizzysi, an Hivysi, ha'n Yebusysi,

Yoshua 9:7

Mes gwer Ysrael a leveris dhe'n Hivysi, ‘Martesen trigys esowgh ogas dhyn, ytho fatell yllyn gul kevambos genowgh?’