Eksodus 3:20 - An Bibel Kernewek 20234 (Kernewek Kemmyn)

²⁰ Ytho my a ystynn ow dorn ha gweskel Ejyp gans ow marthusyon oll a wrav ynno; wosa henna ev a as dhedha mones.

Eksodus 3:20 Iomraidhean Croise

Jenesis 15:14

Ha'n genedhel ynwedh a wrons i servya, my a wra hy breusi; ha wosa henna i a dheu yn-mes gans rychys meur.

Nehemia 9:10

ha ri toknys hag anethow erbynn Faro hag erbynn oll y servysi, hag oll pobel y wlaskor; rag ty a wodhya i dhe dhyghtya agan tasow yn tont. Ytho ty a waynyas an ger-da a'th eus, par dell yw y'n jydh hedhyw.

Salmow 105:27

I a dhiskwedhas y doknys yn aga mysk, ha marthusyon yn pow Ham.

Salmow 105:38

Ejyp a lowenhas pan ethons dhe-ves, rag own anedha a goedhsa warnedha.

Salmow 106:22

gwriansow marthys yn pow Ham, ha gwriansow euthyk ryb an Mor Rudh.

Eksodus 11:1

Ha'n Arloedh a leveris dhe Moyses, ‘Hwath unn pla moy y trov war Faro ha war Ejyp; a-wosa ev a as dhedha mones alemma; pan y'gas gas dhe vones, ev a wra agas gorra dhe-ves yn tien.

Eksodus 12:39

Hag i a bebis torthow heb goell gans an toes re dhrosens a Ejyp, rag y vos heb goell, drefenn aga bos herdhys yn-mes a Ejyp ha ny yllons strechya, na ny bareussens sosten dhedha aga honan.

Eksodus 13:3

Ha Moyses a leveris dhe'n bobel, ‘Perthewgh kov a'n jydh ma, pan dheuthewgh yn-mes a Ejyp, yn-mes a'n chi a gethneth, rag an Arloedh a'gas dros a'n tyller ma gans leuv grev; bara goell ny vydh dybrys.

Eksodus 13:9

Hag y fydh dhis avel tokyn war dha dhorn hag avel kov yntra dha dhewlagas, may fo lagha an Arloedh yn dha anow; rag dre leuv grev an Arloedh re'th tros yn-mes a Ejyp.

Eksodus 15:11

‘Piw yw haval dhis, A Arloedh, yn mysk an duwow? Piw yw haval dhis, meur yn sansoleth, euthyk yn gwriansow splann, ow kul marthusyon?

Eksodus 15:6

‘Dha leuv dhyghow, A Arloedh, yw gormelys yn nerth, dha leuv dhyghow, A Arloedh, a vrew an eskar.

Eksodus 4:21

Ha'n Arloedh a leveris dhe Moyses, ‘Pan dhehwelydh dhe Ejyp, gwayt gul a-rag Faro an marthusyon oll hag a res vy yn dha dhorn, mes my a wra kaleshe y golonn ma na asso an bobel dhe vones.

Eksodus 6:1

Mes an Arloedh a leveris dhe Moyses, ‘Lemmyn ty a wel an pyth a wrav dhe Faro; rag ev a's dannvon, krev an dhorn, ha krev an dhorn ev a's gorr yn-mes a'y dir.’

Eksodus 6:6

Lavar ytho dhe vebyon Ysrael, “My yw an Arloedh hag a wra agas dri a-dhann veghyow an Ejyptianys ha'gas livra a'ga hethneth ha'gas dasprena gans bregh ystynnys ha dre vreusow meur,

Eksodus 9:15

Rag erbynn lemmyn my a allsa ystynn ow dorn ha'th weskel ty ha'th pobel gans an pla, ha ty a via treghys a'n nor.

Ysay 19:22

An Arloedh a wysk Ejyp gans pla, ow kweskel hag ow sawya. I a dreyl dhe'n Arloedh hag ev a woslow orth aga fysadow, ha'ga sawya.

Ysay 26:11

A Arloedh, drehevys yw dha leuv, mes ny's gwelons. Gwelens i dha avi rag dha bobel ha perthi meth; gas dhe'n tan gwithys rag dha eskerens aga devorya.

Ezekiel 20:33

Dell vewav, yn-medh an Arloedh Duw, my a vydh myghtern warnowgh gans leuv grev, ha gans bregh ystynnys, ha gans sorr dinewys.

Mika 7:15

Avel y'n dydhyow pan dheuthys yn-mes a brow Ejyp, my a dhiskwedh dhis taklow marthys.

Oberow 7:36

An gour ma a's hembronkas yn-mes, ow kul marthusyon hag toknys yn pow Ejyp, hag orth an Mor Rudh, hag y'n gwylvos dres dew-ugens blydhen.

Dewteronomi 4:34

Po a assayas neb duw dhe dhos ha kemmeres dhodho kenedhel dhiworth kenedhel arall dre brovow, der toknys, ha der anethow, ha dre vresel, dre leuv grev ha bregh ystynnys, der euth bras kepar ha pup-tra a wrug dhywgh an Arloedh agas Duw yn Ejyp a-wel dhis?

Dewteronomi 6:22

An Arloedh a ros toknys ha marthusyon, bras ha drog, war Ejyp, war Faro, ha war oll y ji a-wel dhyn.

Breusysi 6:8

an Arloedh a dhannvonas profoes dhe vebyon Ysrael; hag ev a leveris dhedha, ‘Yndellma y lever an Arloedh, Duw Ysrael: My a'gas dros yn-bann yn-mes a Ejyp, ha'gas dri yn-mes a'n chi a gethneth;

Breusysi 8:16

Ytho ev a gemmeras henavogyon an sita hag ev a gavas spern an gwylvos ha spedhas ha gansa ev a gessydhyas gwer Sukkoth.