Eksodus 3:18 - An Bibel Kernewek 20234 (Kernewek Kemmyn)

¹⁸ Hag i a wra goslowes orth dha lev ha ty ha henavogyon Ysrael a wra mos dhe vyghtern Ejyp ha leverel dhodho, “An Arloedh, Duw an Ebrowyon, re vetyas genen; ha lemmyn, ni a'th pys, gas ni dhe vones yn vyaj a dri dydh y'n gwylvos mayth offrynnyn dhe'n Arloedh agan Duw.”

Eksodus 3:18 Iomraidhean Croise

Jenesis 12:1

An Arloedh a leveris dhe Abram, ‘Ke jy mes a'th pow ha dhiworth dha gerens ha dhiworth chi dha das bys y'n wlas a vynnav hy diskwedhes dhis.

Jenesis 14:13

Ena y teuth unn dianker ha leverel hemma dhe Abram an Ebrow, esa trigys ryb derow Mamre; Amoryas o ev, broder Eshkol ha broder Aner, hag yth ens i keffrysysi Abram.

Jenesis 15:1

Wosa an taklow ma, ger an Arloedh a dheuth dhe Abram yn gwelesigeth, ow leverel, ‘Na borth own, Abram, my yw dha skoes, dha wober pur vras.’

Jenesis 17:1

Ha pan o Abram nownsek bloedh ha peswar-ugens, an Arloedh a omdhiskwedhas dhe Abram ha leverel dhodho, ‘Duw Ollgalloesek ov vy. Kerdh a-dheragov, ha bydh divlam.

Jenesis 48:3

Hag yn-medh Yakob dhe Yosep, ‘Duw Ollgalloesek re omdhiskwedhas dhymm yn Luz, yn pow Kanan, ha'm benniga,

2 Kroniklys 30:12

Yth esa leuv Duw war Yuda ynwedh rag ri dhedha unn brys dhe wul an pyth a worhemmynnis an myghtern ha'n soedhogyon dre er an Arloedh.

Salmow 110:3

Yma genes mestrynses yn dydh dha nerth, yn splannderyow sansoleth. Dhiworth brys an bora y fydh genes gluth dha yowynkneth.

Eksodus 10:3

Ytho Moyses hag Aron eth a-ji dhe Faro, ha leverel dhodho, ‘Yndellma y lever an Arloedh, Duw an Ebrowyon, “Pygemmys prys y neghydh omuvelhe a-ragov? Gas ow fobel dhe vones ma'm serfyons.

Eksodus 17:5

Ha'n Arloedh a leveris dhe Moyses, ‘Tremen a-rag an bobel, ow kemmeres genes nebes a henavogyon Ysrael; ha kemmer yn dha dhorn an welenn a wesksys an Nil gensi, ha ke.

Eksodus 19:1

Dhe'n tressa loer nowydh wosa mebyon Ysrael dhe vones yn-rag a bow Ejyp, y'n jydh na y teuthons yn gwylvos Sinay.

Eksodus 25:22

Ena my a wra metya genes, hag a-ugh an dregeredhva, ynter an dhew jerub usi war argh an dustuni, my a gews genes a-dro dhe bup-tra a worhemmynnav dhis rag mebyon Ysrael.

Eksodus 3:12

Ev a leveris, ‘Yn sur, my a vydh genes; ha hemma a vydh tokyn dhis my dhe'th tannvon: pan dhresys an bobel yn-mes a Ejyp, ty a wra servya Duw war an menydh ma.’

Eksodus 3:16

Ke dhe guntell war-barth henavogyon Ysrael ha leverel dhedha, “An Arloedh, Duw agas tasow, Duw Abraham, Ysak ha Yakob re omdhiskwedhas dhymm, ow leverel: My re viras warnowgh ha'n pyth a veu gwrys dhywgh yn Ejyp;

Eksodus 30:36

ha nebes anodho ty a val dhe bolter, ha gorra rann anodho a-rag an dustuni yn tylda an kuntelles le may hwrav metya genes; y fydh ragowgh an moyha sans.

Eksodus 30:6

Ha ty a wra aga gorra a-rag an vayl usi ryb argh an dustuni, a-rag an dregeredhva usi a-ugh an dustuni, le may hwrav metya genes.

Eksodus 4:1

Ha Moyses a worthybis ow leverel, ‘Fatla mar ny'm krysons na goslowes orth ow lev, mes leverel, “Ny omdhiskwedhas an Arloedh dhis”?’

Eksodus 4:23

ha my a lever dhis, Gas ow mab dhe vones ma'm serfyo; mar neghydh y asa dhe vones, otta, my a ladh dha vab kynsa-genys.” ’

Eksodus 4:24

Ha war an hyns, yn tyller may spenas an nos, an Arloedh a'n dyerbynnas, ow hwilas y ladha.

Eksodus 4:31

Ha'n bobel a grysis; ha pan glewsons an Arloedh dhe wul vri a vebyon Ysrael ha gweles aga galar, i a omblegyas ha gordhya.

Eksodus 5:1

A'y wosa, Moyses hag Aron a dheuth a-ji dhe Faro ha leverel, ‘Yndellma y lever an Arloedh, Duw Ysrael, “Gas ow fobel dhe vones may hallons ow goelya y'n gwylvos.” ’

Eksodus 5:3

Ena y lavarsons, ‘Duw an Ebrowyon re vetyas genen; gas ni dhe vones, ni a'th pys, vyaj a dri dydh y'n gwylvos hag offrynna dhe'n Arloedh agan Duw ma na goettho warnan gans pla po gans an kledha.’

Eksodus 7:16

Ha ty a lever dhodho, “An Arloedh, Duw an Ebrowyon, a'm dannvonas dhis, ow leverel: Gas ow fobel dhe vones, ma'm serfyons y'n gwylvos; hag otta, ny wrussys holya y worhemmynn.

Eksodus 8:1

Ha'n Arloedh a leveris dhe Moyses, ‘Ke bys yn Faro ha leverel dhodho, “Yndellma y lever an Arloedh: Gas ow fobel dhe vones ma'm serfyons.

Eksodus 8:20

Ena an Arloedh a leveris dhe Moyses, ‘Sav a-varr myttinweyth ha sav a-rag Faro, hag ev ow mos yn-mes dhe'n dowr, ha lavar dhodho, “Yndellma y lever an Arloedh: Gas ow fobel dhe vones ma'm serfyons.

Eksodus 8:23

Yndellma y hworrav dibarth ynter ow fobel ha'th pobel jy. Erbynn a-vorow y fydh an tokyn ma.” ’

Eksodus 9:1

Ha'n Arloedh a leveris dhe Moyses, ‘Ke dhe Faro, ha leverel dhodho, “Yndellma y lever an Arloedh, Duw an Ebrowyon: Gas ow fobel dhe vones ma'm serfyons.

Eksodus 9:13

Ena an Arloedh a leveris dhe Moyses, ‘Sav myttin a-varr ha sevel a-rag Faro, ha leverel dhodho, “Yndellma y lever an Arloedh, Duw an Ebrowyon: Gas ow fobel dhe vones, ma'm serfyons.

Ysay 64:5

Ty a vet ganso ev neb a lowenha ha gul ewnder, neb a berth kov ahanas y'th fordhow. Otta, ty a sorras, ha ni a begha prest; mar siwyn dha fordhow, ni a vydh sawys.

Yeremia 2:2

Ke ha kria yn skovornow Yerusalem, ow leverel, Yndellma y lever an Arloedh: My a berth kov ahanas, lelder dha yowynkneth, dha gerensa avel benyn bries nowydh, pan ythys war ow lergh y'n gwylvos, yn tir na veu gonedhys.

Yeremia 2:6

Ha ny lavarsons, ‘Ple'ma an Arloedh a'gan dros yn-mes a bow Ejyp, a'gan hembronkas der an gwylvos, dre dir a dhifeythtiryow hag a byttow, dre dir a syghor, hag a skeus ankow dre dir ma na dremenas gour, ha le nag eus trigys den?’

Yeremia 26:5

dhe glewes geryow ow servysi an brofoesi re dhannvenis dhywgh, orth aga dannvon arta hag arta, mes ny woslewsowgh;

Niverow 17:4

Ena ty a's gorr yn tylda an kuntelles a-rag an dustuni, le may fetyav genes.

Yoshua 1:17

Par dell glewsyn pup-tra gans Moyses, yndella ni a glew genes. Lemen re bo an Arloedh dha Dhuw genes, par dell o gans Moyses!