Eksodus 3:12 - An Bibel Kernewek 20234 (Kernewek Kemmyn)

¹² Ev a leveris, ‘Yn sur, my a vydh genes; ha hemma a vydh tokyn dhis my dhe'th tannvon: pan dhresys an bobel yn-mes a Ejyp, ty a wra servya Duw war an menydh ma.’

Eksodus 3:12 Iomraidhean Croise

Jenesis 15:1

Wosa an taklow ma, ger an Arloedh a dheuth dhe Abram yn gwelesigeth, ow leverel, ‘Na borth own, Abram, my yw dha skoes, dha wober pur vras.’

Jenesis 15:8

Hag yn-medh ev, ‘A Arloedh Duw, fatell allav vy godhvos my dh'y gavoes yn perghennogeth?’

Jenesis 26:3

Trig y'n pow ma ha my a vydh genes ha'th venniga, rag dhiso jy ha dhe'th has my a vynn ri oll an powyow ma. My a gollenow an ti a dos dhe Abraham dha das.

Jenesis 31:3

Ena yn-medh an Arloedh dhe Yakob, ‘Dehwel dhe wlas dha dasow ha dhe'th kerens, ha my a vydh genes.’

2 Myghternedh 19:29

‘Ha hemma a vydh an tokyn ragos: Y'n vlydhen ma an pyth a dyv y honan a vydh dybrys, hag y'n nessa blydhen an pyth yw honan-hesys; mes y'n tressa blydhen hesewgh, mysewgh, plensewgh gwinlannow ha dybrewgh aga frutys.

1 Kroniklys 9:20

Finehas mab Eleazar re bia an soedhek warnedha seulabrys; yth esa an Arloedh ganso.

Salmow 86:17

Diskwa dhymm tokyn a'th tader, ma'n gwello an re a'm kas, ha perthi meth, rag ty, A Arloedh, re weresas dhymm, ha'm hebaskhe.

Eksodus 18:5

Ha Yethro, hwegron Moyses, a dheuth gans y vebyon ha'y wreg dhe Moyses y'n gwylvos le may kampya ryb menydh Duw.

Eksodus 3:1

Lemmyn yth esa Moyses ow pugelya gre y hwegron, Yethro, oferyas Midyan, hag ev a hembronkas y flokk dhe du an howlsedhes dhe'n gwylvos, ha dos dhe venydh Duw, dhe Horeb.

Eksodus 3:13

Ena Moyses a leveris dhe Dhuw, ‘Mar tov dhe vebyon Ysrael ha leverel dhedha “Duw agas tasow re'm dannvonas dhywgh”, hag i a wovynn orthiv, “Pyth yw y hanow?” pandr'a lavarav dhedha?’

Eksodus 33:14

Hag ev a leveris, ‘My ow honan a wra mos genes, ha my a re dhis powes.’

Eksodus 4:12

Ha lemmyn, ke, ha my, my a vydh gans dha anow ha dyski dhis an pyth a gewsydh.’

Eksodus 4:15

Ha ty a gews orto ha gorra an geryow yn y anow; ha my, my a vydh gans dha anow ha gans y anow dhe dhyski dhywgh an pyth dhe wul.

Eksodus 8:27

Res yw dhyn gul vyaj a dri dydh y'n gwylvos ha sakrifia dhe'n Arloedh agan Duw par dell worhemmynnis dhyn.’

Ysay 37:30

‘Ha hemma a vydh an tokyn ragos: y'n vlydhen ma an pyth a dyv y honan a vydh dybrys, hag y'n nessa blydhen an pyth yw honan-hesys, mes y'n tressa blydhen hesewgh, mysewgh, plensewgh gwinlannow ha dybrewgh aga frutys;

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 43:2

Pan dremenydh der an dowrow y fydhav genes, ha der an avonyow, ny livons warnas; pan gerdhydh dre dan, ny vydhydh leskys, ha ny wra an flamm dha woleski.

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Yeremia 1:8

Na borth own a-ragdha, rag yth esov genes, dhe'th telivra, yn-medh an Arloedh.’

Niverow 16:28

Ha Moyses a leveris, ‘Gans hemma hwi a wra godhvos an Arloedh dhe'm dannvon dhe wul oll an oberow ma, ha nyns o a'm govis vy.

Niverow 23:21

Ny welir anewnder yn Yakob; na ny welas ahwer yn Ysrael. Yma an Arloedh aga Duw gansa, hag yma garm myghtern yn aga mysk.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Mark 16:20

Hag yth ethons yn-mes ha pregoth yn pub le, ha'n Arloedh ow kesoberi gansa hag ow fastya an ger der an toknys a wre holya. Amen.

Oberow 11:21

Hag yth esa leuv an Arloedh gansa, ha niver meur a grysis ha treylya dhe'n Arloedh.

Oberow 7:7

“Ha my a wra breusi an genedhel a servyons”, yn-medh Duw, “ha wosa an taklow ma i a wra dos yn-mes, hag i a wra ow gordhya y'n tyller ma.”

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

Dewteronomi 31:23

Ha'n Arloedh a ros charj dhe Yoshua mab Nun, ow leverel, ‘Bydh krev ha bydh kolonnek, rag ty a dhre mebyon Ysrael dhe'n tir a des vy y ri dhedha; ha my a vydh genes.’

Ebrowyon 13:5

Bedhes agas bewnans rydh a gerensa arghans, ha bedhewgh kontentys gans an pyth a'gas beus; rag ev re leveris, ‘Nevra ny wrav dha fyllel na dha forsakya.’

Yoshua 1:5

Ny sev gour vyth er dha bynn oll dydhyow dha vewnans. Kepar dell en vy gans Moyses, my a vydh genes jy; ny wrav dha eskasa na'th forsakya.

Breusysi 6:12

el an Arloedh a omdhiskwedhas dhodho hag a leveris dhodho, ‘Yma an Arloedh genes, kasor galloesek.’

Breusysi 6:16

An Arloedh a leveris dhodho, ‘My a vydh genes, ha ty a wysk yn-nans an Midyanysi, yn kettep penn anedha.’

Breusysi 6:17

Ena y leveris dhodho, ‘Mara'm bo favour genes, diskwa dhymm tokyn yth yw ty usi ow kewsel genev.

Breusysi 6:21

Ena el an Arloedh a ystynnas bleyn an lorgh esa yn y dhorn hag a dochyas an kig ha'n tesennow heb burm ha tan eth yn-bann a'n garrek hag a loskas an kig ha'n tesennow heb burm; hag el an Arloedh eth yn-mes a'y wolok.

Breusysi 7:11

ha ty a glew an pyth a leverons, hag a-wosa dha dhiwleuv a vydh krevhes rag omsettya erbynn an kamp.’ Ytho ev eth yn-nans gans y was Pura dhe amal aray an wer ervys esa y'n kamp.

1 Samuel 14:10

Mes mar leverons yndella, “Dewgh yn-bann dhyn”, ena ni a wra mos yn-bann; rag an Arloedh re's delivras yn agan leuv, ha hemma a vydh tokyn dhyn.’