Eksodus 29:9 - An Bibel Kernewek 20234 (Kernewek Kemmyn)

⁹ ha'ga grogysa gans grogysyow ha kelmi bondow-penn warnedha; ha'n oferyaseth a vydh dhedha der ordenans heb worfenn. Yndellma ty a wra sakra Aron ha'y vebyon.

Eksodus 29:9 Iomraidhean Croise

Eksodus 27:21

Yn tylda an kuntelles, a-ves dhe'n vayl usi a-rag an dustuni, Aron ha'y vebyon a wra y witha a'n gorthugher dhe'n myttin a-rag an Arloedh. Y fydh ordenans bys vykken dhe vebyon Ysrael der aga henedhow.

Eksodus 28:1

Ena doro y'th ogas Aron dha vroder, ha'y vebyon ganso, yn-mes a vebyon Ysrael, dhe'm servya avel oferysi – Aron ha mebyon Aron, Nadab hag Abihu, Eleazar hag Ithamar.

Eksodus 32:29

Ha Moyses a leveris, ‘Hedhyw hwi re omsakras rag servis an Arloedh, peub orth kost y vab ha'y vroder, may hworro bennath warnowgh an jydh ma.’

Eksodus 40:15

ha'ga untya, dell untsys aga thas, ma'm serfyons avel oferysi: ha'ga untya a vydh dhedha rag oferyaseth vythkwethek dres aga henedhow.

Levitikus 8:1

Ha'n Arloedh a gewsis orth Moyses ow leverel,

Levitikus 8:13

Ha Moyses a dhros mebyon Aron ha'ga gwiska yn powsyow, ha'ga grogysa gans grogys ha kelmi bondow-penn warnedha, dell erghis an Arloedh dhe Moyses.

Levitikus 8:33

Ha dres seyth dydh nyns ewgh hwi yn-mes a dharas tylda an kuntelles erna vo kowlwrys dydhyow agas urdhyans, rag dres seyth dydh ev a wra agas urdhya.

Niverow 16:10

Ev a'th tros ogas dhodho hag oll dha vreder, mebyon Levi, genes. A hwilowgh an oferyaseth ynwedh?

Niverow 16:35

Ha tan a dheuth yn-mes dhiworth an Arloedh, hag a gowlloskas an dhew kans ha hanter kans gour ow profya an ynkys.

Niverow 16:40

dhe vos kovheans dhe vebyon Ysrael, ma na wrello gour estren, ha nag yw a dhiyskynnysi Aron, dos nes dhe leski ynkys a-rag an Arloedh, ma na dheffo ha bos avel Koragh hag avel y gowethas – dell leveris an Arloedh dhe Eleazar dre leuv Moyses.

Niverow 18:7

Ha ty ha'th vebyon genes a wra attendya agas oferyaseth rag pup-tra ow tochya an alter hag a-ji dhe'n groglenn; ha hwi a wra servya. My a re agas oferyaseth yn ro; ha'n estren a dheu ogas a vydh gorrys dhe'n mernans.

Niverow 25:13

hag y fydh dhodho, ha dh'y dhiyskynnysi war y lergh, kevambos a oferyaseth bys vykken, drefenn y vos avius rag y Dhuw, ha gul daspren rag mebyon Ysrael.” ’

Niverow 3:10

Ha ty a wra charjya Aron ha'y vebyon dhe witha aga dever oferyasek; mes mar teffo neb estren yn ogas, ev a vydh gorrys dhe'n mernans.

Dewteronomi 18:5

Rag an Arloedh dha Dhuw re'n dewisas yn-mes a'th loethow oll, dhe sevel ha dhe servya yn hanow an Arloedh, ev ha'y vebyon bys vykken.

Ebrowyon 5:10

wosa bos henwys gans Duw arghoferyas war-lergh ordyr Melkisedek.

Breusysi 17:5

An keth gour ma Mika a'n jevo y sentri y honan, hag ev a wrug efod ha terafim hag a sakras onan a'y vebyon, neb eth ha bos y oferyas.

1 Samuel 2:30

Rakhenna an Arloedh, Duw Ysrael a dhiskler: “My a leveris yn hwir dha ji ha chi dha das dhe gerdhes a-dheragov bys vykken”; mes lemmyn an Arloedh a dhiskler: “Pell bedhes dhiworthiv; rag an re neb a'm enor my a enor, ha'n re neb a'm dispres a vydh dyghtys gans bismer.