Eksodus 29:1 - An Bibel Kernewek 20234 (Kernewek Kemmyn)

¹ Lemmyn, hemm yw an pyth a wredh dh'aga sakra, ma'm serfyons avel oferysi. Kemmer tarow yowynk ha dew hordh dinamm

Eksodus 29:1 Iomraidhean Croise

2 Kroniklys 13:9

A ny bellhasowgh oferysi an Arloedh, mebyon Aron, ha'n Levysi, ha gul oferysi ragowgh agas honan avel poblow a diryow erell? Piw pynag a dheffo dhe omsakra gans tarow yowynk po seyth hordh a yll dos ha bos oferyas a neppyth nag yw duw.

Eksodus 12:5

Agas oen a vydh heb namm, gorow, unn bloedh; hwi a'n kemmer dhiworth an deves po dhiworth an gever;

Eksodus 20:11

rag yn hwegh dydh an Arloedh a wrug nev ha nor, an mor, ha myns eus ynna, ha powes y'n seythves dydh; ytho an Arloedh a vennigas an seythves dydh ha'y sanshe.

Eksodus 28:1

Ena doro y'th ogas Aron dha vroder, ha'y vebyon ganso, yn-mes a vebyon Ysrael, dhe'm servya avel oferysi – Aron ha mebyon Aron, Nadab hag Abihu, Eleazar hag Ithamar.

Eksodus 28:3

Ha ty a gews orth oll an re yw abel, neb a lenwis vy gans skentoleth, may hwrons gwiskasow Aron dh'y sakra dhe'm servya avel oferyas.

Eksodus 28:41

Ha ty a wra aga gorra war Aron dha vroder, ha war y vebyon ganso, ha'ga untya ha'ga ordena ha'ga sakra, ma'm serfyons avel oferysi.

Eksodus 29:21

Ena ty a gemmer neppyth a'n goes usi war an alter, hag a oyl an untyans, ha'ga skoellya war Aron ha war y wiskasow, ha war y vebyon ha war wiskasow y vebyon ganso; hag ev ha'y wiskasow a vydh sans, ha'y vebyon ha gwiskasow y vebyon ganso.

Ezekiel 43:23

Wosa gorfenna an glanheans, ty a offrynn tarow heb namm ha hordh heb namm dhiworth an flokk.

Levitikus 14:11

Ha'n oferyas neb a'n glanha a worr an gour dhe vos glanhes ha'n taklow na dherag an Arloedh orth daras tylda an kuntelles.

Levitikus 16:3

Mes yndella y teu Aron a-ji dhe'n tyller sans: gans tarow yowynk rag offrynn pegh ha hordh rag offrynn leskys.

Levitikus 22:20

Pypynag a'n jeffo namm, ny wrewgh hwi y offrynna, rag ny vydh kemmeradow ragowgh.

Levitikus 4:3

mars yw an oferyas untys neb a begh, yndella ow kul an bobel dhe vos kablus, dres ev dhe'n Arloedh rag y begh re beghas tarow yowynk heb namm, rag offrynn pegh.

Levitikus 6:13

Ha'n tan a bes ow leski pub eur oll war an alter; ny vydh difeudhys.

Levitikus 6:6

Hag ev a dhre y offrynn kammweyth dhe'n Arloedh, hordh heb namm a'n flokk, talvesys genes, rag offrynn kammweyth, dhe'n oferyas.

Levitikus 7:35

Hemm yw rann Aron ha rann y vebyon a'n offrynnow dre dan a'n Arloedh, y'n jydh may fons profys dhe servya an Arloedh avel oferysi.

Levitikus 8:1

Ha'n Arloedh a gewsis orth Moyses ow leverel,

Levitikus 9:2

Hag ev a leveris dhe Aron, ‘Kemmer leugh yowynk rag offrynn pegh ha hordh rag offrynn leskys, heb namm aga dew, ha'ga offrynna dherag an Arloedh.

Matthew 6:9

‘Yn kettellma ytho, gwrewgh pysi: Agan Tas ni eus y'n nevow, sanshes re bo dha hanow;

Ebrowyon 7:26

Rag gwiw o bos dhyn arghoferyas a'n par na, sans, divlam, andhefolys, diberthys a'n beghadoryon, ughelhes a-ugh an nevow.

1 Peder 1:19

mes gans goes drudh Krist kepar hag oen heb defowt ha heb namm.