Eksodus 28:43 - An Bibel Kernewek 20234 (Kernewek Kemmyn)

⁴³ Hag i a vydh war Aron ha war y vebyon pan ons a-ji dhe dylda an kuntelles, po pan dhons ogas dhe'n alter dhe venystra y'n tyller sans; ma na dhokkons kabel warnedha aga honan ha merwel. Hemma a vydh ordenans bys vykken ragdho ev ha'y dhiyskynnysi war y lergh.

Eksodus 28:43 Iomraidhean Croise

Eksodus 20:26

Ha ny yskynnydh dre radhow dhe'm alter, ma na vo diskudhys dha noethedh warnedha.’

Eksodus 27:21

Yn tylda an kuntelles, a-ves dhe'n vayl usi a-rag an dustuni, Aron ha'y vebyon a wra y witha a'n gorthugher dhe'n myttin a-rag an Arloedh. Y fydh ordenans bys vykken dhe vebyon Ysrael der aga henedhow.

Eksodus 30:21

I a wolgh aga diwla ha'ga threys, ma na varwons; y fydh dhedha ordenans bys vykken, dhodho ev ha dh'y dhiyskynnysi der an henedhow.

Ezekiel 44:17

Pan dhons dre yetys an klos a-bervedh, i a vydh gwiskys yn dillas a lien; ny dheu gwlan warnedha hag i ow menystra orth yetys an klos a-bervedh, po a-ji dhe'm tempel.

Levitikus 16:13

Hag ev a worr an ynkys war an tan dherag an Arloedh, may kwrello kommolenn an ynkys kudha an dregeredhva usi war an dustuni, ma na varwo.

Levitikus 17:7

Ytho ny wrons i na fella sakrifia aga sakrifisow dhe jevanow-gaver may horyons war aga lergh. Hemma a vydh ordenans bys vykken ragdha der oll aga henedhow.

Levitikus 22:15

Ny wrons defola taklow sans mebyon Ysrael a offrynnons dhe'n Arloedh,

Levitikus 22:9

Ytho, i a syns ow charj, na borthons pegh warnodho ha merwel dredho drefenn i dh'y dhefola. An Arloedh ov vy, neb a wra aga sanshe.

Levitikus 3:17

Y fydh ordenans bys vykken der agas henedhow, der oll agas trigvaow, ma na dhypprowgh naneyl blonek vytholl na goes vytholl.

Levitikus 5:1

Mar pegh den, ow klewes molleth poblek, hag ev dustunier neb a welas an mater po a glewas anodho, mar ny gews anodho, ev a dheg an blam a'y gammweyth.

Levitikus 5:17

Ha mar pegh den ha gul neppyth erbynn onan a worhemmynnow an Arloedh na dal bos gwrys, kyn fo heb y wodhvos, kablus vydh, hag ev a dheg an blam a'y gammweyth.

Niverow 15:15

Rag an gemmynieth, y fydh unn ordenans ragowgh ha rag an alyon usi trigys genowgh, ordenans bys vykken der agas henedhow; par dell owgh, yndella y fydh an alyon a-rag an Arloedh.

Niverow 18:22

Hag alemma rag ny dheu mebyon Ysrael ogas dhe dylda an kuntelles, ken i a dheg pegh ha merwel.

Niverow 18:32

Ha ny dhegowgh pegh dre hemma, pan dhrehevowgh an gwella anodho. Mes ny dhisakrowgh taklow sans mebyon Ysrael, ma na verwowgh.

Niverow 18:8

Ena an Arloedh a leveris dhe Aron: Otta, my re ros dhis charj a'n offrynnow drehevys dhymm, oll an taklow sakrys a vebyon Ysrael; my re's ros dhis avel rann, ha dhe'th vebyon avel ordenans bys vykken.

Niverow 9:13

Mes an gour yw glan ha heb bos ow vyajya, mes hwath a omwith rag gwitha an pask, an den na a vydh treghys a'y bobel, rag ny offrynnas offrynn an Arloedh yn y dermyn apoyntys; an gour na a berth y begh.