Eksodus 28:41 - An Bibel Kernewek 20234 (Kernewek Kemmyn)

⁴¹ Ha ty a wra aga gorra war Aron dha vroder, ha war y vebyon ganso, ha'ga untya ha'ga ordena ha'ga sakra, ma'm serfyons avel oferysi.

Eksodus 28:41 Iomraidhean Croise

Eksodus 28:1

Ena doro y'th ogas Aron dha vroder, ha'y vebyon ganso, yn-mes a vebyon Ysrael, dhe'm servya avel oferysi – Aron ha mebyon Aron, Nadab hag Abihu, Eleazar hag Ithamar.

Eksodus 28:4

An re ma yw an gwiskasow a wrons: lurik, efod, pows, mantell a vrithweyth, tulyfant ha grogys; i a wra gwiskasow sans rag Aron dha vroder ha'y vebyon dhe'm servya avel oferysi.

Eksodus 29:24

ha ty a worr oll an re ma yn diwla Aron hag yn diwla y vebyon, ha'ga gwevya avel offrynn gwevys a-rag an Arloedh.

Eksodus 29:35

Yndellma ty a wra dhe Aron ha dh'y vebyon, herwydh pup-tra re worhemmynnis dhis; dre seyth dydh y hwredh aga sakra,

Eksodus 29:7

Ha ty a gemmer oyl an untyans ha'y dhiveri war y benn ha'y untya.

Eksodus 29:9

ha'ga grogysa gans grogysyow ha kelmi bondow-penn warnedha; ha'n oferyaseth a vydh dhedha der ordenans heb worfenn. Yndellma ty a wra sakra Aron ha'y vebyon.

Eksodus 30:35

ha gul ynkys kemmyskys avel gans perfumyer, sellys, pur ha sans,

Eksodus 40:13

ha gorra war Aron an gwiskas sans, ha ty a wra y untya ha'y sakra, ma'm serfyo avel oferyas.

Eksodus 40:15

ha'ga untya, dell untsys aga thas, ma'm serfyons avel oferysi: ha'ga untya a vydh dhedha rag oferyaseth vythkwethek dres aga henedhow.

Ysay 10:27

Y'n jydh na y vegh a vydh drehevys a-dhiwar dha skoedh, ha'y yew a-dhiwar dha gonna. Ev res eth yn-bann dhiworth Rimmon,

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Ezekiel 43:26

Seyth dydh i a wra prenedh rag an alter ha'y glanhe; yndella y hwrons hy sakra.

Levitikus 10:7

Ha ny wrewgh hwi mos yn-mes dhiworth daras tylda an kuntelles, ma na verwowgh hwi; rag yma oyl untyans an Arloedh warnowgh.’ Hag i a wrug war-lergh ger Moyses.

Levitikus 16:24

Hag ev a wolgh y gorf gans dowr yn tyller sans ha gwiska y dhillas, ha dos yn-mes hag offrynna y offrynn leskys hag offrynn leskys an bobel ha gul dehwelyans ragdho ev y honan ha rag an bobel.

Niverow 16:5

hag ev a leveris dhe Koragh ha'y gowetha oll, ‘Y'n myttin an Arloedh a wra diskwedhes piw yw dhodho, ha piw yw sans, hag a wra dhodho dos nes dhodho; ev neb a dhewis ev a'n gwra dhe dhos nes dhodho.

Niverow 3:3

an re ma yw henwyn mebyon Aron, an oferysi untys, a ordenas dhe servya avel oferysi.

Yowann 3:34

Rag ev neb re wrug Duw y dhannvon a gews geryow Duw, rag ny re ev an Spyrys orth musur.

Ebrowyon 5:4

Ha ny omgemmer denvyth an enor ragdho y honan, marnas ev a veu gelwys gans Duw, par dell veu Aron.

Ebrowyon 7:28

Rag an lagha a orden tus yn aga gwannder avel arghoferysi, mes ger an ti, hag a dheuth diwettha ages an lagha, a apoynt Mab re beu gwrys perfydh bys vykken.

1 Yowann 2:20

Mes hwi a'gas beus untyans gans an Sans, ha hwi a woer pup-tra.

1 Yowann 2:27

Mes an untyans re gevsowgh ganso a drig ynnowgh ha ny'gas beus edhomm a dhyskans gans denvyth: mes par dell wra an keth untyans ma agas dyski a-dro dhe bup-tra, ha'n untyans yw gwir, ha nyns yw gow, trigewgh ynno, dell re'gas dyskas.