Eksodus 27:21 - An Bibel Kernewek 20234 (Kernewek Kemmyn)

²¹ Yn tylda an kuntelles, a-ves dhe'n vayl usi a-rag an dustuni, Aron ha'y vebyon a wra y witha a'n gorthugher dhe'n myttin a-rag an Arloedh. Y fydh ordenans bys vykken dhe vebyon Ysrael der aga henedhow.

Eksodus 27:21 Iomraidhean Croise

Jenesis 1:5

Ha Duw a elwis an golewder Dydh ha'n tewolgow ev a elwis Nos. Hag y feu gorthugher hag y feu myttin, unn jydh.

Jenesis 1:8

Duw a elwis an fyrmament Nev. Hag y feu gorthugher hag y feu myttin, an nessa dydh.

2 Kroniklys 13:11

I a lesk dhe'n Arloedh pub myttin ha pub gorthugher offrynnow leskys hag ynkys hweg, hag araya bara an wolok war an voes lan, hag i a enow an lugern war an kantolbrenn a owr pub gorthugher. Yndella ni a with charj an Arloedh agan Duw, mes hwi re'n gasas.

Salmow 134:1

Otta, bennigewgh an Arloedh, gwesyon oll a'n Arloedh, hwi neb a sev nosweyth yn chi an Arloedh.

Eksodus 12:14

An jydh ma a vydh dydh kovadh dhywgh, ha hwi a wra y witha avel goel dhe'n Arloedh; der agas henedhow hwi a wra y witha avel ordenans bys vykken.

Eksodus 16:34

Par dell worhemmynnis an Arloedh dhe Moyses, yndellma Aron a'n settyas a-rag an dustuni, dhe vos gwithys.

Eksodus 25:16

Hag y'n argh ty a wra gorra an dustuni a rov dhis.

Eksodus 28:43

Hag i a vydh war Aron ha war y vebyon pan ons a-ji dhe dylda an kuntelles, po pan dhons ogas dhe'n alter dhe venystra y'n tyller sans; ma na dhokkons kabel warnedha aga honan ha merwel. Hemma a vydh ordenans bys vykken ragdho ev ha'y dhiyskynnysi war y lergh.

Eksodus 29:28

Y fydh rag Aron ha'y vebyon avel ordenans bys vykken dhiworth mebyon Ysrael, rag yth yw offrynn, hag y fydh offrynn gans mebyon Ysrael dhiworth sakrifisow aga offrynnow kres, offrynn dhe'n Arloedh.

Eksodus 29:42

Offrynn leskys y fydh heb hedhi der agas henedhow dhe dharas tylda an kuntelles a-rag an Arloedh, le may fetyav genes, dhe gewsel ena genes.

Eksodus 29:44

My a saker tylda an kuntelles ha'n alter; Aron ynwedh ha'y vebyon my a wra sakra, dhe'm servya avel oferysi.

Eksodus 30:21

I a wolgh aga diwla ha'ga threys, ma na varwons; y fydh dhedha ordenans bys vykken, dhodho ev ha dh'y dhiyskynnysi der an henedhow.

Eksodus 30:36

ha nebes anodho ty a val dhe bolter, ha gorra rann anodho a-rag an dustuni yn tylda an kuntelles le may hwrav metya genes; y fydh ragowgh an moyha sans.

Eksodus 30:8

Ha pan bareus Aron an lugern gorthugherweyth, ev a'n lesk, an ynkys pub-dydhyek a-rag an Arloedh der agas henedhow.

Eksodus 40:3

Ha ty a worr ynno argh an dustuni, ha ty a gudh an argh gans an vayl.

Levitikus 10:9

‘Na wrewgh hwi, naneyl ty na'th vebyon, eva gwin na korev pan entrowgh yn tylda an kuntelles, ma na verwowgh. Ordenans vydh bys vykken der agas henedhow,

Levitikus 16:34

Ha hemma a vydh ordenans bys vykken ragowgh, dhe wul dehwelyans rag mebyon Ysrael rag oll aga feghosow unnweyth y'n vlydhen. Hag ev a wrug dell erghis an Arloedh dhe Moyses.

Levitikus 17:7

Ytho ny wrons i na fella sakrifia aga sakrifisow dhe jevanow-gaver may horyons war aga lergh. Hemma a vydh ordenans bys vykken ragdha der oll aga henedhow.

Levitikus 23:14

Ha ny wrewgh hwi dybri na bara nag ys rostys na pennow-ys glas bys y'n jydh may trowgh offrynn dh'agas Duw. Ordenans vydh bys vykken der agas henedhow, yn oll agas trigvaow.

Levitikus 23:21

Ha hwi a dheklar y'n keth jydh na, y fydh kuntelles sans ragowgh; ny wrewgh hwi ober arvethys. Ordenans yw bys vykken yn oll agas trigvaow, der agas henedhow.

Levitikus 24:2

Argh dhe vebyon Ysrael may trollons dhis olew pur a oliv gweskys rag an golow, dhe wul dhe'n lugern leski heb hedhi.

Levitikus 24:3

A-ves dhe vayl an dustuni, yn tylda an kuntelles, y hwra Aron y ordena prest, dhiworth gorthugher bys y'n myttin dherag an Arloedh. Y fydh ordenans bys vykken der agas henedhow.

Levitikus 24:9

Hag ev a vydh dhe Aron ha'y vebyon, hag i a'n deber yn tyller sans, rag an moyha sans yw dhodho a offrynnow dre dan dhe'n Arloedh, kevambos bys vykken.

Levitikus 3:17

Y fydh ordenans bys vykken der agas henedhow, der oll agas trigvaow, ma na dhypprowgh naneyl blonek vytholl na goes vytholl.

Levitikus 3:8

hag ev a worr y leuv war benn y offrynn ha'y ladha dherag daras tylda an kuntelles, ha mebyon Aron a wra skoellya y woes war an alter a-derdro.

Levitikus 6:15

Hag ev a gemmer dornas anodho, a vleus fin an offrynn greun ha'y oyl hag oll y frankynkys usi war an offrynn greun, ha'y leski war an alter, y rann govadh, sawer plegadow dhe'n Arloedh.

Levitikus 7:36

An Arloedh a erghis hemma dhe vos res dhedha gans mebyon Ysrael y'n jydh may hwrug aga untya, avel ordenans bys vykken dres aga henedhow.

Malaki 2:7

Rag y koedh dhe dhiwweus an oferyas gwitha skians, hag y tal dhe dus hwilas dyskans a'y anow, drefenn y vos kannas Arloedh an luyow.

Niverow 18:23

Mes an Levysi a wra servis tylda an kuntelles, hag i a wra doen aga hammweyth; y fydh ordenans bys vykken der agas henedhow; hag yn mysk mebyon Ysrael ny's tevydh eretons.

Niverow 18:5

Ha hwi a with deverow an sentri ha deverow an alter, ma na vo sorr na fella war vebyon Ysrael.

Niverow 19:21

Hag y fydh ordenans bys vykken ragdha. Ev neb a skoell an dowr a lanheans a wra golghi y dhillas; hag ev neb a doch an dowr a lanheans a vydh avlan bys an gorthugher.

Niverow 35:29

Ha'n taklow ma a vydh ordenans a vreus dhywgh der agas henedhow yn oll agas annedhow.

Niverow 8:9

Ha ty a dhre an Levysi a-rag tylda an kuntelles, ha gelwel an gemmynieth oll a vebyon Ysrael.

Matthew 4:16

an bobel esedhys yn tewolgow re welas golow bras, ha war an re esedhys yn tir ha skeus ankow yma golow drehevys yn-bann.’

Luk 12:35

‘Bedhes agas diwglun grogysys, ha'gas lugern gans golow;

Yowann 5:35

Ev a veu lugarn ow leski hag ow splanna, ha hwi a vynnas bos pur lowen pols yn y wolow.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

2 Peder 1:19

Ha ni a'gan beus an ger profoesek moy sur. Hwi a wra yn ta ow kul vri anodho, kepar ha lugarn ow kolowi yn tyller tewl erna dartho an jydh hag erna dhrehaffo Borlowenn yn agas kolonnow.

Diskwedhyans 2:1

‘Dhe el an eglos yn Efesus skrif: Neb a syns an seyth sterenn yn y dhorn dhyghow ha kerdhes yn mysk an seyth kantoler owrek a lever an taklow ma:

1 Samuel 3:3

ny via lugarn Duw difeudhys na hwath, hag yth esa Samuel ow krowedha yn tempel an Arloedh, le mayth esa argh Duw.

1 Samuel 30:25

Hag yth o yndella dhiworth an jydh na yn-rag, ev a'n gwrug ordenans ha breus rag Ysrael bys y'n jydh hedhyw.