Eksodus 27:2 - An Bibel Kernewek 20234 (Kernewek Kemmyn)

² Ha ty a wra kern rygdhi war hy feder kornell; ha'n kern a vydh a unn rann gensi, ha ty a wra hy gorlownya gans brons.

Eksodus 27:2 Iomraidhean Croise

1 Myghternedh 1:50

Adoniya y honan a'n jevo own drefenn Solomon; ytho ev a sevis, hag eth, hag a dhalghennas kern an alter.

1 Myghternedh 2:28

Pan dheuth an nowodhow dhe Yoab – rag Yoab a assentsa gans Adoniya, kyn na assentsa gans Absalom – Yoab a fias dhe dylda an Arloedh, hag a dhalghennas kern an alter.

1 Myghternedh 8:64

An keth jydh na an myghtern a sakras kres an klos esa a-rag chi an Arloedh; rag ena ev a offrynnas offrynn leskys ha'n offrynn greun, ha blonek offrynn kres, drefenn bos re vyghan an alter a vrons esa a-rag an Arloedh rag degemmeres an offrynnow leskys ha'n offrynn greun ha blonek an offrynn kres.

2 Myghternedh 16:14

Ev a gemmeras an alter a vrons esa a-rag an Arloedh dhiworth tal an chi, dhiworth an le ynter an alter nowydh ha chi an Arloedh, ha'y gorra orth tu kledhbarth an alter nowydh.

2 Kroniklys 4:1

Ev a wrug alter a vrons, ugens kevelin hy hys, ugens kevelin hy les, ha deg kevelin hy ughelder.

Salmow 118:27

Duw yw an Arloedh, neb re ros golow dhyn. Pareusewgh an solempnita gans skorrennow, hag yskynnewgh dhe gern an alter.

Eksodus 27:3

Ty a wra pottow rygdhi dhe dhegemmeres hy lusu, ha'y reuvow ha'y bollow ha'y gigveryow ha'y fadellow-tan; oll hy daffar ty a wra a vrons.

Eksodus 29:12

ha kemmeres rann a woes an lodhen ha'y worra war gern an alter gans dha vys, ha rann arall an goes ty a wra diveri war woeles an alter.

Eksodus 38:30

ganso y hwrug krawyow daras tylda an kuntelles, an alter vrons ha'n rastell vrons rygdhi ha toulow oll an alter,

Ezekiel 43:15

An alter-oeles, peswar kevelin; ha dhiworth an alter hag yn-bann, peswar korn.

Levitikus 16:18

Ena ev a yn-mes dhe'n alter usi dherag an Arloedh ha gul dehwelyans ragdho, ha kemmeres rann goes an lodhen ha rann goes an bogh ha'y worra war gern an alter a-derdro.

Levitikus 4:18

Hag ev a worr rann a'n goes war gern an alter usi dherag an Arloedh, usi yn tylda an kuntelles, ha dinewi oll an goes war woeles alter an offrynn leskys, orth daras tylda an kuntelles.

Levitikus 4:25

Ha'n oferyas a gemmer rann a woes an offrynn pegh gans y vys ha'y worra war gern alter an offrynn leskys ha dinewi y woes war woeles alter an offrynn leskys.

Levitikus 4:7

Ha'n oferyas a worr rann a'n goes war gern alter an ynkys hweg dherag an Arloedh usi yn tylda an kuntelles, ha dinewi oll goes an lodhen war woeles alter an offrynn leskys, orth daras tylda an kuntelles.

Levitikus 8:15

Hag ev a'n ladhas; ha Moyses a gemmeras an goes ha'y worra gans y vys war gern an alter a-dro ha purhe an alter ha dinewi an goes war woeles an alter, dhe wul dehwelyans warnodho.

Zekaria 9:15

hag Arloedh an luyow a vydh skoes warnedha. I a wra dybri, ha stankya yn-nans an veyn-dowlbrenn. I a wra eva ha garma kepar ha gans gwin, ha bos lenwys avel bolla-offrynn, avel kern an alter.

Niverow 3:31

Ha'ga charj yw an argh, an voes, an kantoler, an alteryow, lestri an sentri dredha may fenystro an oferysi, ha'n groglenn, dh'y wonis oll.

Ebrowyon 6:18

may fen kennerthys yn krev, pan fiyn rag skovva, dhe dhalghenna an govenek gorrys a-ragon, dre reson dew dra na yll Duw gowleverel ynna.