Eksodus 26:33 - An Bibel Kernewek 20234 (Kernewek Kemmyn)

³³ Ha ty a wra kregi an vayl a'n baghow, ha dri argh an dustuni di a-ji dhe'n vayl; ha'n vayl a wra ranna ragos an tyller sans dhiworth an moyha sans.

Eksodus 26:33 Iomraidhean Croise

1 Myghternedh 6:16

Ev a dhrehevis spas a ugens kevelin rynnys dhiworth delergh an chi gans estyll prenn keder a'n leur dhe'n kebrow, hag ev a dhrehevis hemma avel sentri pervedhel, avel an tyller an moyha sans.

1 Myghternedh 8:10

Ha pan dheuth an oferysi yn-mes a'n tyller sans, kommolenn a lenwis chi an Arloedh,

1 Myghternedh 8:6

Ena an oferysi a dhros argh kevambos an Arloedh dh'y thyller, yn sentri pervedhel an chi, y'n tyller an moyha sans, yn-dann eskelli an jerubim.

2 Kroniklys 3:8

Ev a wrug an tyller an moyha sans, y hys kemmys ha les an chi, ugens kevelin, ha'y les o ugens kevelin, ev a'n gorowras gans hwegh kans talent a owr pur.

Eksodus 25:16

Hag y'n argh ty a wra gorra an dustuni a rov dhis.

Eksodus 26:32

ha ty a wra hy kregi war beder koloven a shittim gorowrys gans owr, gans higennow owr, war beder sel arghans.

Eksodus 27:10

aga holovenyow a vydh ugens ha'ga selveyn ugens, a vrons, mes higennow an kolovenyow ha'ga bondow a vydh a arghans.

Eksodus 27:21

Yn tylda an kuntelles, a-ves dhe'n vayl usi a-rag an dustuni, Aron ha'y vebyon a wra y witha a'n gorthugher dhe'n myttin a-rag an Arloedh. Y fydh ordenans bys vykken dhe vebyon Ysrael der aga henedhow.

Eksodus 36:36

Ha rygdhi ev a wrug peder koloven a shittim, ha'ga gorowra gans owr; aga higennow o a owr, hag ev a deudhis ragdha peder sel a arghans.

Eksodus 40:21

hag ev a dhros an argh a-ji dhe'n tabernakel, ha settya vayl an groglenn, ha kudha argh an dustuni, dell worhemmynnsa an Arloedh dhe Moyses.

Eksodus 40:3

Ha ty a worr ynno argh an dustuni, ha ty a gudh an argh gans an vayl.

Ezekiel 41:4

Ena ev a vusuras y hirder, dewgens kevelin, ha'n les dewgens kevelin a-rag an sentri. Yn-medh ev dhymm, ‘Hemm yw an tyller an moyha sans.’

Levitikus 16:2

Hag yn-medh an Arloedh dhe Moyses, Lavar dhe Aron dha vroder na dheffo pub eur oll a-berth y'n tyller sans a-ji dhe'n vayl dherag an dregeredhva usi war an argh, ma na varwo, rag my a vynn omdhiskwedhes y'n gommolenn war an dregeredhva.