Eksodus 25:9 - An Bibel Kernewek 20234 (Kernewek Kemmyn)

⁹ Herwydh pup-tra a dhiskwedhav dhis a-dro dhe batron an tabernakel, ha'y vebel, yndella ty a'n gwra.

Eksodus 25:9 Iomraidhean Croise

Eksodus 25:40

Ha gwayt aga gul war-lergh an patron ragdha, a veu diskwedhys dhis war an menydh.

Eksodus 26:30

Ha ty a wra drehevel an tabernakel herwydh an ragdho re beu diskwedhys dhis war an menydh.

Eksodus 39:32

Yndellma oll ober tabernakel tylda an kuntelles a veu gorfennys; ha mebyon Ysrael a wrug herwydh pup-tra a worhemmynnsa an Arloedh dhe Moyses; yndellma i a wrug.

Eksodus 39:42

Herwydh pup-tra re worhemmynnsa an Arloedh dhe Moyses, yndella mebyon Ysrael a wrug an ober oll.

Eksodus 39:43

Ha Moyses a welas oll an ober, hag otta, i re'n gwrussa; dell worhemmynnsa an Arloedh, yndella i re'n gwrussa. Ha Moyses a's bennigas.

Niverow 4:12

Hag i a wra kemmeres oll an lestri a'n servis hag yw devnydhys y'n sentri ha'ga gorra yn kweth las, ha'ga hudha gans kudhans a greghyn morhoghes, ha'ga gorra war an framweyth degans.

Niverow 8:4

Ha hemm o kreft an kantoler, ober mortholys yn owr; a'y droes dh'y vleujennow, yth o ober mortholys; war-lergh an patron a dhiskwedhas an Arloedh dhe Moyses, yndellma ev a wrug an kantoler.

Oberow 7:44

‘Yth esa dh'agan tasow tylda an dustuni y'n gwylvos dell erghis ev neb a leveris dhe Moyses, may fe gwrys war-lergh an patron re welsa.

Ebrowyon 8:2

menyster y'n sentri ha'n gwir dabernakel, nag yw drehevys gans den mes gans an Arloedh.

Ebrowyon 8:5

I a serv yn ensampel ha skeus a'n sentri nevek; rag pan o Moyses parys dhe dhrehevel an tabernakel, gwarnys veu gans Duw, ow leverel, ‘Gwith may hwrylli pup-tra herwydh an patron a veu diskwedhys dhis war an menydh.’

Ebrowyon 9:2

Rag tabernakel a veu pareusys, an onan war-ves, hag ynno an kantoler ha'n voes ha ragworrys torthow an wolok – hemm yw henwys an Sentri;

Ebrowyon 9:9

(hag yw parabolenn rag an oes a-lemmyn). Herwydh hemma, rohow ha sakrifisow yw offrynnys na yllons perfydhhe kowses an gordhyer,