Eksodus 25:8 - An Bibel Kernewek 20234 (Kernewek Kemmyn)

⁸ Ha gas i dhe wul dhymm sentri may trikkiv yn aga mysk.

Eksodus 25:8 Iomraidhean Croise

1 Myghternedh 6:13

My a vydh trigys yn mysk fleghes Ysrael ha ny eskasav ow fobel Ysrael.’

1 Kroniklys 22:19

Lemmyn settyewgh agas kolonn ha'gas enev dhe hwilas an Arloedh agas Duw. Sevewgh yn-bann ha drehevewgh sentri an Arloedh Duw, may fo dres argh kevambos an Arloedh ha lestri sans Duw a-berth y'n chi drehevys rag hanow an ARLOEDH.’

Eksodus 15:17

Ty a wra aga dri a-ji, ha'ga flansa war venydh dha ertach, an tyller, A Arloedh, re wrussys rag dha drigva, an sentri, A Arloedh, re fastyas dha dhiwleuv.

Eksodus 15:2

An Arloedh yw ow nerth ha'm kan, hag ev res eth ha bos ow selwyans; hemm yw ow Duw ha'y wordhya a wrav, Duw ow thas, ha my a'n ughelha.

Eksodus 29:45

Ha my a drig yn mysk mebyon Ysrael, ha my a vydh aga Duw.

Eksodus 29:46

Hag i a wodhvydh my dhe vos an Arloedh aga Duw, a's dros yn-mes a bow Ejyp may trikken yn aga mysk; my yw an Arloedh aga Duw.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ezekiel 37:26

My a wra gansa kevambos kres; y fydh kevambos gansa bys vykken. My a's fastyav ha'ga moghhe, ha my a worr ow sentri yn aga mysk bys vynnari.

Ezekiel 37:28

Ena an kenedhlow a woer my, an Arloedh, dhe sanshe Ysrael, pan vydh ow sentri yn aga mysk bys vykken.

Ezekiel 43:7

Yn-medh ev dhymm: Mab den, hemm yw tyller ow thron ha tyller godhnow ow threys may trigav ena yn mysk mebyon Ysrael bys vykken. Ny wra chi Ysrael defola ow hanow sans, naneyl i na'ga myghternedh, gans aga horyans, ha gans peulveyn aga myghternedh wosa i dhe verwel.

Levitikus 10:4

Ha Moyses a elwis Mishael hag Elsafan, mebyon Uzziel, ewnter Aron, ha leverel dhedha, ‘Dewgh nes, degewgh agas breder a-dhiworth an tyller sans, yn-mes a'n kamp.’

Levitikus 21:12

Ny wra ev mos yn-mes a'n sentri na disakra sentri y Dhuw, rag yma sakrans oyl untyans y Dhuw warnodho. An Arloedh ov vy.

Levitikus 26:11

Ha my a sett ow thabernakel yn agas mysk, ha ny wra ow spyrys agas aborrya.

Levitikus 4:6

Ha'n oferyas a drogh y vys y'n goes ha skoellya rann a'n goes seythgweyth dherag an Arloedh, a-rag vayl an sentri.

Zekaria 2:10

Kan ha lowenha, A Vyrgh Sion, rag awotta, yth esov vy ow tos, ha my a wra triga y'th fysk, yn-medh an Arloedh.

Zekaria 8:3

Yndellma y lever An Arloedh: My re dhehwelis dhe Sion ha my a vydh trigys yn mysk Yerusalem. Ena Yerusalem a vydh henwys ‘Sita an gwir’, ha menydh Arloedh an luyow ‘An menydh sans.’

Niverow 5:3

Gorreydh ha benynreydh, ty a wra aga gorra yn-mes, orth aga gorra yn-mes a'n kamp ma na dhefollens aga hamp, le mayth esov trigys yn aga mysk.’

Oberow 7:44

‘Yth esa dh'agan tasow tylda an dustuni y'n gwylvos dell erghis ev neb a leveris dhe Moyses, may fe gwrys war-lergh an patron re welsa.

2 Korinthianys 6:16

Ha py akord eus dhe dempel Duw gans idolys? Rag ni yw tempel an Duw bew, dell leveris Duw, ‘My a wra triga yn aga mysk, ha my a wra kerdhes yn aga mysk; aga Duw vydhav vy, hag ow fobel vydhons i.

Dewteronomi 12:11

Ha dhe'n tyller a wra an Arloedh agas Duw y dhewis rag gul dh'y hanow triga ena, dhodho y trowgh pup-tra a worhemmynnav dhywgh: agas offrynnow leskys, ha'gas sakrifisow, agas degedhow, ha'n offrynnow drehevys a'gas leuv, ha'n gwella a'gas offrynnow ambosel oll a ambosowgh dhe'n Arloedh.

Ebrowyon 3:6

mes Krist o len avel Mab dres chi Duw. Ha ni yw y ji mar synsyn agan fydhyans ha goeth yn agan govenek, fyrv dhe'n diwedh.

Yoshua 22:31

Finehas an oferyas mab Eleazar a leveris dhe'n Rewbenysi ha dhe'n Gadysi ha dhe vebyon Manasse, ‘Hedhyw ni a woer bos an Arloedh yn agan mysk drefenn na wrussowgh travyth dislel erbynn an Arloedh; lemmyn hwi re sawyas an Ysraelysi yn-mes a leuv an Arloedh.’

Diskwedhyans 21:3

Ha my a glewas lev bras yn-mes a'n tron ow leverel, ‘Otta, yma tabernakel Duw gans mab-den, hag ev a drig gansa, hag i a vydh y bobel, ha Duw y honan a vydh gansa.