Eksodus 24:9 - An Bibel Kernewek 20234 (Kernewek Kemmyn)

⁹ Ena Moyses hag Aron, Nadab, hag Abihu, ha'n deg ha tri-ugens dhiworth henavogyon Ysrael a yskynnas,

Eksodus 24:9 Iomraidhean Croise

1 Myghternedh 22:19

Ena Mikaya a leveris, ‘Ytho klew ger an Arloedh: My a welas an Arloedh esedhys war y dron, gans oll an lu nevek a'ga sav rybdho dhe'n dyghow ha dhe'n kledh.

Eksodus 19:24

Ha'n Arloedh a leveris dhodho, ‘Diyskynn, hag yskynn ow tri genes Aron; mes na as an oferysi ha'n bobel dhe stevya yn-bann dhe'n Arloedh ma na dartho er aga fynn.’

Eksodus 24:1

Hag ev a leveris dhe Moyses, ‘Yskynn dhe'n Arloedh, ty hag Aron, Nadab, hag Abihu, ha deg ha tri-ugens dhiworth henavogyon Ysrael, ha gordhya a-bell.

Eksodus 28:1

Ena doro y'th ogas Aron dha vroder, ha'y vebyon ganso, yn-mes a vebyon Ysrael, dhe'm servya avel oferysi – Aron ha mebyon Aron, Nadab hag Abihu, Eleazar hag Ithamar.

Eksodus 33:20

Mes y leveris, ‘Ny welydh ow fas; rag ny'm gwel den ha bewa.’

Ysay 6:1

Y'n vlydhen may ferwis myghtern Uzzia, my a welas an Arloedh esedhys yn se, ughel ha drehevys, ha lostennow y bows a lenwis an tempel.

Ezekiel 44:3

Ny yll nagonan marnas an pennsevik y honan esedha ynni dhe dhybri bara a-rag an Arloedh; ev a enter dre bortal an yet, ha mos yn-mes dredho.

Levitikus 10:1

Ena Nadab hag Abihu, mebyon Aron, a gemmeras, pubonan, y ynkyslester ha gorra tan ynno ha settya ynkys warnodho hag offrynna tan astranj dherag an Arloedh, na wrug ev erghi dhedha.

Niverow 11:16

Ha'n Arloedh a leveris dhe Moyses, ‘Kuntell dhymm deg gour ha tri-ugens a henavogyon Ysrael, hag a wodhes bos henavogyon an bobel ha soedhogyon a-ughta; ha doro i dhe dylda an kuntelles, ha'ga gasa dhe sevel ena genes.

Breusysi 13:22

Ha Manoagh a leveris dh'y wreg, ‘Ni a verow yn surredi, rag ni re welas Duw.’